冰島環島自駕遊之旅2016-11-14第十天(雨天及後轉陰)

星期五番工極痛苦....應該只有Chlo子和朗公子明白~~~放左工約左公子食飯...去左紅鶴餐廳食~~~食之前係露天停車場同朗公子一齊好似山上隻土撥鼠大叫先可以舒發~~舒服哂~~~(重點係呢間餐廳唔錯).....星期六係有間咖啡廳中午+下午茶...一食食左3個鐘....同公子一齊的時光是特別快過~跟住就行下街去埋藝墟~之後又行左venetian~再行埋銀河再食埋渡小月~~食飽仲去左探毛寶的小姨甥~(臭臭)...抱佢抱到明明想訓但又死心不息左望右望...抱到我想訓先過佢~~~~~~~~星期日我娘親係壽星女~中午同左佢去食金坂~~~(真係好好味~~)...之後再去睇春嬌救志明~~(又係情意結)...有人話呢集最好睇...但我覺得最好睇都係第一集.....夜晚再食天潮個孖寶套餐~~不過今次無哂凍蟹....食左胡椒蟹..但都係凍蟹好味d...........星期一~~~5月1日嘛.....上個禮拜咪講左囉~~人地要去睇Sunny bb嘛~~~~野.....好怕醜呀~~~~~~~~~~~我呀.....我去左試下接佢船呀.....咁呀...你知啦.......澳門有兩個碼頭嘛.......我都係唯有放手一搏架咋~~最後.....hehehheheheheheheheheheeh.....出完冰島之後我決定要出我與Sunny bb既事蹟出黎.....真係.....太犯規*3*.....咁下午咪去左黑沙睇Hush囉~有Supper Moment嘛~睇完之後我曬傷左囉.....重點係d陽光係曬我後面...但最後我淨係成個人既右邊被曬傷.............係傷到塊面紅哂(淨係右邊..夠怪未?)........星期二一起身...點解我個身咁攰咁痛架?!?!好似仲攰過係台上唱歌既Sunny?????但都係要番工架..仲要開ot添...ot生涯無咩好講........成個腦都係Sunny..生哂花.....星期三放佛誕節假呀嘛~成12點先起身~中午本身係諗住食馬慶康或八分目的..驚佢地放假諗住打去睇有無開先去兩間都無聽電話之下..去左羅浮咖啡~(但最後知道左原來兩間都有開......................)...食完就去整番我個mon...前兩日去碼頭等Sunny時跌爆左...痴埋mon貼無左$878........拜拜~之後去左探毛寶小姨甥仔~夜晚食左園林~....星期四....依然多野做~~~同埋唔知點解屋企個上網又係慢到咩咁~~~希望快d好番啦~~~~~



2016-11-14
Day 10(冰島,博格內斯 Iceland,Borgarnes->雷克雅未克 Reykjavik->藍湖溫泉 Blue Lagoon)
早晨唷~~~~~一大早起身見到咁樣既早餐真係好醒晨~~~~呢個只係冰山一角~~~但我好鐘意呢幾樽野~~~




呀~真係幾唔錯~~~~~~~~~~~~~~~係check out既時候我地發現左......原來我地訂既呢間房係唔包早餐既.........所以.....每人ISK2,000=140.4hkd.....呆了............早知食多d啦...




好喇~再度出發~又來一個下雨天的早晨...呢趟旅程到底要落幾多日雨????????????我地今日會番首都喇...代表旅行就黎要完...不捨~




好喇~如果想快d番到首都唔使兜圈呢...最快既方法就係俾錢過呢條海底隧道喇~ISK1,000=70.2hkd.....





穿出黎再揸多半個鐘到就番到首都~




華....一番到首都個地圖即刻"密質質"!睇到眼花~




番到首都~第一個要睇既景點梗係哈爾格林姆教堂(Hallgrímskirkja)....首都地標火箭教堂~我好鐘意的~其實番到首都都成10點幾11點...但仲係天色好黑...黑到教堂d燈都未熄~華...佢地好運到丫......教堂外牆維修中佢地都遇到~







發現多左好多人要登頂!上次黎根本一個人都無.....今次排哂大隊要搭lip上去.....我地就咁入內參觀下算喇~






出到黎見到~~~原來街道已經有聖誕節既裝飾喇~~開心~~個聖誕鐘好靚~我超鐘意~~




行完教堂出黎就周圍行下啦~睇下d紀念品店咁樣~行行下.....第一隻冰島貓呀!!!!!!!!無啦啦出現係眼前~~~肥肥的~~~好可愛~~~~~~~




忍唔住追蹤佢~~~胖胖的太可愛~~~眼睛藍藍的好靚~~~個身d毛毛好似著左皮草咁貴氣~~~~四蹄踏雪架仲!!成個貴婦咁~~






睇下班人傻到~




聖誕鐘同教堂好襯~~~蠟燭燈飾都好靚~~






行行下又見到另外一隻~~~~~~地下d貓仔腳印都好可愛~~~哎呀~~~唔小心最尾一張毛寶影到人地小菊花添~~~







哈哈~~首都d貓就黎怕哂我地~~~我覺得係首都其中一個節目就係影貓貓~~~~~唔知係咪因為今次黎凍呢~無咩貓貓出黎~今次得兩隻咋~~




再沿斜路落~




影不厭的聖誕鐘~







越行越落~行到落旅客中心哥頭啦差不多~




哈哈~行落黎既目的地~~~~就係我最鐘意食既熱狗檔~Bæjarins Beztu Pylsur...地址：Osthusstraeti,101 Reykjavik....乖乖小孩排隊中~




