天團蘇格蘭高地之旅2018-10-16第三天(晴天轉陰)

星期二.....呢日生意慘淡...差d以為自己追唔夠數~好彩臨收工前又趕過來了~(咁樣番工真係好辛苦~)....星期三.....呢日變番又濕又熱…放左工去跑步…極大霧…跑左3.55km…食左屋企附近新開既沙律店…超勁大盒…食到我狂放屁!(因為佢入面有豆)......星期四....今天老子不舒服...所以不出blog~星期五....夜晚去COD入面食tapas…之後去左睇銃夢…好彩有去睇…真係好好睇…點解咁多年前已經諗到個故仔?好勁…不過上網睇話佢係外國唔收得!可能第二集爛尾(唔好呀我好想睇呀!!!)...星期六…呢日係我既大日子呀!濕爬來澳門開演唱會呀!講過你地係澳門開幾多場都睇架嘛!好興奮買到哂兩場飛<3有一場仲係港女幫我買到…唔該哂~~~中午去左食sip sop soup…食完去左菓子軒呢粒人仔既托兒所參觀…之後就衝左去venetian…食左北方館再去排濕爬紀念品…佢地個演唱會叫到我聲都沙…跳到成身出哂汗…運動量多過我跑3k XD.....睇完仲同衰婆去食千笹宵夜…我家仕燊真的棒棒的!仲撞到香港blog友~~星期日…中午食左Toff…然後hea一陣…又去venetian…當然又係為左supper…我從未試過係澳門或任何地方睇兩場相同既演唱會…唯獨係你地…兩場一唱有你有我即爆淚…希望仕燊個屁股無事啦;(…依家完左我勁唔捨得呀…平伏唔到…星期一....跳左兩晚......我兩條小腿痛到發瘟~~~~成個跛豪咁~但我都挑戰自我~~放工跑左3.54km~



2018/10/16
Day 3(英國,格拉斯哥 UK,Glasgow->愛丁堡 Edinburgh->格拉斯哥 Glasgow)
早呀~~今好望落好好天咁喎~~~~~




我地呢日既行程係去愛丁堡(Edinburgh)呀~~本身大比諗住搭火車去愛丁堡.....因為怕揸車無位泊~但點知上網睇火車飛...每人要成400hkd來回.....er....都係揸車去啦~~~





上高速時又真係幾清楚既顯示得~~(阿sam揸緊車我係後座狂食零食當早餐~~)




望落又幾好天既~沿路仲見到發電風車~





大約一小時就去到愛丁堡喇~~咦~黎到變左陰陰天想落雨咁既?!





大比係叻到上網搵左停車場...然後仲要上網俾埋錢book埋!....好像是一個價俾左錢然後可以泊全天~叻~但我又見到佢現場有咪錶喎!唔知係咪都可以即場俾錢walk in呢~





停車場身後的大拱門~幾靚~黎到愛丁堡覺得好古色古香的~




我唔係想影過緊馬路哥個橙色人呀~XXD....我想影佢後面呢個塔咋~





黎到愛丁堡覺得好古色古香的~(我其實諗唔到第二句~)




周圍閒逛時見到公園入面有呢個建築物(?)或塔(?)或紀念碑(?).....覺得自己好似身處係捷克咁~






係公園望過橋既對面~又幾靚喎~可惜天陰陰又有d背光啦~








我都地過橋看看~黎到橋既另一邊...感覺好似入左哈波既世界咁!





呢度仲唔係魔法世界?!?!!?!?!?!?勁可愛呀喂!!!!!!




查實我地仲未食早餐~咁一次過食埋中午啦~~~就揀左呢間Ecco Vino~地址：19 Cockburn Street, Edinburgh, EH1 1BP





叫杯筋勞提提神先~~£2.2=22.9hkd....除左提神..仲覺得有少少凍呀~~暖暖身先~~~




叫左兩個soup of the day...係tomato basil....£4.5=46.8hkd....極大個~~少可毛寶見到係蕃茄湯都出手...因為....外國d茄湯真係唔係人咁品~~~飲完都夠飽~但呢個又還好唔怕太酸~




叫左兩個前菜~一個係Seared Scallops....£9=93.6hkd....喂!煎得好味呀!!無煎到過熟~




仲有呢個Wild Prawns....£9=93.6hkd...個汁ok既!但蝦食得出不是新鮮的~旁邊d火箭菜鬼屎咁好吃!




主菜叫左3個...其一係Roasted Pork Belly.....£15=156hkd...好鞋呀d豬~~~個汁ok既~旁邊d菇呀~菜呀~沙律呀~好好好味~




Shetland Mussels(Large)...£14=145.6hkd.....一大煲~~~~都ok既~但個汁又未至於好好味~因為有d漏~





最尾一個主菜原來我唔記得影~~~就係我前面哥碟海鮮意粉~~£16=166.4hkd....這個不錯~但3個main對我地黎講就有d多囉~




呢餐食左£78.45=815.9hkd...每人食左204hkd~




食飽飽又再周圍行下參觀下啦~其實我地都無咩目標既~漫無目的咁行下~(可能有...但我係跟人行哥個~)...天團隨隨便便係街行都可以影到帥照~(第一張阿sam同大比搶哂戲..係男女主角~我同毛寶是路人~~~~)












當然最帥的是我~~~~




其實行係佢舊城區周圍都係好多既手信店...不妨行下啦下~不過好多手信都好醜...我無辦法入到手~~~~~~好似大三巴條手信街咁~~~我比較欣賞佢地拖住d狗~~睇下呢隻大隻到~~~~~~(其實周街都有好多人拖狗狗出街~~而且好多唔同品種~~好好睇的)




買磁石係每次旅行必做~~但......係醜到我入唔到手!!!




