和歌山嘆溫泉自駕遊之旅2018-06-23第六天(雨天)

星期五…多野做到痴哂線…失哂控…仲唔小心叫左前同事個籌入黎…佢咁乞人憎梗係老虎蟹都扮唔認得佢啦…自己無澳門幣係身仲叫我自己打俾現職既某同事攞錢(喂…大佬呀我角色既設定係唔認得你你係一個普通客咋…)…乜依家啲人大支野到咁要我問其他人幫你俾錢XXD妖…無鏡都揾盆水照照自己先啦…大把有錢過你既人有品過你好多呀~:D…放左工同左公子去開我同杯既生日趴呀!笑得好開心!永遠同公子飯聚都好開心!…星期六…中午同左大比佢地食Toff…點解我覺得啲野細份左咁多咁既?…之後去食大比想食好耐既bloom既咖啡味軟雪糕！行埋爛鬼樓市集…跟住去左超市買旅行野同野食…夜晚同媽媽食左蘇浙匯醉蟹…再去睇"小心幫忙"(A Simple Favor)....但無我想像中咁好睇~鐘意睇gone girl多d…但估唔到套戲幾長下~成兩個鐘....星期日…一早去左拜老豆~跟住去旅行去食番個我最愛既魚湯粉~再去starbucks reserve飲個生日贈飲~去埋西環湖影蛋黃哥~再番毛寶家剪頭毛+痴餐~好充實的星期日~~星期一.......多野做到我連飲杯熱水都係一個奢望....睇住黎...我就快放假~~睇下d籌威得幾耐~



2018/06/23
Day 6(日本,和歌山縣,湯淺町 Japan,Wakayama Ken,Yuasa chō->澳門 Macau)
早咧~一早起身打開窗~又是一個陰天~~~~我地間房可以望到佢地種既三宝柑樹~~~~~~~





好啦~落去食早餐~~~~由於噚晚哥餐太出色~~~所以我勁期待今日既早餐~~~~~~~~~~~




WOWWOWWOW~~~~~~~好豐富呀~~~~~~~~~





唔怪得噚晚個湯無加龍蝦啦~~~原來想留番今朝呀~~~~~勁好味~~~~而且個蝦頭仲要有膏~~~~~





另外哥d都好好味~~~~沙律上都有魚仔~~~~





烤魚哥部份非常出色好食!!!!佢將一條魚分俾4個人食~~~除左烤得好食之外~~而且分配既位置剛好都係大家喜歡食既部份~~~我鐘意食魚尾~毛寶分配到魚鮫位...毛寶爸係魚頭~~~~~~





老人家都好喜歡今日既早餐~~




最後食飽飽佢問我地一句：coffee?.....我：yes!!!!!!!!!!......呢杯啡幾唔錯喎~




走了~雖然呢間家庭式既溫泉旅館設施雖然唔及其他大型既旅館....但我係呢度食過一餐最好食既晚餐同早餐呢~多謝你~栖原溫泉~




好囉~走喇~上左行李上車又開始下雨天~





又上高速公路向關西空港方向前進~





呢程高速公路俾左1,480円=91hkd......





不過我地唔係直接去關西空港~我地去一去outlet先~留意下~係呢度其中一間店舖度買夠2,000円=123hkd...就已經有3小時免泊車~留意下~




又黎呢個Rinku Premium Outlets....地址：大阪府泉佐野市りんくう往来南3-28....Mapcode：35 861 391*48....密密雨~




記得買野前去左information度攞遊客折扣劵呀~




又偷影你入Beams~~~~~




你估都估唔到....有買野既人係呢3個人~~~~~~~我買左件衫俾菓子軒呀~~~同埋我買左頂made in japan既減價冷帽去蘇格蘭用~~~~~~~





又去我近期去親呢個outlet都好鐘意買既麗奇~~~大開殺戒~





我想推介呢隻跑步襪真係好好跑~~~~




然後我去columbia呀!!!!見到呢件減價月下貨呀!!!!!條拉鏈邊勁靚呀!!!!!好民族風.....點知...呢件得番一個碼...太細唔岩我著....我唯有推介左俾毛寶......................我喊呀




唯有買過另外一件月下貨補數~~~~




今次我竟然係幾有收獲喎~~~開心~~~~




係Beams已經搞左免停車場費~所以就咁過多次機就走得~




極!度!大!雨!.....記得過橋去關西空港還車前要入左油先!因為過左橋之後係關西空港哥邊係無油站的!我地咁多日淨係還車時先入左一次油咋!入左5,525円=339.8hkd~




還完車成身濕鬼哂~係aeroplaza行番去terminal 1~





我自己跑落下一層還番個wifi蛋~




拿拿臨搞埋check in先~~好彩上左網搞online check in...呢日勁多人~我舊行李回程只是16.8kg咋!




