日本四國自駕遊之旅2017-10-20第七天Part 1(雨天及後轉晴)

星期二....一起身覺得個喉嚨虧虧地.....番番下工直頭成身俾針吉....即刻飲杯感冒熱飲....病左坐counter真係好慘架..仲不停講野.....星期三....一放工袋都未放低就收到個壞消息...希望...你從此唔再有痛苦.......星期四...我病左...放左病假....醫生開左兩日俾我休息....呢個禮拜...好梅...我唔開心



2017-10-20
Day 7---Part 1(德島縣,德島市 Tokushima-ken,Tokushima shi->鳴門市 Naruto shi->兵庫縣,神戶市 Hyōgo ken,Kōbe shi)
喂~早呀!你知啦....講左好多次...噚晚訓訓下無冷氣....全房人一早醒左...早過原來時間起身.....




快快趣搞掂好出門口去飲啡算喇!!!!熱屎我喇!!!!一出房門...超清涼...我地講笑話早知出房門訓算......一早起身又落密雨.....




黎到酒店附近德島駅旁既Starbucks~我幾鐘意佢呢間既裝修~而且勁早無咩人~坐得好舒服~




排緊隊哥時左望右望....呢隻杯堅靚!!!但我忍左手!




又左望右望....華!!!仲有我未試過既starbucks布甸!!!好開心!!!買咯買咯!!!




去到梗係要飲下日本既筋勞啦....原來日本有4個容量叫架!!!!有一個係超細細粒!!!!!!好可愛~~~攞上手都覺得得意~~(你家陣飲既定望既?)..你咪理啦~~~總之我覺得好得意啦咁細杯~~~(唔記得記低幾錢~)





真係覺得佢得意到不得了~送多張寫真過你~同我媽哥杯expresso差唔多大~




咁難得見到~~梗係食哂兩隻味啦~~~各320円=22.2hkd~




焦糖布甸with咖啡啫喱(鬼仔又出現)....咦~幾唔錯喎~而且我好鐘意佢隻杯仔!






仲有雞蛋布甸~~~我又係好鐘意佢隻杯仔~開頭食覺得麻麻...因為無咩特別





點知食食下原來最底有焦糖!!好味!!不過個布甸就質感唔夠滑~有d可惜~





我地唔係咁癲一早齋飲咖啡同埋食甜品既~仲有包類我無影je~




食飽飽就番酒店攞車走啦~終於可以離開呢間酒店~~好~由酒店出發~20分鐘左右就黎到藍住町歷史館藍の館...地址：德島縣板野郡藍住町德命字前須西172....Mapcode：56 403 426*62




呢度除左係一個博物館之外~佢仲有藍染體驗架!!!我有係香港玩過呀!覺我好好玩~媽媽未玩過~帶佢黎體驗下~你整唔同大小既布會有唔同價錢~俾大家參考下價錢~(藍染體驗09:00-16:00)





我揀左條長方形既大手帕~1,000円=69.5hkd....仲要加埋入歷史館既入場費300円=20.9hkd




跟住個路線指示我地去玩左藍染先~






影下整之前~我條手巾仔~




戴左圍裙同手套之後佢就會叫你揀想要染咩式樣~我好似係揀左1~




藍染既藍色真係好吸引~




按你所揀既式樣佢教你點樣紮好佢之後~就要放入去染喇~不停咁浸染...攞上黎air...浸染...air.....不停重覆~





呢日有日本小學黎課外活動!!好正!!!我地同超多小學生一齊體驗~~呢個係其中一個小學生~當日工作人員都超忙~如果唔計小學生~遊客得我地3個~(仲有一個外國人!)




染完之後就要水洗~自己洗完佢會再幫我地放入洗衣機洗一陣~又俾你見埋另一個小學生~




然後排隊去燙番乾佢~咁岩線外國女孩在我前面....因為見佢頭先玩藍染時同工作人員以日文流利地溝通~~於是咋咋帝問下人地邊度黎~~原來佢係澳洲人~~~我讚佢d日文好勁.....最後知道原來佢係小學生們的其中一個老師!!!!!!!勁!佢地個個戴哂紅帽仔好可愛~




我既製成品呀~~靚唔靚先靚唔靚先~~~





我好鐘意呢個體驗~有得玩藍染~唔貴~仲要所花時間唔多~~(大約20分鐘左右)...好適合帶小朋友一齊黎體驗下呢~





體驗完藍染之後就就慢慢參觀下啦~咁岩又同小學生們一齊~~~~睇下藍染既歷史~好羨慕佢地學校有咁正既體驗呀~學習生活好應該係咁樣丫!




d公仔又做得幾仔細喎~






睇埋其他藍染既製品~







二樓有資料可以睇~但全日文...請左google老師出黎...但佢譯到鬼5馬6!!






日本既皇太子同皇妃都有黎過呢度參觀架!!呢件衫佢地有著過!!




近出口有d紀念品賣...不過唔太吸引~




反而佢對面既藍屋敷おくむら就幾吸引!!地址：德島縣板野郡藍住町德命字前須西172....Mapcode：56 403 306*87





我都有買少少~~個紙袋都好靚~我有左條藍染毛巾~同埋藍染貓貓送俾朋友們~





好啦~走喇~~~~~終於可以天光咁睇/過鳴門大橋~






仲唔小心出錯出口去左唔知邊個市...搞到又要再上多次橋俾多次過橋費走番轉頭~~(好彩張過橋收費卡任用)....好喇!!睇清楚個景點有指示要出喇~~~~~




好!!終於到達我地既景點!!鳴門漩渦~~哈哈~因為之前搵個哥個Mapcode搵左係條橋上面~~搞到行錯哂~~~終於搵到佢個停車場~我記得呢個好似係第四停車場....因為其他停車場好遠應該係遠影條橋既~都幾多車泊~好彩仲有位~500円=34.8hkd...地址：徳島県鳴門市鳴門町(鳴門公園内)




我地唔坐船仔呀~我地想上橋由高空睇嗚門漩渦~停車場旁邊有樓梯..有指示寫渦の道~跟住行~




行經嗚門大橋上方~





跟住指示一直行~仲會不時見到呢d時間表既...呢d都係話俾你知係大潮..中潮..小潮





呢d時間你都可以係出發睇定!因為你如果想係最佳時間睇到漩渦既話就要夾岩時間黎~可以上潮見表-渦の道睇個潮夕時間.....記得留意d時間既顏色~...例如我地10月20日去既....個時間係紅色18:40同埋12:40.....紅色代表大潮....大潮既最佳觀賞時間係哥個時間既前後兩小時...中潮就前後個半鐘...小潮就前後1小時~









2018/03/22的開心事：
無呀......嗚嗚



報時：距離與媽媽慶生台北吃喝之旅2018仲有---7日~
報時：距離和歌山嘆溫泉自駕遊之旅2018仲有---87日~
報時：距離與毛寶慶生泰國食揼嘆之旅2018仲有---190日~
報時：距離天團蘇格蘭高地之旅2018仲有---205日~
好~仲有一個禮拜出發去台北吃吃吃~~~