全新飛行體驗法國布列塔尼自駕遊之旅2019-12-04～05第十一,十二天Part 2(晴天)

9月4日...好咯~開學咯~拜拜小朋友們~~~.....9月5日...喂!開心呀!終於有淡季喇~今日番工番得好開心呀~~~......9月6日...老夫人去左旅行~我又要照顧自己喇~今日放工衝去食大家樂~......9月7日....今日朗公子中午臭我去吃中午~仲要請我吃~心甜~....無啦啦今日下午開始落大雨~本身諗住掃街架嘛...掃唔到...走左去食KFC~~....9月8日...呢日有暴雨警告…中小幼全日停課…幾驚啲學生衝黎…好彩無人XXD…夜晚放工食Chiado~~久別重逢..份外珍惜~~…..9月9日..中午買和陽去臭蜆屋企食…夜晚痴痴貢~….9月10日….本身中午諗住買茶茶仔去搵臭蜆食~點知勁大雨買都買唔到~最後都係痴痴貢~夜晚叫外賣~~....9月11日...今日...D客都好麻之煩XD....好彩我臨訓前望下12月最後一間溫泉旅館...突然放左房!所以...12月富士山之旅最後一晚房都訂埋喇~~9月12日....好開心~今日番工清閒D~但我以為今日係星期三XXXXD.....9月13日...開始望緊台灣個行程...因為同三小妖去都係要安排得周詳D~(但我好想食夜市胡椒餅XXXD).......9月14日...放工爆勁大雨~~有遮都成身濕哂；[....等左好耐終於到星期五喇!!...9月15日...反高潮突然多野做~慣左無架嘛~Turbo開唔番~放工同七公去蜀道為毛寶開慶生趴~食緊哥時落極爆大雨....雨既野太多又煩太少又煩.....9月16日...中午去食上河內~然後再試一杯新啡~去探臭蜆~夜晚痴痴貢~



2019/12/04～05
Day 11,12---Part 1(法國,巴黎 France,Paris->香港 Hong Kong->澳門 Macau)
無啦啦又要check多次機票入閘~好彩都有特快通道~呵呵~(其實無人排XXXXXD)

個gate既配套咁好既XXXXXD有機打喎XXXD




真係打到架XXXXXXXD




好啦~夠鐘登機喇~拜拜喇法國~(這個一拜...就已4年了~)






我地回程係15:05搭卡搭爾航空既QR040航班由巴黎飛多哈~係多哈再中轉番香港~我仲衰到佢有隻商務產品我勁想試~仲要4年前係極少有航班會有呢款商務產品...但係!巴黎同香港既航線當時係有既!...但我又好衰XXXXD我唔要兩程都坐呀~我揀短D哥程試第二種機型既商務先XXXXXD呢程係6小時25分~




好~第一程我地試下佢地既A380既商務艙先~~~yeah~影到無其他乘客~~今日全個商務都滿座~




揀位上無咩特別...我個人傾向係每人一個窗口位~




揀位上無咩特別...我個人傾向係每人一個窗口位~但係毛寶叫我同佢坐孖位喎XXXXXD佢話佢驚佢自己鄉下仔咩都唔識叫我睇住佢喎XXXXXXD(喂!你明明自己去程好獨立自己坐窗口位鋪哂床覺覺豬架喎~XXXXD)




好~睇下個位先~望落都闊落~不過亦有可能係因為我瘦~(誤)




坐低~位夠長~(係因為我矮XXXXD)




座位搖控~簡單易明...唔會好似國泰咁蝦我!(好似得我一個唔識用國泰哥個XXXXD)




螢幕搖控~電話咁細個~我無試過個mon係咪輕觸式~因為距離太遠喇~篤唔到~(我個人真係好作狀XXXXXXXD)




其實佢放野既位就唔多既~被都放枱上~水同飛機簡介都係個架度~




枱下面係儲存物品既位~但唔算大~我就夠放既...但名牌包包一定唔夠...好彩我窮用布袋咋~






通道位哥邊入黎時無扶手既~但可以自由整佢出黎~咁個位出入都方便~




Headphone就係放係個扶手入面~Headphone本體無特別...亦唔算舒服~攞左個Headphone出黎之後如果你有個包包係Headphone型就可以存放入去(誤)






插頭係枱既下面~




螢幕好大~解像度都幾好~戲都算多~最開心有繁中~對我黎講好緊要XXXXD我英文差~但講娛樂系統黎講我就鐘意Emirates哥個多D~










amenity kit係我地入黎之前已經放左係度~咁係我左影右影既時候原來隔離機組人員已經問左毛想要咩welcome drink~原來起飛前不能提供酒精飲品起飛後才可提供~毛寶要左->水...仲幫我叫埋.....真係睇少你一陣都唔得架!有signature drink要試架嘛!XXXXXD...講笑咋~其實隨後時都可以叫~






好~到打開餐枱睇睇~wow~好夠大~無時無刻都要用電腦做野既人都夠哂用~




打開佢個amenity kit...有呢D野啦~






再睇埋餐牌~太好喇...係正正經經一個餐牌...唔會好似國泰咁成份報紙咁~而且個封面好有質感!有壓花架!野食同酒單分開~




今日班機既野食~我已經見到其中一樣必試既野~






酒單~都幾豐富~但我唔識好唔好~介紹得都好詳細~咁我梗係無睇啦XXXXD














起飛之前有空中服務員會問我地食咩~同埋陣間起飛之後想飲咩~




好喇~播航空安全片段後就起飛喇~




咦~少可喎...你呢D時候應該訓左架喇喎~




我就起飛時揀左睇阿拉丁~






起飛後既飲品我揀左卡塔爾航空既招牌無酒精飲料：So Jennie~....係一種葡萄氣泡無酒精飲料~都幾特別~~好睇有一早上網睇定有咩signature drink~如果唔係鄉下仔就唔識叫~再配以熱哄哄堅果~優秀~




