天團蘇格蘭高地之旅2018-10-25第十二天(雨天)

星期五....呢日工作心情輕鬆~有個客做完仲用普通話同我講：你態度真係好~祝你一切順利~寶貝~~....華~第一次有人咁樣同我講~我Buy~同時又打哂冷震~..放左工去左食八分目...之前食佢幾次d野食都甩哂bit咁~今次又醒神番!...之後同我生命中最重要的兩個人：娘親和毛寶......(係咪好凝重呀個氣氛?).....一齊去睇復仇者聯盟4XXXXXXD....咩呀!呢件對我黎講係大事黎架!XXXXXD....星期六.....中午食左食味方丈~~好開心~跟住行東行西後買埋蛋糕加咖啡回家嘆嘆~去完旅行覺得咁樣既生活簡直係優質生活~XXD...之後夜晚去左食生記~星期日....好開心呀~~中午食左鼎太豐呀~~~~~~下午搵下日本九州d資料~夜晚食外賣~~跟住去左睇戲~睇左圓美大盜~睇完就去左食仙Q~.....星期一...今日都係假期~真係好爽~我中午食左仰光小館~食左平時無叫開既野...發現都係只有魚湯粉最好食......再去沙北Reserve飲贈品啡~下午毛寶幫我剪頭毛~夜晚再痴痴貢~.....星期二....放左工約左diana食飯~食左日本野~星期三....放工去左跑跑~跑左3.49km...勁!爆!熱!!!熱到有d頭痛..............星期四....使唔使日日都咁多野做呀...............真係做到人都癲囉....好攰呀................................快d到聽日放工哥刻啦....



2018/10/25
Day 12(蘇格蘭 Scotland,Onich->Glencoe, Buachaille Etive Mor->威廉堡 Fort William->Onich)
早呀喂~呢日無出去食早餐...食佢Refill左既雪櫃凍冰冰早餐~不過老實講...以muffin黎講...呢個算係不錯!唔怕太甜同太乾~幾好味~




各自在房內食飽飽先出發~咦...今天...有雨~




來到今天唯一的景點....Glencoe, Buachaille Etive Mor....係坐吊車上山然後再行山的~




咁靜焗既~




泊好車得知....今日咁靜既原因...係因為太大風~吊車唔開~~~~~~~~~~~~~~~~~都俾個價目表大家參考下~




係喎~頭先根本無主到...d吊車根本都無郁過XXXD




今日唯一既景點無左~算囉~咪走囉~去附近一個比較大既城市威廉堡(Fort William)





同一檔又賣肉又賣芝士...個概念都幾新!




諗住行下...呢條類似商業街既地方.....臨近萬聖節...見到有個小朋友打扮成魔鬼仲攞住支叉......然後一路追住佢老豆狂篤個老豆個屎忽窿XXXD....然後佢老豆扮好驚一路向前跑....個小朋友笑得超開心....個畫面好治癒.............





行行下覺得極凍....發現有間Cafe....不如入去飲下野咯~




發現好像是一間素食的cafe...有d organic既產品賣..仲有d煮野食既材料賣~




佢有個沙律櫃~都有好幾種沙律揀既~




我同毛寶一個要long black一個要筋勞...各£2.1=21.8hkd....都幾平~




坐佢窗哥排位望住出面又落雨又凍咁飲番杯熱啡係真係享受既~




大比叫左杯茶~£2.7=28.1hkd




大比叫左one portion salad....£3=31.2hkd....都幾大個幾好味!而且個汁都幾出色!




我又嫌食沙律凍冰冰諗住叫個toast....£5=52hkd.....一黎....點知佢係有豆既jack!!!!!!!!!!!!!!!!!!!!!!!!!!!!!!!!!(其實餐牌有寫我無留心.....)......係我最憎既豆呀....多到呢....不過d豆佢地homemade的....個味係唔錯..我係唔鐘意呢隻豆既質感je....我同毛寶有食哂~





食完行下條街d紀念品店...都無咩入到眼....得呢對拖鞋~~~~佢地買左俾菓子軒~~~~~




最後行行下真係無辦法行落去...因為真係無野行....諗住調動行程去左聽日某個景點先.....點知泊好車越落越大雨!!!!!係爆勁大雨....大比check左天氣聽日會好轉.....留番聽日再參觀吧~於是我地果斷地番左酒店.....食下午茶~~然後訓晏覺XXD




訓醒晏覺我地就諗住天未黑又貢出去食飯~~~又去番頭先個大城威廉堡(Fort William)度搵間海鮮餐廳食~~~最近有個露天近海既停車場.......泊好車行過去....極凍呀呢日~




揀左呢間Cannog Restaurant....地址：Town Pier, Fort William, PH33 6DB....




