天團蘇格蘭高地之旅2018-10-28第十五天Part 2(晴天)

上星期二....又落雨...又無得跑步...唯有留係屋企執行李啦....上星期三....你有無見過有個成年人食零食食到個胃好滯?我有..我真係有見過...因為哥個係我~~放左工去跑步...跑左3.5km.....勁爆熱囉....上星期四...唔知係咪跑完步過熱....我起身又頭痛...係咪咁慘...跑個步都唔俾.......又執行李又頭痛咪懶下唔出blog囉........上星期五至日....同狂歡三寶去左台北嘛~又笑到標尿~星期一....放左工有大單野傾~~~~無上黎寫blog~遲下講......星期二....又下雨了......放工唔使跑步了....係咪真係關落雨事?我頭又痛.....今日仲開左ot添~~我覺得自己好強~~~~~~星期三....朝早勁忙~下午好少少.....哥單大單野搞到個心好累~你又估我唔到星期三出Blog~梗係...因為我聽晚無飯食:P~呢個禮拜既天氣都不適宜跑步~(死啦...我好懶呀)



2018/10/28
Day 15-Part 2(蘇格蘭,天空島,波特里 Scotland,Isle of Skye,Portree->Quiraing->An Corran Beach->Kilt Rock & Mealt Falls Viewpoint->Uig)
好~再下一站~Kilt Rock & Mealt Falls




好似呢個Viewpoint附近係有一個恐龍博物館~~唔知天空島係咪發現大量恐龍呢~如果我係恐龍我估我都好鐘意住係天空島(有無人知呢個blogger想講咩?)










行到前面就係一個Viewpoint~





不過呢個viewpoint同個景係平排~所以有d難影~~~~要隻手伸到好出~~~小心相機跌落~~~本身阿sam諗住攞個航拍機出黎由海哥邊影番過黎會靚d...點知測試左一陣發現好大風所以我地無放.....點知見到另一對情侶有放....隻航拍機越飛越遠好似不受控咁......佢地經歷好耐既操控部航拍機先肯乖乖落番地面.....航拍機平安著地一刻...對情侶相擁在一起XXXXD(什麼畫面?!)





好~呢日既景點行完喇~~~去放飯喇~~~~大比搵到呢間Art Coffee~~~~~~





其實呢間Cafe好細架咋~~~




但係咁細仲有野賣~~~哈哈~~~~




不過佢無咩食~我地唯有叫湯飲當一餐~Today's Soup係Red Lentil Coconut & Lime.....£4.2=43.7hkd...有少少辣辣地又幾醒神~~~~毛寶同我分享飲~~~~~飲完之後...唔知大家記唔記得呢...我今朝講話我喉嚨裂痛~~~點知傳染左俾佢~~~~~




我忘了大比叫左咩XXD




我就叫左Long Black.....£2.4=25hkd....非常香濃同非常濃香~~~XXD.....我地仲叫左蛋糕配咖啡~蛋糕又忘了幾錢~左邊哥舊質地不喜歡~右邊Brownie好甜XXXD





有靚景配搭咖啡~




毛寶同大比有幫襯買野.....強烈推介呢個系列既海鹽朱古力!!!!!!極度好食!!!!我平時唔食朱古力都覺得好食!!!而且包裝紙很美...很適合做手信~




Cafe外仲有帥氣的羊仔~~~





望左我地兩眼次後就各自各吃草~~哈哈~




我地驅車前往今晚住宿~~~又係係半山~~~~~~~仲有隻氣勢牛~~~






我地呢兩晚既住宿叫The Cowshed~





仲有自家杯墊賣~隻羊毛氈毛牛又吉得幾出色喎~




reception後面就係一個好大既公用空間!!有廚房有梳化.....wifi得呢度有...房無





我地今晚住呢d屋仔呀~~~~





注意注意!個gip拉上去呢條路都幾辛苦架~~~~XXD




到了!!我地同大比間屋仔~




房號唔係用數字~~~係用呢d磚表示~~可愛~






入屋睇睇先~~~~~其實都唔錯既~~~~~~咁細仲學人有小廚房XXD....呢度每個pod每晚959.3hkd....每人每晚479.7hkd~






但我最不滿係個廁所.........................差....又係沖涼會整濕哂成個廁所哥種......




大比佢地哥間又整到咁喎!明明屋型一樣點解唔整得一致?!奇~我地哥邊仲要唔夠熱水~我寧願唔要個廚房整大d個廁所好過~




屋仔既鎖匙....喂!乜咁熟口面既XXD你咪reception個杯墊?!?!?好大條鎖匙帶出街呀喂




係屋望出去....係靚既~




床後面都有隻窗望出去有羊食草....成幅動態畫咁~




佢有另一種屋係有埋俾你隻寵物訓架~~~~~~~~~好可愛~~~~




我地間屋望出去個景~~d雲靚到痴線~~~~





大比幫我影的~




喂!!呢度d風夠穩定喇喂~~~~可以放航拍機出黎喇XXD.....不過d圖我係片度cap落黎~有d唔清~~~~








好啦~日落喇~去食飯喇~






去左附近呢間Uig Hotel附設既餐廳~







麵包好吃~




我同毛寶叫左杯智利白酒同唔知咩汽酒....杯白酒£3.2=33.3hkd




毛寶仲叫左杯唔知茶....£2.5=26hkd....重點我想講碟邊粒糖好搞笑~~~




Sweet Potato and Chill Soup....£5.5=57.2hkd.....都ok~




Scottish West Coast Mussels in White wine, Garlic and Cream Sauce....£7.95=82.7hkd....平..但不算好吃隻汁




Pan Seared Uist Scallops in Herb Butter with Candied Beetroot and Strawberry Salsa.....£9.95=103.5hkd.....食左咁多餐有帶子既.....所以帶子都好食!到底係因為佢地帶子質量好好...定大家都煎得好好??個Strawberry Salsa同埋帶子好夾~




唔知咩Salmon....£17.95=186.7hkd....個汁隻味同隻色都好恐怖!!!!!!!!!其實舊魚本質係無問題既!!!係個汁有問題!!




阿sam叫左個Veggie Burger....£12.95=134.7hkd




Seafood Linguine.....£18.95=197.1hkd.....你睇個意粉杰到....又漏又難食.........愧對個價錢呀!!!!




最後仲揀左4隻芝士試試佢...£9.95=103.5hkd.....分吃係Hebridean Blue..Drumloch..Isle of Kintyre's Old Smokey..Orkney Mature Cheddar....


呢餐食左£103.4=1,075.4hkd.....每人268.8hkd......不推薦....然後哥晚...我喉痛然後咳到痴線訓唔到...就係食左泰國蜈蚣丸....然後成個世界靜哂~







成日澳門有事或打風香港Blog友都會留言慰問我..

我只希望係香港既大家一切安好*3*

2019/06/12的開心事：
俾個人安慰左我少少~(關於哥單大單野)



報時：距離九州自駕遊之旅仲有---115日~
報時：距離宜蘭聖誕親子遊之旅仲有---190日~