行左好多間...終於有一間有一粒係睇得下人!!!都幾夠代表性呀可?????????




我地係帶住英鎊出發~俾錢就咁俾英鎊~~但找番會係蘇格蘭銀行發行既英鎊~感覺奇妙~而且有好多款~





紅色電話亭~~~好英國呀~




然後行過一個教堂...望到對面有表演者表演沿浮....magic....影影下佢之際....唔知點解硬係覺得毛毛的XXXXD好似俾佢啤住咁~~(其實可能佢訓著左都唔定)....我唔敢喇~~(走先)





突然行行下見到有架雙層巴士~勁似哈波架騎士公車~~~~






沿高處地方繼續行~~~~~~




係路邊有表演者吹緊蘇格蘭風笛...著埋傳統服飾!!好有型~~毛寶影得好有味道~~~




咦~係喎~我每去一個新既地方都會買襟章俾神秘團友~~~~我揀左呢個<3




同埋買左呢張Postcard~~~~呢張好靚~~~~自己一定影唔到咁靚~~~順便買埋郵票~~~都好靚~~~~個蘇格蘭風笛都好有特色~~~~





係路邊見到有就玩下~~~~影得好開心~







我發現d鬼佬都好鐘意搶鏡~XXD




很無聊的成年人們~XXD....原來仲有間博物館架~~~~




下...我聞到有魔法既氣息!!!!(咁遠都見到有中文字~~)




其實係一間紀念品店入面....有一個位有魔法氣息~




唔算多野吸引...呢個會唔會太hea呀~~~條黑袍求其買都得啦~~




呢個我就幾欣賞既~不過我有呢個size既哈波榮恩妙麗~~但我唔想買埋佛地魔將佢地擺埋一齊~XXD




我唯一有買既哈波野係呢樣~~~~知唔知係咩呢~其實佢係一支鉛筆~~~~~~~~~~~~~~~





行出紀念品店上到最高點~~~從高處影下愛丁堡~~~






仲有可以影下愛丁堡城堡(Edinburgh Castle)~~~但我地都係影下外圍je~~~~入去要有飛架~~~~~





發現左呢個架車~~~~~~~你地發唔發現到佢有咩特別呀!!!!!!!佢係一個女仔黎架~~~~




沿路行番落去啦~~~~~





行到番頭先個公園突然有陽光~~~有陽光影靚好多!






行完舊城區又行去新城區~仲有行左一間百貨公司~不過~查實無咩岩行~~~~~~~




咁就走lu~番格拉斯哥lu~但係遇上放工時間..有點小塞車~~~




番去時又有番d日落色睇下~橙色天好靚~~~~




由於我地係愛丁堡街邊見到KFC廣告牌今日有特價雞買....於是我地番到格拉斯哥就去買....阿Sam停埋架車一邊我同毛寶去買~呀~我英文唔係好叻.....去到KFC時發現...咦...餐牌無呢個餐既XXD....無得指圖跟講添XXD.....然後到我地哥時我有d老尷.....最後我自己幫呢個餐作一個名：One Tuesday promotion pls~XXXXXD......點知佢真係知我講乜XXXD....呢個Tuesday promotion堅抵!!!!£6.99=72.7hkd...有成9件雞呀!!!!....仲平過澳門!!!(澳門好似係$60六件)....買完就番左民宿食~蘇格蘭d KFC又幾好食喎!!!!!!!!!!!!!!!








係喎~
個課程收左我喇喎~我唔記得講~
繼如何成為熟女課程之後又一力作!
我將會去上一個叫做"犬隻訓練及行為矯正課程"...
就唔係我要養既~~
想上哥個人會唔會養亦未知~
不過佢係有心想養既~
咁樣都幾唔錯呀~
想養小動物之前去了解下點養先~
咁先係負責任既主人~讚~
所以我有可能之後一個月會忙忙的~
(反正可用持續進修d錢黎讀~唔使錢我都湊湊熱鬧~)



2019/02/25的開心事：
我從來未試過連續兩日睇同一個演唱會...
而睇左兩次仲係覺得唔夠!我愛濕爬!!
*********************************************
第一場我本第坐地下第七行.....
但合照時我即衝上第一行仲要係中間位!!
我可以係澳門場....企到第一行影大合照呀!!!!!!!
好感動呀!!!!澳門場演唱會留下我和毛寶兩粒頭仔~
多謝銀佬既港女幫我買既飛!多謝!
***************************************************
上面頭先話撞到個香港blog友~
最令我感動係...佢竟然同我講.....
佢係因為睇左我個blog才喜歡了濕爬!!!!!!!!!!!!!!!!
好感動呀~~~~~~~~~~~~~~~~~~~~~~~~~
我真係要繼續為濕爬好好推廣了~
不過黎緊佢地發展大中華市場....
我又開始掛住佢地喇;(



報時：距離六公子峴港嘆世界之旅2019仲有---37日~
報時：距離北非摩洛哥之旅2019仲有---58日~
報時：距離狂歡三寶台北快閃瘋食之旅仲有---100日~
我地租左越南酒店喇~
係我簽左證之後一個禮拜...
越南就話可以網上簽證喇...
仲要195hkd咋....er............................