加左價喎!!!舊年ISK400...依家ISK440=30.9hkd!!!!但我仲係好鐘意食~




食飽飽又沿斜路上番教堂哥度攞車~




其實冰島d紀念品已經吸引唔到我架喇~淨係呢個聖誕老人湯匙是特別點的~~不過無買~我驚番到去爛~




走喇走喇~今次都環冰島一圈遊~又完成一個創舉~個創舉就係成程都係毛寶一個人揸車!!!超勁~







然後醒起係喎...聽日飛喇喎要上網check in揀位....於是我襯佢地睇野買野哥時自己係街頭搵wifi check in.....點知我發現我根本無揀過位佢自動幫我編左位...我望一望...嬲到我丫.....55J K L同埋H咪最尾一行!!!!!!!仲要係靠窗坐3人...中間哥排一個人.....我最憎坐最尾一行!!!d去廁所實嘈住哂訓覺..........................明明佢一開放check in我就即刻check..點解會一個位都無得俾我揀!!!!!!!神秘團友說：算囉..依家都無計~唯有聽日去到機場睇下有無得再調位囉~.......有時我都幾佩服佢既樂天同EQ~




玩完一圈~我地離開首都喇~準備還車前小孩話要去油站刷番好架車先還俾人~(但租車公司話唔使抹的...真係好乖既小朋友~)




好喇~還車前最後一站景點...係黎到藍湖溫泉(Blue Lagoon)....地址：Blue Lagoon,240 Grindavik





呀~重點係~我地係俾團友黎望下個藍湖溫泉有幾藍架咋~無話浸架~(呢個呃人既旅行團呢~~)...無俾錢入都影到少少既~賣火柴的女孩mode開啟~查實我覺得藍湖又貴又唔夠熱~所以廢事浪費錢~同埋另一個目標係幫大比買藍湖溫泉d護膚品~佢話好好用~




其實無入藍湖溫泉入面都可以影到個咁藍既水既~呢度係外圍~個個都可以入~唔使錢的~唔浸既不妨係度影~好似我地咁~






望後面先見到...原來藍湖呢頭都有咁多地衣寶寶既咩?(驚奇)...不過係無冰川哥頭哥d咁厚厚胖胖~







我地放但行李係酒店就去還車~因為酒店同租車公司極近~揸9987KM~~~




出發時是7913KM...即係我地整個環島之旅就揸左2068KM!!!!!!毛寶你好利害呀!!!!!!!




我地今晚既酒店係機場隔離~叫Airport Hotel Aurora Star.....因為唔想聽日早機又要毛寶咁早起身係首都一早揸成個鐘頭車去機場~所以住機場酒店算喇~行都行到過去機場~我地本身約左租車公司係我地酒店還車既..但我地早左到酒店唔想再等人黎攞車還~所以我地自行揸車去佢度還~因為近我地還完車就可以自己行番去~呢間係我地酒店~而我地係企係租車公司度影過去的~幾近~




房都算大既.....每房€120.91=1,003.6hkd...每人每晚501.8hkd.....唔平....呢間房我同我媽都唔鐘意..因為覺得佢好黑.......成間房得一支座枱燈...一支書枱燈.....感覺好唔舒服!!




房間望出去就係機場~




望過左手邊就係機場喇~(紅箭咀)...聽日推住行李過去都唔遠~




呢晚晚餐又係酒店搞掂~因為附近都係咩都無~Prawn Salad....ISK1,700=119.3hkd....估佢唔到喎~沙律幾好食~蝦都炸得唔錯~




Fish and Chips....ISK3,000=210.5hkd...普通~




Fried Rice with Egg and Vegetables....ISK2,000=140.4hkd....好好味!!!真係好好味!!!!無諗過~~~個味勁似泰式炒飯~~~而且黏黏的~~我知炒飯要炒到乾身粒粒分明先係好野...但呢隻係黏得黎幾好食~~~~極快俾我地消滅~




Icelandic Lamb...ISK3,700=259.6hkd.....都不錯~但對比起個飯就失色~




仲叫左個小食Prawn Tempura....ISK1,800=126.3hkd....鬼佬式炸蝦~但炸得幾好食~呢晚痴左線~叫左咁多野食~由於我地用淨左d冰島克朗~但又唔夠俾哂成餐飯錢~所以就問侍應姐姐可唔可以盡用現金俾..淨左哥d再碌卡~佢又俾喎~幾好人~唔該哂~

好喇~食飽飽上房執下野啦~我地聽日就起程番屋企喇~







2017/05/04的開心事：
仍然沉醉係Sunny bb既回憶之中...............................
supper moment!!!!!!!!!!!!!!!!!!!!!!!!!!!!!!!!!!!!!!!!!!!
好掛住你呀仕燊bb<3
最可憐係我塊面.....曬傷左...仲要毒到係曬傷左半邊面.....
為了愛Sunny......犧牲真大~



報時：距離毛里裘斯渡假+馬達加斯加麵包樹之旅2017仲有---15日~
報時：距離與毛寶慶生快閃台北之旅2017仲有---146日~
喂...係時候準備旅行d用品喇喎......