全新飛行體驗法國布列塔尼自駕遊之旅2019-11-23第零天Part 2(天晴)

11月28日...朝早6點醒左都係好頭痛...起身食左藥再訓..起身好少少~食老夫人煮既烏冬~fika完勁唔想做家務~就算了~XXXXD...夜晚都在家吃~....11月29日....終於起身個人好少少....呢日唔使番工但同番工一樣咁早起身....做左勁多野...又去銀行又呢樣哥樣...跑左成3間銀行XXXD...中午食左comma...又去買一輪野~~之後去毛寶屋企等人送野黎我攰到訓著左XXXD...夜晚去左食齋...11月30日....又有少少早起身....首先去左食立食壽司~再去嘆啡~~然後懷住BWs組員既希望去UA買飛~~~好開心可以買到飛一齊坐~~然後我再買多之後兩場XXXD....夜晚去左食千笹~~.....12月1日....一早出去陪人睇牙醫....中午試左間新啡...然後又忙成個下午睇野...夜晚在家吃~....12月2日...天呀!!!好緊張呀!!!今日係2gethes the movie首映日呀!!!中午去左食遊泰號~~飲埋啡~~下午做左陣野~~然後食早飯去飲湯....頭場先去英皇戲院睇春光乍洩~~跟住再去ua睇我心愛既Brightwin大結局~~同一班BWs一齊睇好開心呀~~好開心呢段時間放假~~我要瘋狂刷~~~....12月3日....中午試左間新啡...下午探左陣臭蜆...再去睇2gether:the movie...然後夜晚約左去試meat up~~~....12月4日...中午食左文哥...下午抹下野...夜晚去左臭蜆屋企食...再去刷2gather:the movie~~~好開心3刷左~~.....12月5日...中午在家吃~~下午去左同公子燒烤~~~~~…..12月6日…中午試左間新啡….之後去左睇梅艷芳…喊到癲…梅艷芳啲歌真係好好聽~~….試左無老鍋~~….12月7日…幫人搬屋好早起身…中午叫外賣…幫人執執下野得知…憑之前既戲飛飛尾可以換到Brightwin既明信片!!!!!即刻放低搬屋衝番屋企攞飛尾再電召去銀河UA換XXXXD…得知聽日最後一日上映…再買多次飛睇XXD…..有夠痴線我真係XXXD…夜晚提早做冬同舅父食~~好多海鮮…象拔蚌長腳蟹龍蝦藍青口…好好味~~…..12月8日…中午食左bagel~~好好味….下午去左學調酒…第一次學…夜晚去左睇最後一場2gether:the movie….不捨~…..12月9日…..中午食左好耐無食既仰光小館…然後訓左個好舒服既晏覺XXXD…..夜晚叫左外賣食~~…12月10日….中午去左雙鑽食府飲茶….然後去左竹灣酒店飲杯茶….夜晚食左鼎泰豐…之後去左探臭蜆~….不過其實呢日我過得唔開心….但我深信件事會好快得到圓滿解決既!!!!!加油!!!!…..12月11日…..中午試左觀音像海濱休憩區間餐廳…都幾多野食~…..下午就瘋狂休息….夜晚痴痴貢………12月12日….中午起身….做左陣家務…中午媽媽煮麵…fika完再做家務….之後毛寶就幫我佈置聖誕裝飾~~…夜晚在家吃…12月13日…中午食左味賞lunch set~行左陣上葡京既八佰伴…去左探臭蜆…夜晚痴痴貢….12月14…早餐食左麥叔叔…午餐食左西洋菜….下午茶再去1868…XXXD…夜晚在家吃~~…..12月15日…中午去左竹灣野餐~~跟住去探臭蜆順便晚飯埋~~……12月16日….中午食左Hiro拉麵….然後休閑左一個下午XXXD…夜晚痴痴貢後再去陪毛寶二刷春光乍洩攞海報….12月17日…中午去上葡京飲茶行下新哥間八佰伴…夜晚係一年一度七公哭福宴XXXD….12月18日….中午試左羅斯福酒店入面既葡餐….再去葡京人飲新啡…探臭蜆…夜晚痴痴貢做冬~….12月19日…訓到10點9..查實仲想訓既XXXD…..中午媽媽煮麵….fika後做家務~夜晚在家吃……12月20日…..回歸嘛~出面既餐廳實加三~加上今日落雨~還是行入酒店既沙北吃好了~又有停車場~夜晚就同左姑媽佢地去食泰國野造冬~.....12月21日....約左好耐無見既皮皮去上葡京新開既lounge食中午飯~然後夜晚約3隻小妖食味藏~12月22日…..…朝早去左老房子食早餐…然後去左睇展覽…再休息一整個下午XXXD….好舒服~~夜晚痴痴貢…12月23日… 中午去左食shake-shack…..然後去沙北飲啡….夜晚去華生堂飲湯….然後去MGM cotai睇醒獅舞蹈戲劇表演~~ 12月24日…去左食會席料理…但好難食XXXD…下午去左同臭蜆玩~平安夜去左打邊爐~~….12月25日….噚晚買Astro又買到我凌晨但都買唔到..睇到人地igs攻略先買到啲..但衫一件都買唔到只買到襪帽袋(都好啦仲想點)..到6點醒左頭痛到嘔..近兩個月都係咁..聖誕快樂~~中午食左潮興隆,行一陣買咖啡回家抖下..夜晚同3隻小妖去永利軒食聖誕大餐…再去影下聖誕樹…睇埋無人機表演~~….12月26日…中午食左toff…下午去左睇蜘蛛俠~~..夜晚去左探臭蜆~~…12月27日...一個月大假最後一日...好唔捨得~中午老夫人買左和陽小日俾我同毛寶食~下午吸下塵睇下Netflix~夜晚叫外賣關東煮~.....12月28日...救命~番公喇~仲要番早~好攞命~不過今日D人算正常~又收左幾個包裹~....12月29日...奇怪..今日多野做過噚日~….12月30日…番左3日工….最多野做今日XXD好攰呀喂~~~~….12月31日….我攞左之前啲OT鐘今日淨係番1個鐘頭工咋XXXD今日個個同事都話我囂張~~~~然後今日終於收都好消息!!!放大假時發生既唔開心既事終於完滿結束!!!yeah!!!!!….中午同公子去文華東方食西式收爐飯~行左陣街就去左揾臭蜆順便係佢度食埋飯~倒數係屋企XXXD…..1月1日….Happy New Year~~~~中午食左喜公館….去下aesop又去下ikea…就去左揾臭蜆玩~~~夜晚又到一年一度既叱吒~~~~我懶左成個月無出blogXXXXD….可能已經無人記得我~~~





