法羅群島自駕丹麥嘆啡之旅2023-05-24第五天Part 1(又晴又陰)

7月1日…大名鼎鼎既香港回歸…爆多野做….放工同左Diana去雅吉慶生~….7月2日…可能暑假開始了~都係好多野做~....7月3日...唔知係咪食得垃圾野多呢...個喉今朝起身有D痛XXXXD....7月4日...今朝臨起身發左個好可怕既夢XXXD驚到醒左訓唔番~...好生性~..今晚終於買左張機票同訂哂所有酒店房..好叻叻呀我~..落少少講去邊~….7月5日...今日去睇皮膚科去電塊面粒菌...我依家好樣衰;[......夜晚興沖沖買左張機票....但張機票又寫航班待確定.....好似又未講得出黎住XXXXXD.....7月6日...朝早去左睇醫生~睇完去左食爀樂~去同豬子玩~夜晚去永翠宮同唯三大學同學慶生~....7月7日...中午食fika...然後係屋企fing fing腳休息左成個下午~夜晚叫外賣~....7月8日...好很多野做~~我地個暑假旺季係咪回來了~~....7月9日...妖..放工頭痛....7月10日...凌晨個頭痛醒左…番工番到呆呆下…放工仲有啲胃唔舒服…飯都食唔哂…7月11日..噚晚好早訓~(11點算早呀可?)...雖然噚晚訓下醒下...但起碼訓得著~今日好番好多~......7月12日...又到星期五~~放工去試左銀河間和民..都幾多野食既~~不過一般般啦~~…7月13日…一早起身去拜老豆~好熱呢~中午食左上河內~搵我豬~夜晚痴痴貢~



2023/05/24
Day 5---Part 1(法羅群島,瓦格島 Faroe Islands,Vágar->瑟沃格湖 Sørvágsvatn->托爾斯港 Tórshavn->Funningur->Gjógv)
早~食埋今日呢個早餐聽日無得食喇~因為我地今日要check out喇
~(噚晚收到E mail同我地講垃圾要自己扔...咁...收我咁多錢清潔費
係???)

我都唔知毛寶去邊度搵到個垃圾桶XXXXD...其實我地勁早醒左...因為見到天窗係藍天...諗住事不宜遲...不如...噚日個景點.....試多次咯?




真係勁早...食哂早餐出發呢個時候只係8點15分XXXD耶穌光呀喂~






再戰瑟沃格湖(Sørvágsvatn)!!!




我係諗住試一試既心態~行過呢間屋仔行入去...噚日個員工係個女人~今日係一個男人XXXD...然後我同佢講：er...er...er...我地噚日黎過(show張噚日既入場券佢睇)...但係噚日落雨咩都睇唔到...咁咁咁今日使唔使再俾錢呀?XXXXXD......然後佢打俾佢同事...問佢記唔記得我地...然後就放行喇XXXXD(如果我噚日睇到...我今日係唔會再黎架XXXXD)...好彩...入場費要DKK200＝232hkd一人架!!




出發!!雖然晴晴地天!!但係勁爆大風!!仍然係咁多羊屎XXXD




今日天氣掂掂地喎!!個湖都咁清咯~








今日仲易行D添~因為無落雨個地下乾D~唔怕咁爛泥路~




然後!!終於!!又行到黎三段壁!!(個名自己改XXXD)..呢度遇到兩個來自上海的一男一女上左年紀既旅客...見佢地輕裝上陣著哂波鞋咁...我...覺得自己好廢XXXXD










我猛影...然後毛寶：喂~快D上左去先啦~~....我：等埋我呀~~




華!華華!




噚日同一個位~




終於都睇到空中湖喇喇喇~~~但係呢個時候無啦啦勁大風...個天
又黑哂咁.......






然後點都要影下相啦...但真係唔敢行開D影...因為真係勁爆大風!




