南美洲4國新奇探險之旅2016-03-11第二十八天Part 1(陰天及後天晴)

野~~人地去完台灣番黎喇~~~有無掛我呀~~~我知啦~~~無丫嘛~~~~~~(嗚嗚)....估唔到今次台灣之旅咁攰~~~~~但好開心食左兩次我好鐘意既哥間早餐店~~~~無喇無喇~~無哂旅行去喇暫時~~下年哥d又未定~~~~未有報時器住喇~~失落~~~放左4日假..真係好多野做...去台灣第二日已經頭痛...痛到噚晚仲係痛緊...慘...仲要今朝凌晨訓訓下個頭爆痛到醒左...痛到嘔....快d好番啦!!!我唔要帶住頭痛迎2017呀!!!!!



2016-03-11
Day 28---Part 1(阿根廷,布宜諾斯艾利斯 Argentina,Buenos Aires)
好~噚晚訓左覺好既~呢日起身再~出發~天陰陰咁喎~我地今日諗住係我地酒店附近既soho區行下~~梗係啦~我地去得哂4個checkpoint之後梗係要輕鬆一下先啦~路經火車路~



如果有火車經過佢會落閘加有紅燈~咁你就乖乖企係度喇~我地真係無聊到等火車經過然後感受下~(好無聊呀天團)






真係好似走在歐洲街頭~呢度仲有一樣野係好似巴黎既...就係.......周街都有好多狗屎~~~~~~~~~~~~~麻煩行過路過記得睇路~





雖然係陰天...但我覺得陰得黎d雲好有層次~講!!鐘意邊個哥張多d!





仲有呀~呢區d櫥窗佈置得好鬼靚架~唔買我地都會望好耐~




大比又係上instagram搵下呢頭有咩熱門的cafe~俾佢搵到呢間~Mark's Deli & Coffee House...地址：El Salcador 4701, Buenos Aires....





望左一陣室內位都幾舒服既~但一望室外位~咦~唔錯喎~又唔曬唔熱~就坐室外啦~咁先夠嘆嘛~




我叫左Iced Coffee Caramel...$54ARS=27.6hkd~不錯~




毛寶叫左杯同我一樣既...但係熱的Caramel Coffee...$54ARS=27.6hkd.....但熱的好靚呀呀!!!!!!!!!!!!!!!!!




呢杯野唔單止外貌上完勝我哥杯.....連味道也是....差太遠了!!!!!好好味呀熱的!!!!!!!!!!!!!!!!!!!我飲左一啖....彷彿飲到真永遠......(有無人知我講咩?應該無...因為我都唔知自己講咩).....其實我想表達....這是我飲過最好飲的熱焦糖咖啡!!




阿Sam叫左個唔知咩早餐.......哈哈~連價錢都無記低~~有野食有橙汁仲有壺茶~據佢所講係幾好食~不過呢d料都應該唔會唔好食~




呢個係大比的Pasta Salad：Grilled Vegetables, Pasta & Sweet Soy Dressing.....$116ARS=59.2hkd.....cafe呢個價錢沙律算係抵~但大佬.......面盤咁大個!!!!!!!正餐咁食一個人都唔會食得哂~~~~個汁幾好味~唔錯~




我同毛寶既Tuna Salad.....$135ARS=68.9hkd.....又係勁大碗~但真係幾好食~勁多料~絕不欺場~




我同毛寶再叫左Goat Cheese with Herbs, Dry Tomatoes, Mixed Greens, Grilled Mushrooms & Dijon....$115ARS=58.7hkd....所有野加埋好fresh~極好吃~





食飽飽又周圍行下~好似有d小市集..但d野唔岩睇亦唔岩買~




周圍影~第二幅棵樹d紋好得意!!好似d油畫畫上去咁~





行行下發現左呢間Frame Photography Deco~~俾佢好繽紛既彩帶吸引~




望真d~咦...好似幾得意...入面有d好似寶麗萊既野~入去睇下先~




0我~原來呢~佢有d相賣既~用硬既紙整到好似寶麗萊咁既~如果你鐘意佢地d相可以買~佢地影d動物既相好得意~






仲有樣過癮野呀~~就係可以用你自己d相....加唔同既寶麗萊相框~可以裝飾~~~仲可以做磁石添呀!!!!!!完全刺中我既心臟!!!!!!!你知啦~~~~我地去哂4個check point呀嘛~~~超多相係手提入面~~~~~~~~我地知道左之後~就決定左要整~~因為問左佢~第二日就可以攞~









送上卡片俾大家參考下~




由於我地要搵個地方慢慢整下d相呀~揀下又諗下點整~咪諗住搵間餐廳坐下囉~(呢d生活邊度搵~)....行過見到呢隻小貓咪堅嘆~係車呔上曬太陽~~~





然後就搵左間好光猛既餐廳坐入去叫杯野飲慢慢揀相喇~~雖然無食過佢d野~但係幾舒服呢間餐廳~佢仲有個好古老既收銀機我覺得好靚~




好喇~揀好相就番左去整喇~叫我地聽日去攞~好緊張~~~之後我地再周圍逛~有條街係特別多塗鴉既~大比係instagram上睇到~於是我地特登搵黎睇~(我地係咪好無聊呀~~~但係我覺得好舒服~)




黎呢度係因為見到有Homer Simpson<3又畫得佢幾靚仔喎~~~~~




後面街仲多~~係咪都係Simpson d親戚~





哈哈~~我地影左好耐相~~都無咩參觀景點~但我覺得好悠閒好開心~~~無野做可以亂行是福氣~




行行下見到有張勁大既櫈~有幾大~就咁睇可能未必知有幾大~




放個人係隔離你就知~




呀~好天氣得過份~再周圍走走先~我地係頭先間鋪頭攞左張附近有咩鋪頭既地圖介紹~又走走看~




附近仲有一間係賣黑膠碟的~





有一間就賣d得意文具既叫Monoblock...地址：El Salvador 4833, Buenos Aires, Argentina..我都買左幅插畫~








2016/12/29的開心事：
好開心呀~~星期一有補假呀~~~~~yeah~~~~
(星期一你地明架啦~~)



wow~~
估唔到今年過得咁快!!!!
可能因為過左新年之後...去左成個月旅行..
所以先會覺得過得咁快~~
今年開心多過唔開心既~(因為我唔係好記得有咩唔開心)
最開心係達成左少女時既願望~
就係去左睇天空之鏡喇~~~真係好感動~~~
又去左7公子之旅~~~都係好難忘~~~~
好開心呀~~~~~
好啦~~我祝大家Happy New Year~~~~
有一個快樂的2017!!!!!!!(我想講我仲未拆今年d利是)
我希望大家都身體健康~~同埋希望自己無哂頭痛~~~
(救命...Mr.除夕又黎澳門倒數呀..我去唔去好呀?)