2019/11/23
Day 0---Part 2(澳門 Macau->香港 Hong Kong)
喂~死八婆~入正題啦~好喇~我地去完Disney store之後...我地就驅身登冷廚(lounge)~張相影得幾靚~陽光岩岩好打落個主角度~

上回講到佢有好幾個business class lounge~呢個係其一~(依家好似得寰宇堂first class lounge有開；[ )...但我係唔會入呢個既~




我上網做左功課....係..入lounge都要做功課XXXXD...點知係咪得一次~梗係揀個最好既入啦~我揀左入The Pier玉衡堂~好似話係最大~近Gate65~頭等分開入口~呢個係商務入口~如果唔夠時間千祈唔好揀呢個~因為都幾遠~(其實你有當日business class登機證基本上係任入既...可以參觀哂咁多個lounge)...但我唔想行黎行去XXXXD呢個lounge已經夠遠...有得嘆都要懶XXXD)






好似翻新左無耐~見到小朋友已經有得入...直教從事社畜多年的老姐姐難堪....我仲窮到係換番黎~(見我仲興奮左咁耐就知我有幾鄉下仔出城啦~)





好啦~入到去~好多區域劃分~




行一圈先~




一入其實就係嚐味坊~有架咖啡車~呢度仲有D小食輕食麵包沙律芝士火腿生果之類既野食~







睇到停機坪~




然後進入悠然吧~







再來就是風味坊~綠色磁磚一看就知係國泰~




穿過風味坊就到茗茶坊~嘆茶都專係有個地方...有錢人的lounge到底怎麼了?我行到腳都攰了~








仲有兩個區域唔行住~食野先~搵個卡位坐低先~




自助攞既熱野食又唔算話好多~




可以吧枱攞即整既熱麵食~仲有D蒸包~




茗茶坊D茶包風味坊呢度都有~但茗茶坊有人幫你沖埋~




望下雪櫃...呢個一定要飲呀!!!Betsy Beer!





