與三大長老聖誕台中遊之旅2018-12-25第四天(天晴)

星期日....中午諗住食root...仲上網訂埋位...點知.....無開!!!企係佢門口...見到另一個party既人都同我地同一遭遇...我問：你地都訂左位?!...另一人：係呀!!但佢唔似有開喎.......於是我忍唔住打去佢姊妹店....得到回覆係：係呀...舊既fb同埋上網訂位系統已經無再用...舊股東唔肯交番出黎....同埋星期日依家唔開...........................你又點估到上網訂位有埋comfirmation letter成件事咁真都食唔到~算~去左金麗華食午餐~下午係屋企睇美味天王XXXD..夜晚去左食金爵~~再去800伴辦年貨~~~星期一...無咩特別~順利的上班日...星期二....今日特別在....生意特別的差XXXD.....星期三..放工又上左去屋企睇裝修~到底...佢幾時會執好?(應該話...執到我滿意~).....睇完裝修同左媽媽去食泰華欣~...星期四....番工又做夠數~好開心~~今日無飯食..去左買牛雜汁烏冬..加埋今日下午同事請既冬瓜茶...恰恰好:]....星期五.....今日有D唔舒服...暫停搵錢一天...下周再努力~......星期六...中午去左食Terra~好耐無食...食既原因係毛寶要去洗車過新年~下午做下功課啦~日本旅行仲有D功課要做~同埋剪下頭髮啦~夜晚痴痴貢~



2018/12/25
Day 4(台灣,台中 Taiwan,Taichung->澳門 Macau)
呢日要走喇~所以臨走前導遊大哥(即係我)都安排一個行程俾D團友啦~因為搭下午機...都係無咩地方可以去喇~又晨早流流喎....好多餐廳都未開....於是安排團友去有熟食既市場體驗一下就最岩喇~XXXXD....呢日既唯一行程就係台中第二市場(全稱台中市公有第二零售市場)....地址：台中市中區三民路二段87號....同我地酒店好近~行過去就得啦~同埋佢有好多個入口~我都忘了我係邊個入口入XXXD





呢度除左真係有菜賣之外~仲有熟食檔~~(仲要有好幾間係好出名的~)




原來有成80年歷史喇!...有D熟食檔...一係開好早之後唔開...一係開好夜朝早唔開~自己留意下想食哥間開幾時~個窗花係睇得出的歷史!




其實一早我就鎖定左呢間山河魯肉飯...吹佢唔脹...有FB專頁...營業時間：05:30-15:00....要注意營業時間唷!下午3點後就關咯~而且中午食飯時間會超多人...我地係早上11點~有人食緊~但仲有位~好彩~(另一間好出名係佢對面既叫李海魯肉飯...開16:00-03:00.....佢同山河好似接力開咁~要留意...呢兩間都係星期三休息)




送你餐牌看看~夏季限定有麻薏湯...大家有機會試試看~




好喇...其實呢度既玩法係排隊買左野食先坐低既~不過呢日人不多....而且極多位...所以我同毛寶就叫你隻小妖坐低等食...我地去買野~好繽紛呀喂~除左餐牌既野食.....就係一系列既小菜~




不過有樣野真係要重新認知...如果唔係會叫錯野食!因為係我認知.....原來我平時係澳門食開既魯肉飯....係呢度原來叫肉燥飯~好彩有圖睇~而魯肉飯就似我地食哥D五花肉(定東坡肉?)




由於上網睇到....話可以叫豬皮飯...點知排到埋去叫話無~佢叫我叫腿庫魯肉飯盡量幫我搵舊多皮既~野~好衰架~(其實我好驚唔識玩呢類型既叫野食出醜~驚自己講得唔好~)




叫好哂野食....佢會執好哂俾我先....然後放係托盆先一次過計錢....佢放哂係托盆...毛寶問：可以(普通話發音)架喇可(廣東話發音)?.....我笑到面容勁扭曲：你講緊乜也呀XXXXXD



好喇好喇~講下D野食先~呢個係冬天限定既蘿蔔貢丸湯...NT$20=5.2hkd....正常野~不過幾平~




苦瓜湯...NT$20=5.2hkd....我麻麻地苦瓜湯~




豬腳飯...NT$75=19.4hkd....好~正~呀~~又平~其實鐘意食皮既叫呢個都OK~好入味呀大佬!豬腳配飯....一絕~





肉燥飯...NT$35=9hkd....好平呀喂!個汁好味....同埋條酸薑係極級好食!!!