飲勝~有汽提子汁咁~高級D咁囉~可以同人講我飲過So Jennie囉~攞下威~




飲完So Jennie我就行起身去廁所~(話實在起左飛一陣仔我已經飲左兩杯野XXXXD).....廁所又唔算大囉~還好~不過備品足~乾淨~






去完廁所就見到大名鼎鼎既A380空中酒吧!!!!我咁大個女!!第一次見咋!!!依家空中服務員應該忙緊準備供餐!...仲未有人係度~我轉頭再過黎呀下~




開始準備上餐喇~~~好開心好緊張呀~~我哥邊係空姐負責~毛寶係空少~






調味料有鹽~黑椒~油醋~最緊要有一大舊牛油!






睇下仲有情調到有燈仔扮蠟燭~~




先上麵包~麵包就一般般啦~




好~空中服務員妹妹為我上第一款酒食前菜先~(之前點餐時我有講緊自己想配咩酒XXXXD)






再黎amuse bouche~有塊小薄餅有D cream再加D魚籽醬~仲有三文魚~






真係俾面!人地好耐無影過飛機餐!見係商務佢先影咋~(D人真係勢利~唔同我~我坐經濟艙都咁鐘意影飛機餐~XXXXXD)

幫我影得一千零一張食飯相!




襯隔離位去左廁所先有機會影到窗口...日落中~但影得唔好；[(下次再有機會坐Qatar商務我決定唔理毛寶XXXXD)




由於湯係菇湯~頭先係lounge飲左~為免太飽~我skip左~appetiser我揀左beef bresaola with olive oil~又估唔到配西瓜食又幾好食XXXXD




上主菜~我要左來自法國的白酒~




主菜有魚...雞...同一個素食料理.....我就揀左煎鱈魚~都幾大堆頭XXXXD....除左有鱈魚仲有薯仔同露筍做side~其實舊鱈魚幾好....不過我麻麻佢用red pepper sauce~






仲有提供法式芥末~




到甜品....我又揀左來自加拿大的甜品酒XXXXXXD(飲夠未XXXD)...喂~甜甜的幾好飲~




甜品揀左fresh berries with elderflower syrup~






依家寫blog先知原來我叫左雙甜品XXXD貼心到食完生果再食雪糕~食雪糕時空姐問我想飲咩收尾~我叫左杯洋甘菊~佢然後佢再送左兩包餅俾我佢係咪驚我唔夠飽XXXXXXD(因為毛寶哥邊無)....仲個個餐後都有獨立包裝Godiva~~好高級~






飯後我就約毛寶呢位年輕美女陪我去空中酒吧反下~華~人頭湧湧~盞燈好有氣氛XXXD...空服員仲做埋bartender....真心百變~






野飲可以搵空少~送酒小食自取~都有唔同款式~






我都意思意思攞左D野食送酒~




毛寶叫左杯cocktail~我就求求其其叫杯香檳飲下算啦~勝既~




咁大個女~我第一次試空中酒吧咋~難忘~最衰我同毛寶識唔到個油王~如果唔無就長坐長有XXXXXD




睇下!有錢人連隻窗都靚D架!




坐坐下發現空中酒吧有Wi-Fi上網!




堅架!ig都上到!




玩左一陣就番位~睇左一陣戲我估過左一個鐘左右?空姐就問我pre order左既afternoon tea想食未...我話ok~毛寶：你仲食得落下午茶???.......空姐問得想飲咩?茶定係咖啡定其他?.....我諗左一陣：茶啦~.....我未講飲咩茶佢自動波問：係咪洋甘菊呢~........佢仲記得..我覺得好貼心<3....下午茶就一般般啦~呢程機我睇左套阿拉到同半套crazy rich asian(呢套我又係逢搭長途機見到都會睇XXXXD另一套係普羅米修斯~)




臨降落空姐仲送左支筆俾我~毛寶哥邊無XXXXD....我有當面讚空姐服務好~(唔係因為佢送筆俾我XXXXD).....係因為成程機佢都好好服務又有禮貌超好笑容又貼心記住我鐘意飲既茶~......我最後番到澳門仲寫左封表揚信去Qatar XXXXD




呢程由巴黎至多哈段大約6小時25分....但delay左22分鐘先到~但...咁快到既?點解係商務艙既時間過得咁快既???23:30到了~我記得我呢程機好似無乜訓過XXXXXD(我呢種窮人係咁架喇~訓左又慌蝕底咁~)









唉...樓下通知我地
可能我屋企水喉漏水....
我裝左修才3年多....
點解我間裝修公司咁廢...



2023/09/16的開心事：
見到臭蜆~



報時：距離毛寶生日大阪之旅仲有---13日~
報時：距離小t生日泰仔仔之旅仲有---32日~
報時：距離東京富士山之旅仲有---84日~
報時:距離與3小妖台北聖誕美食之旅仲有---99日~
華華華!仲有13日就出發~~~~~~~
本身出Blog哥日就出發~
所以下一期Blog你明架啦?XXXXXD
番來見~