呢個Betsy Beer係以國泰第一架客機命名...呢隻啤酒專為35,000呎高空下既味蕾而特製既有柑桔味淡啤酒...所有長途客機都有提供~business同first就提供樽裝...其他提供罐裝~口感幾清爽~真係唔錯~






飲完啤酒再去悠然吧攞野飲~要左香檳(Mumm)同國泰既Signature Drink~




其實機上都有得叫signature drink...但佢會按月份既不同去提供...而機上提供左另一款無既...就會係Lounge提供番~單數月份提供Oriental Breeze...雙數月份提供Cathay Delight...家陣係11月所以機上提供Oriental Breeze....我依家要衝Cathay Delight!!真係signature drink都要上網睇攻略~因為Cathay Delight係2001年機艙雞尾酒大賽既得主~作為無酒精既Cathay Delight由椰奶...奇異果...同薄荷整成~飲落都幾fresh~好開心我終於都試到喇~




我既第一round野食~睇下對面哥個人食菜食得幾囂張~(你睇到呢度肯定話我做乜影到咁都唔幫你遮遮...事實上我影哥時叫你借借然後你話你係特登~唔關我事呀~)....呢碟前菜勁爆好食!!!




好食到我encore左一次XXXXXD




熱食我攞左呢D~~一般啦~睇個麵就好似雲吞麵喇~




食飽左我地就去左茗茶室坐坐嘆嘆~





叫落左茶我又行去咖啡車8下XXXXD(好煩呀我)





叫左杯americano同攞左少少曲奇番去搵毛寶XXXXXD




番到去岩岩好茶都泡好了~我叫左鐵觀音...毛寶想叫檸橡草薑茶..但我幫佢叫錯左洋甘菊XXXXXXXD(洋甘菊係我鐘意飲XXXD)

悠悠閒咁飲陣茶食陣餅上陣網....我：坐到有D凍凍地...不如沖個涼咯~....毛寶：好呀~......好隨意XXXXXD



於是我地就行到淋浴間~呢個lounge都算係多沖涼房~我地一到淋浴間reception查詢就有兩間浴室ready~唔使等~呢個list上既野有需要你都可以問佢攞~我要左拖鞋~(拖鞋即棄架XXXD如果唔係我唔會攞)




浴室唔算大但係夠用~





沖涼洗手液lotion都係用Aesop...我已經覺得好高級XXXXD





仲有呢D提供使用~




個浴室好好...又夠乾淨...唯一唔好係好熱XXXXD可能驚凍親XXXD我沖好涼極快速換好衫衝番出淋浴間既公共等候區涼冷氣XXXXXXD頭先又話好凍XXXXD...毛寶慢過我先出黎~果然靚既女仔係要人等~




仲有D時間搵個位坐一陣...我地係呢個lounge由天光玩到天黑XXXXD窗前停機坪有機泊喇~




臨走見到瑜伽區無人用影張相~(我完全不想臨飛或等轉機時做瑜伽...好懶XXXXD但重點係我唔識)




夠鐘登機喇~第一次的玉衡堂體驗就此完結~心想：有錢搭商務多好~上機前就可以有如此愜意的體驗~係度好幾個小時都不覺膩~...........而下次我亦只能默默的行去信用卡指定的免費lounge食魚蛋粉.....(其實魚蛋粉都好好食XXXXD我正一垃圾口XXXD)









點都要講下乜乜回顧啦可?XXXD
2021年...
亦是好壞參半~
我希望大家都身體健康~身心舒暢~
最大既改變係我鐘意左一對泰仔CP...
BrightWin~
兩隻仔都咁可愛~搞到我日日都好開心~
又識到D新既BWs朋友仔~
仲幫我解鎖左好多人生成就~(雖然唔係D咩~但我開心~)
來年希望世界會好點(但要點好我唔知XXD)



2022/01/01的開心事：
梗係個個身體仲係健康~
同埋見到臭蜆~