位於碼頭既餐廳~~如果食中午都幾好~可以對住個海食~~我地無訂位...所以早早黎~係第一枱既客人~~呢間餐廳d裝修都幾得意~








麵包好味~




Chamomile Tea....£2.95=30.7hkd....特登叫黎飲賢者~




我叫左杯L'Origine Reserve (125ml)....£6.9=71.8hkd....諗住今晚食海鮮嘛~




Carrot and Chilli Soup....£4.8=49.9hkd....正常味~




Crab Timbale(with Cold Summer Soup)....£8.95=93.1hkd....d女仔一聽到係with cold soup即刻叫蘿蔔湯...但呢個......喂....好味喎!




Duo of Ardshealach Hot and Cold Smoked Salmon....£9.75=101.4hkd....一邊係煙三文魚係凍食...一邊係熱食.....熱食個質感還是嫩嫩的狀態~出色~




Loch Creran Oysters....8 Shells...£15.95=165.9hkd.....我地叫左16隻.....每隻20.7hkd.....不過我地覺得唔係好岩我地口味~所以無翻叫~每人4隻濕下咀仔就算~





West Coast Mussels.....£16.95=176.3hkd.....好味~個汁也好吃~用黎點頭先個麵包好正~




Mallaig Langoustines with Garlic Butter with Salad and Potatoes.....£32.95=342.7hkd......一般......肉有點梅梅的....同冰島的...差遠了...............................薯仔是挺好吃的





Pan Seared Scallops with Black Pudding, Pork Belly, Apple Puree, Cailiflower Puree and Celeriac slaw....£26.45=275.1hkd.....帶子煎得好味~嫩~...舊豬也難得的好吃~個皮佢煎得極香~




Yorkes Salt Aged Rump Steak.....£23.5=244.4hkd....勁~爆~難~食~~~~~~~~~~~~~~又鞋又無味~~~~~~黎左咁耐好似無食過好食既牛扒~




有d好好食有d唔好食啦~~~~只是還好的一餐~





Liqueur Coffee....£6.5=67.6hkd....揀左baileys~不過呢杯野一般~




Affogato....£3.95=41.1hkd.....球雪糕味道不佳~~





呢餐食左£197.75=2,056.6hkd....每人食左514.2hkd.....其實都叫左幾多野食又飲左酒~貴就唔貴既...但水準有d參差~




今日無咩景俾大家睇....唯有帶大家睇下我地洗左衫點long衫XXD.......如果有呢d暖管~~~我就會咁整架喇....第二朝就一定乾啦~~~~~~~~捲到成條臘腸咁~~~~~








舊年睇復仇者3時....
睇到最後我已經話：出年萬勿錯過!!!
點知今年上畫時.......
踏正我去摩洛哥...........Sad到呀...
無得即時睇..
好彩!!!無劇透!!!網上同朋友間都無~
所以我都唔會~
我覺得真係一個時代的終結.......
話實在..我睇哥時對眼有d濕~
同埋....淨係想講：Thor....除低件衛衣先啦~
同你好唔襯呀XXXD



2019/05/16的開心事：
家陣每晚10點半睇周老師既周遊關西最開心~
日日都學到好多野~
好鐘意周老師~



報時：距離狂歡三寶台北快閃瘋食之旅仲有---20日~
報時：距離九州自駕遊之旅仲有---142日~
報時：距離宜蘭聖誕親子遊之旅仲有---217日~
開始諗緊九州之旅..不過見到九州好鬼大~
揀一兩個縣去好了~
同埋仲有一個旅行令我苦惱左差不多半年~
但仲未搞掂~