搞掂check in之後就梗係去食野啦~我上一次就係去呢個航空公司既Lounge~不過無熱食...得d麵包蛋糕杯麵咁




之前上網睇知道有d餐廳會同Priority Pass合作~如果你有張PP卡再加埋你既登機證可以入餐廳食某金額既野~~~我估唔到!!!!原來大阪機場都有間餐廳可以用PP卡呀!!!!!!!好野~~~試新野~~~~~(記得上面提及既Lounge同埋呢間餐廳都係禁區外的)





就係呢間BOTEJYU(ぼてじゅう)喇~佢係食大阪燒架~




都幾多人食!!要排隊等一陣~佢個收銀台已經放有Priority Pass係度~~要係排隊時話俾佢知你係用Priority Pass呀!佢會係入座之後扣你一次到訪貴賓室....每人可以食3,400円=209.1hkd既野~(包埋稅呀!).....如果食多左就俾現金或者信用卡都得~佢地係你入座時有講明整野食需時...如果趕飛機就唔好食喇~





呢間有好多外國人服務生~




叫左烏龍茶同凍茶...各390円=24hkd




毛豆...380円=23.4hkd




餃子~580円=35.7hkd......有少少油...但味道不錯~




沙律(小)...580円=35.7hkd.....不錯~~




毛寶媽叫既雜錦炒麵~1,380円=84.9hkd.....好味!




毛寶爸叫既另一款炒麵~1,680円=103.3hkd...好味~




毛寶既鐵板Sukiyaki....1,480円=91hkd....油左d囉~d蛋汁係點牛肉食...但毛寶誤會了將蛋汁倒落去食~





我就叫左雜錦海鮮大阪燒~~1,380円=84.9hkd....不過我麻麻鐘意食~~哈哈~不過見呢間係老牌大阪燒店~~~所以叫黎食下~我覺得炒麵好食d~





黃豆粉黑糖蕨餅.....480円=29.5hkd.....黃豆粉不夠呢~~如果多d會好食d~




綠茶雪糕....480円=29.5hkd....一般~




北海道牛奶雪糕....480円=29.5hkd......好好好好味呀喂~~~~難怪餐牌有寫係得獎架~~~~真係好好味~




好叻呀!!!!食左咁多野又野飲又前菜又主菜又甜品咁!!!無超過每人限額3,400円=209.1hkd~~~~~叻叻~~(其實落單前有計過哂~~)....但食完個身好臭~~~




食飽飽~走喇~記得唔好食到過哂時呀!餐廳係禁區外架~




乖女帶阿爸阿媽第一次日本之旅~~唔知佢地開唔開心呢~




我地搭澳門航空NX855航班係15:15由關西空港直飛番澳門喇~不過我同毛寶都係坐通道位~影唔到雲相.....飛機餐係雞~但唔好食~澳門飛過黎哥餐好食d~




好喇~又完成左一個遊記喇~~~~拜拜~~~~~~~~~~~~~導遊希望團友都玩得開心~~~~~





總結：
1.使費：2,571mop(機票)+1,073.8hkd(信用卡已付酒店)+11,931hkd(食買玩+租車+溫泉旅館)+106mop(保險)=15,500.8hkd.....又幾抵玩喎!!6天全包買埋野才萬五hkd!!
2.出發時雨季狂落雨仲係度怨天怨地...但我地番黎之後係豪雨....水浸.....不停有颱風....原來上天已經俾左最好既野俾我!唔應該成日埋怨.......不過見到自己去過既地方水浸又有其他天災.....都倍感心up......
3.今次再次走出舒適區....試下去未去過既和歌山...好好玩!!!!都幾多姿多彩!!!!
4.今次又試左3間溫泉旅館....我最鐘意浜千鳥の湯 海舟既設施...南紀勝浦溫泉かつうら御苑間房....同埋栖原溫泉既早晚餐......最貴係浜千鳥の湯 海舟....最平係栖原溫泉....但我估唔到最平哥間野食係最好食~....同埋今次各間各有優勝之處...好難要我揀一間再住....但上次四國我可以揀到我最鐘意既係黑潮本陣~今次除左栖原溫泉.....普遍我覺得四國d溫泉旅館既會席好食d~就算係鄉土料理也很吸引~(唔知毛寶係咪咁睇呢?)
5.第一次出現既旅行組合!好彩毛寶爹娘都好玩得~
6.我諗我會再去和歌山~因為d野好好味~同埋風景好靚~下次再去看看晴天既和歌山啦~

~The End~

~多謝收看~

2018/10/08的開心事：
我~去~大~旅~行~前~黎~左~m~喇~~~~~~
(呢度係咪唔可以講黎m架?
但我真係好開心~女仔先明~
家陣成個大旅行都平安渡過~)



報時：距離天團蘇格蘭高地之旅2018仲有---5日~
報時：距離鳥取自駕遊之旅2018仲有---53日~
報時：距離與三大長老聖誕台中遊2018仲有---74日~
噚日大比同我地開左茶會喇~
簡介左有咩地方會去~
佢搵左好多靚景點呀!!!!!!!!
我好期待呀~~~~~~~~~~~
記得星期四黎探我旅行前之blog~