我叫既腿庫魯肉飯...NT$?...我都唔知幾錢~因為餐牌無寫~喂....皮好好味呀救命~




荷包蛋...NT$10=2.6hkd......




真係一定要叫!佢隻荷包蛋真係真係好好味!蛋漿同飯一齊吃簡直人間美味!





重點仲有好多小菜...見到咩岩心水就點啦!...分大(NT$60=15.5hkd)...中(NT$40=10.3hkd)...小(NT$20=5.2hkd)價錢咋...我記得我地好似係叫中既....好似~







點!個早餐夠唔夠氣勢!我鐘意台灣既在地早餐~我依家番到黎先見到餐牌上有魯鴨蛋呀!好想食!點解當時我會睇唔到架!下次食~





好啦~食飽飽我地就番去CHECK OUT啦~落到大堂坐左陣司機大哥就黎接我地去機場啦~雖然回程仍是廉航...但台灣呢邊地勤好100倍!去程行李6.6kg...回程8.8kg~




好啦~攞埋登機證就入禁區喇~




大大的聖誕水晶波波球好可愛~




好喇...舊年最黎一次免費任入機場貴賓室喇~在4-5閘口之間~




唔算太大~但係夠靜~因為無咩人黎~




有電腦設備~




有按摩椅~有遊戲機~




窗外望既景~




野食就唔算好多既~但都係有台灣特色既~有稀飯配上好多配料~有我最鐘意既醬瓜~






最特別係呢樣~~烤地瓜呀大佬!勁有台灣特色~





都有酒飲~但我整杯啡OK喇~




好似去左食NT$399吃到飽既火鍋店XXXXXD




其實係第二市場已經食到好飽~係咁意食少少啦~




又估你唔到地瓜不錯喎~




好啦~我地搭台灣虎航IT371號航班係14:00由台中飛番澳門~15:45左右就番到澳門喇~3隻小妖玩得開心嘛?喂~快D俾小費我呀~~終於都寫完2018年去既旅行喇~~歡呼~




總結：
1.使費：2,054.5hkd(機票)+1,221.3hkd(3晚酒店)+1,271.3hkd(現金使費+食野)+3,817.3hkd(信用卡)=8,364.4hkd......聖誕出遊...加上同毛寶一齊請左餐貴飯...都OK既~
2.我都開頭視呢次旅行係一個挑戰..大佬..帶3隻小妖喎~好彩..呢3隻小妖都幾乖~又唔扭計~比起好多後生都唔麻煩~抵錫~
3.我有19幾年未去過台中~難得今次再去...逢甲夜市真係好出色!!
4.今次試左兩間非常出色既餐廳我好開心~就係地坊...同埋食OMAKASE既豪軒...呢兩間我必定會再去食!
5.同埋好開心今次去左兩個我想去既景點~而且之前無去過的~好有趣~
6.希望下次仲有機會帶3隻小妖去旅行啦~(實際上實現左喇~待出發~)

~The End~

~多謝收看~

我發現...我成日都會遇到D奇怪既客...
明明個個Counter都係開放....
個個都無客做緊野...
我個位又唔係最就腳...
D客都會揀我問野...仲要問埋D無邏輯既野
今個禮拜我幫個客做完野...
無啦啦佢隊個電話入黎...
客：你幫我睇下~揀邊紮好~
電話入面有好幾紮花...
我：做咩呀~情人節呀?~
客：唔係呀~十周年呀~
我好認真咁望...但全部都好醜~我唯有揀紮無咁醜...
(傾到好似識左佢好耐咁...但我同佢係第一次見XXXXD)
到底係咪因為我個樣Kai d?個個都鐘意問我野既?
尤其係街狂俾人問路....
無論條街有幾多人...無論我戴住Air Pods其他人無戴
都要排除重重難關...係都要問我路
我真係好感動~



2020/01/25的開心事：
就黎過新年~~~~~~~~
今年仲放到5日半添~~~~~~
好開心呀~~~~舊年放3日半咋~~~~~~
呢個係豬年既最後一Blog~~~~~~
我祝大家新年快樂!身體健康!家肥屋潤!老少平安!心想事成!
總之大家乜都好!順順利利!恭喜恭喜!
我地鼠年見啦~~~~~~~*3*



報時：距離與三老九州佐賀自駕遊之旅仲有---77日~
報時：距離泰國曼谷揼揼揼之旅仲有---153日~
報時：距離七公子台北帥氣行之旅仲有---256日~