影多兩張頂唔順走喇...哥隻大風係勁過澳門既8號風球...!!走既時侯唔可以行番條開好左既路走...要行入少少草地行番落去...如果行原先條路係近懸崖行番落去...咁大風既情況下勁驚滾落山
XXXD~






由山頂落番黎...喂...風平浪靜既?我有咁勁爬到咁高咩XXXD




本身諗住大風又打D雨落諗住回程..點知又好天番毛寶話想行埋
分叉路右邊哥個景點~好啦~




好睇行左唔係好耐~~華華華~~好靚呀~呢度就係湖既盡頭~~睇下~有片石係同湖的盡頭分開左~




呢個景好靚~~但最令我深刻既...除左呢個景....就係...去到呢個位已經勁急尿XXXXXD急到無信心行回頭路番去~~好彩XXXD一早知行咁耐又無廁所已經上網買定左(口殊)小寶行山...好彩無人...石又大舊...舒服哂...不過呢度D風好烈!!我哥日條腰猛攝風...feel到腰骨位赤赤痛左成日....(好老)....放心...我地係有公德心既...(口殊)小寶我地係孭住係身然後帶走扔既...無留一粒垃圾架~






雖然佢天氣變得好快~但好彩回程路都好天~好天就行得快d出番去啦~






噚日行左2.5小時...今日3.5小時...我...好佩服我自己~我喎~番到上車無啦啦又勁大風~~開包珍而重之既無印鱈魚條賀賀佢~食少少再出發~原來我地都真係幾早行XXXD我地行左3.5小時...依家先至12點~




我地離開呢區喇~首先會經過首都托爾斯港(Tórshavn)...又天陰陰~






我記得我地泊左係碼頭附近個大大地既停車場~佢地唔興入咪錶..又唔興整張入左錢既紙放擋風玻璃入面....佢地興有個牌寫可以泊幾耐...然後你自己係車個鐘仔自已講個信字係幾點開始泊話俾人知咁囉~架架法羅車都有...租車時已有~






泊好車然後行去好認真咁食個中午飯~經過碼頭~










Bookmark左要去首都既Brell Cafe~地址：9 Vaglið, Tórshavn 100, Faroe Islands





但其實我地係後欄入XXXXXD上圖係正門XXXXD




唔算好大~但舒服既~






好多款咖啡豆~好似好正~~






食物選擇記唔算多既~得包哥D~




叫左Americano~DKK33＝38.3hkd...華~終於有杯好啡嘆下喇~
呢幾日都係民宿自己沖~淨牛角包唔知幾錢~




仲叫左個Toast with ham and cheese...DKK49＝56.8hkd...好
好好味~包佢係用sourdough~




食飽行番去停車場~停車場有幾間舖既~有人急急腳去買野




有人要買萬能膠呀XXXXD佢對行山鞋唔知係咪太耐無著有少少打開口...但明明去之前攞過對鞋出去洗同檢查...澳門D舖真係唔可靠




然後就彈左去shopping mall~~唔知係咪法羅最大既呢~




入面有間算係大既超級市場~試試佢先~






喂!法羅都有是拉差呀!!好勁~




零食就...唔係好吸引XXD




酒就好吸引~個外型~最後我地只係買左包薯片?同埋energy bar就走左XXXD






反而吸引我地既係俾完錢後連住超級市場既雪糕店XXXD






我地要左兩球share~DKK35＝40.6hkd...抵~但我唔記得叫左咩味~但一定有一個係海鹽焦糖...另一個我地應該會揀清新款(睇隻色係莓味)...兩款都好味!我記得前幾日係粉紅豬雪糕櫃見到呢個牌子既雪糕...早知揀呢個牌子食啦~




毛寶D靚靚相~































2024/07/13的開心事：
拜老豆好順利~(又唔曬又唔落雨仲唔係順利?!)



報時：距離毛寶生日台北慶生之旅仲有---76日~
報時：距離與三老小孩佐賀自駕遊之旅仲有---97日~
華....本身下半年D旅行項目停滯不前...
無啦啦我哥日0到100.....
一晚訂好哂機票...咁多晚既酒店...溫泉旅館~~
我呢個人真係唔簡單~~
仲有仲有!!!!!出發哥日係本小姐生日~
你地4個全部同我一齊慶祝~(強迫人同我慶祝XXD)
今次揀去佐賀....原因係疫情前同毛寶去九州玩...
覺得幾正~機程又唔長~
好適合同三個老小孩去...
我地本身約左2020年去...
連機票都買埋...點知疫情黎到....
乜都退哂...(好彩全數退到咋)
所以...覺得.....係時候...我地要去番未去既旅程~
畢竟3個老小孩年紀也不小了...
珍惜同佢地一齊去到旅行既機會~
另外一個旅行.....
係訂完佐賀之後哥晚都訂左機票....
係突然諗到去架呢個地方...
我同毛寶講好想好想去...
跟住佢就陪我去喇~
好啦~待航班確定我先再講啦~