"六公子"帥帥出使釜山之旅2017-04-14第一天Part 3(天晴大風)

星期二....攰到我呀......勁爆多野做....下午做到成個人梅哂.....星期三..好多野做呀~但Supper Moment出左新歌"靈感床"呀~所以我心情好好呀~~一down左即聽超多次~~~唔知點解好非洲feel~~~~好輕快~~好好聽~~~~星期四...由於我噚晚睇完Supper個fb live...我成晚發夢都見到佢地...仲要窄醒左番再訓都見到佢地...本身係幾開心既..成晚見到sunny...但個夢係講關於我要去睇佢地演唱會..然後去撲紀念品.....仲要跑左成晚去撲......最後買到我最想買既毛巾.....點知係一條米老奇毛巾..............嬲到我呀.......................所以我今日好攰!!!!!!!嬲屎人喇!!!!(有咩值得嬲?)...........好野~聽日~星期五~去睇戲~去食日本野~~~~



2017-04-14
Day 1---Part 3(澳門 Macau->韓國,釜山 Korea,Busan)
好咯~黎到呢日中午既午餐地點~叫季節飯桌계절밥상...地址：釜山海雲台區Centum City Homepls 2樓....韓文地址：부산광역시 해운대구 센텀동로 홈플러스센템시티점 2층.....其實由頭先Spa Land行過黎只係一街之隔~不過超大風....吹到頭都甩~




從外面偷看~裝修不錯~




呢間野係食韓式自助餐架~~~第一次試好期待~~




等緊帶位期間望到呢間餐廳仲有野賣架喎~~(但我無細睇有咩賣~)




由於麥公子的Oppa已經一早幫我地訂左位所以好快就有得坐啦~~~~每位14,900₩=102.1hkd~




話明自助餐嘛~~~梗係自己出去夾夾夾啦~~睇下佢有咩食先~~我覺得佢地撈哥d沙律幾出色喎~




有幾條長枱放野食~種類都算係多~~




天婦羅類~聽朗公子講話好食~




有炸雞有年糕~~




烤豬肉~~~隔離仲有一大堆菜呀~香葉呀~蒜呀~俾你伴烤豬肉一齊食~




雪糕都好似唔錯~~因為佢有好多配料俾你~~~中間哥隻好似瓦片形狀既餅好好食~~有海苔味的~~就咁食都好好食~




仲可以自己整韓式拌飯添~~有請帥帥的你為我們示範~都有好多料揀~





我攞既第一碟~~~佢d小飯卷我覺得好好味喎~~~沙律也好好別~~~~~~哥碗就係毛寶頭先整哥碗拌飯~




開動~~~呢度連野飲都係任飲的~~




我既第二碟~有烤豬肉有炸雞~我好鐘意佢有埋醃蘿蔔食~




食到咁上下就走去整雪糕啦~~~我整既雪糕超少家~~~因為我目的係想食哥塊瓦片多d~佢仲有海鹽焦糖俾你整落雪糕度~




睇下其他公子既作品幾咁大器~




仲抵死到有得整韓式雪花冰呢~




公子都忍唔住整左個~




食飽飽我地就去到地下既超市.....諗住買少少野帶下一個景點食~~(你地岩岩先食完飯咋喎~)...個超市勁大~~~




我地就係要買韓國的士多啤梨呢~7,990₩=54.7hkd....好平呢~大大盤的~都幾香~





又坐的士黎到下一個點~(你地到底要有幾懶~~)......路過呢個小士多~~~覺得佢d顏色筆好可愛所以影低~




我地既目的地係海雲台(해운대)~~~噢~~好漂亮的海灘呢~~但......我終於明白出發前看的iPhone天氣那個圖是什麼意思喇~~~~~~原來係極大風既意思~~~~~~~係大風到d頭髮左吹右fing~~~~~~~~由於海灘超多沙嘛~~d風係吹到d沙飛起狂打落我地塊面度~~~~~~~~~~~~根本上不能開眼~~~整隻眼都是沙~~~(令我想起細個健教科有一種病叫沙眼...但跟呢件事完全無關~:P)所以我只能合起眼來求其影幾張相~~如果住呢區d酒店應該幾靚~







怎麼人家毛寶也是沙眼.....拍的照片就是跟我不一樣???人家的很有味道!難道我俾風吹的沙眼跟你的沙眼是採用不一樣的沙?(誤)



想知有幾大風可看看後排長髮公子的秀髮可知一二....本身係呢度既行程係睇住個海食頭先買既士多啤梨~同埋安排左間天台cafe去飲下午茶的~~~依家全部取消~太大風大沙~~~又凍又剩~求其影兩張相走喇~




又坐的士番去南浦洞區啦~攝於我地酒店條街~睇黎呢區都係一個山城~~直望依山起左好多屋~此時又天陰陰的~好~去攞房先~




我地訂左一間3人房...兩間雙人房...因為當初訂房時計埋凱公子嘛~咁3間房除開....整個行程每人1,018mop(平到!!)....每晚才339.3mop一人.....釜山d酒店都幾平喎~呢間係三人房~




呢間係我同毛寶既雙人房~都幾大~開兩個中gip都夠位有突~每人300幾蚊呢間房算係超值~




廁所~




休息一陣食埋士多啤梨又出發~咦~又變番晴天~d護膚品店開哂當堂熱鬧哂~不過唔係好岩我買~因為我依家唔可以亂用護膚品~




我幾鐘意佢路既兩旁種滿小花~




呢間賣眼鏡個櫥窗幾得意~個兩隻機械臂郁黎郁去咁~(但唔知忙緊咩~)




行過某便利店買支當時大熱的小小兵奶試試...1,700₩=11.6hkd.....我記得係杯買的....揀左粟米味.....勁難飲......................




目標係行到街頭過條超大馬路既超大間的樂天百貨(Lotte)~有分好多個館架~真係勁大~




我地同杯子都有野想係度買~我同毛寶就想搵泳衣買~(為左之後既非洲之旅用~)....杯子就好想搵呢個Line Friends~~佢想買野俾小公子嘛~~~隻熊大係幾搶鏡既~我忘了在Lotte的那個館~因為有某d樓層先相通的~自己去到再搵下~(不負責任blogger)....呢d精品已經毒我唔到~我真係好叻~







呢間仲有cafe~不過無得坐的~只有外賣~d雪糕又幾得意既~









星期三晚Supper Moment仲有fb live睇~
又心花怒放~~
Haagen Daze請左佢地表演~~
仲俾我知道Sunny鐘意食Haagen Daze既綠茶味~~
你真係好有推屎呀~~因為我都鐘意食~(但最愛係開心果味~)
我仲癲到電腦開黎睇之餘電話都開埋黎幫佢做勢~~
等多d人睇live~~~~(係咪好花痴~)
好羨慕香港人可以成日有機會睇佢地......
我諗如果我住香港我會成日睇佢地表演..........
點解我地之間有一小時船程喎~~~~~~~~~~~~~~
(好彩唔係10幾個鐘機程)



2017/07/13的開心事：
無驚無險又一天.........如果番工可以聽歌會更好
我：你就好啦...番工可以聽歌...
毛寶：係呀..我今日聽左好多次靈感床喇...
(哼~~~~~~~~~~~~~~~~~~~~~~~~~)



報時：距離與毛寶慶生快閃台北之旅2017仲有---76日~
報時：距離日本四國自駕遊之旅2017仲有---92日~
報時：距離日本大阪自由行之旅2017仲有---147日~
報時：距離新加坡熱辣辣聖誕節之旅2017仲有---161日~