南美洲4國新奇探險之旅2016-02-25第十三天Part 2(晴天)

今日都算多野做~~但我肚痛~~(好似呢兩樣野無交集~~).....星期五一放工跑番屋企洗衫~~~~~~~然後衝去新開既永利皇宮試日本開過黎既拉麵~~~~但我唔係好識欣賞......同埋可惜我地趕不上搭話澳門居民免費坐纜車優惠~~~(聽講話8月29日有番~~希望帶到媽媽搭~~)...........星期六中午食左time after time 2店...比上次失望~夜晚去左麥公子屋企開p~~~~~~~~~~~~~~好開心~~~~~~~~~~~星期日中午食左好耐無食既永安~~之後行左陣800伴~買左d食材夜晚自己煎牛扒~~~~好好味~好過出去食~~~~~




2016-02-25
Day 13---Part 2(智利,聖地牙哥 Chile,Santiago->復活島 Easter Island)
去完菠蘿園就番我地民宿喇~叫Hostal Pukao~一入去...華.....呢個民宿黎架????成個公園咁大喎!仿佛呢個山頭都係佢地既咁~地址：Puna Pau, Hanga Roa, 2770000.....不過呢度同main street一d都唔近....車行都係5分鐘!!我諗人行真係要超過30分鐘先行到黎~




呢邊間屋就係我地呢幾晚住既地方喇~~~~~周圍都係樹呢~好正~




我地4個人分別住兩間房~一入房~呀~唔錯丫~d床單d色我鐘意呀~不過關於呢間房..我有少少野要提及.....話說住左幾日都無野既...無啦啦有一日Maria走過黎話我地訂房哥度有問題....話我地係booking.com哥度係揀左2人...兩間房....唔係4人....所以我地依家只係俾左2人錢....................但大比唔會訂錯啦....因為成個南美行程...都係佢幫我地訂..唔會搞錯呢d問題.....我地估計係Maria同booking.com之間setting房客溝通有問題...本身嬲嬲地唔想俾多...但....又真係訓左人地間房....人地又真係serve左我地~無計~呢間房....4個人兩間房總共$1,029,500CLP=11,643.7hkd.....每人每晚582.2hkd...貴!!!!!!!!!!!(但包早餐......佢個早餐每日食得真心開心)....大比話main street d房都唔平..因為我地哥時係旺季..你知啦..我地又想住好少少架嘛~




不過係得復活島住...如果你係怕四腳爬爬就要有少少心理準備........................因為你會受到好多驚嚇.......第1晚：螞蟻.....(而且每日我張床必定有好多螞蟻行過...我不停彈走又不停有....毛寶哥張一隻都無).....第2晚：烏蠅....第3晚：好大隻飛飛狂衡埋黎我地隻紗窗(好彩有紗窗...但個紗窗有洞的)....第4晚：有蟑螂入房....係大大的復活島蟑螂!!!!!!好驚!!!!(毛寶真係好英勇....為我拍死佢!!!).....每晚都有新鮮昆蟲俾我地挑戰~~~~



好喇~提下你~復活島都係一樣係呢種插頭唷~




頭先買哥個菠蘿呀~~好香~




民宿有公共廚房~Maria幫我地切開個菠蘿~




有少少失望~未熟唔夠甜~不過真係好香~




廚房外站了個傻傻的假Moai~




食完菠蘿Maria就帶我地參觀下民宿~佢介紹呢求就係我地每日食早餐既地方~幾唔錯喎~~




我地問佢一d關於參觀既野~佢攞佢張地圖話d Moai俾我地知.......佢哥張地圖勁詳細!!詳細過我地買國家公園入場劵哥張...我地問佢係d tourist information有無得買..佢話呢張已經好耐架喇依家無得賣~噢....唯有借黎用用~我地依家大約位置..市區就係地圖最左邊~




諗住番房攞埋d野發現...咦!!!!呢度有貓貓!!!!!仲要係面罩貓~




係房入面望番出去....你不得不佩服....呢度仲有.....馬!!!!!!!!!!!佢個名叫Bella!!係Maria既寵物~~~依家仲係細細隻好可愛~~我地叫佢做"阿啤娜".....佢成日係我地間房對出呢塊地食草~~隻窗就係我張床隔離~~所以夜晚我成日聽到索索聲~~~(所以係民宿室外行要小心踩屎~~)..我地之後發現島上面好多人包括小朋友..都以馬代步的~




因為我地今日下午先到復活島..Maria又黎車我地去民宿~咁我地今日就無租車既~Maria見狀就話車我地去出Main Street哥頭喇~我地就話想去郵局哥度~呢個係全島唯一既郵局~~~~~




黎呢度梗係買郵票寄postcard啦~~~呢度寄去澳門...只需$600CLP=6.8hkd!!!!!!!平到!!!!!!!!要半個地球先黎到喎!!!!但重點係郵票唔靚囉!聖地牙哥哥d仲靚過佢!!佢d郵票如果係Moai就更加靚!




第二樣要做既重要事係......黎呢度為你個護照蓋上一個復活島Moai既紀念印章啦~~~(佢就咁放係枱面俾你吸的~唔使問職員~)....但記得唔好吸得咁氣餡~因為其他地方入境處有可能見到你咁樣當你損毀護照唔俾你入境的~我就將佢隱身係d用過既頁數度~~好靚呀!!!!!唉呀~睇到黎呢度~毛寶個心肯定又痛一痛~~~~~佢呀~~~佢好有型咩都唔帶就出黎行呀~~~護照都唔帶.....咁我地安慰佢之後寄postcard陪佢再黎吸過囉.....劇情既高潮位要來了........我地幾日之後再去郵局........我見枱面無...問職員個印去左邊.....職員話個印爛左...我問幾時會有番個新既?佢話唔會有....無得再吸喇.....................................................呢個故事教訓你....護照係要跟身的~~~~~~~~~~估唔到網上流傳已久既印章.....去到我呢本護照正式終結~(毛寶唔好打頭呀)...重點係我去南美係用葡國護照的...然後我係特登帶我本特區護照去吸印做紀念的~~~~~~~(因為我本特區護照多d印~同埋葡國護照係續期時就算過左期都好..你要自己提出原因先可以keep番本舊簿)...你講!!個印係咪好靚!仲要寫住西班牙文"復活島"




吸完印之後就周圍行下~~(毛寶睇到呢度一定好扯火~~)....路經Tourist Information走入去睇下有無Maria張地圖賣..點知真係無~




有架賣野飲車仔好得意呀~~




海邊呢條街有d鋪頭有d餐廳~感覺悠閒~





呢度好正喎~成個私家泳池咁圈住~但其實係浸緊南太平洋既海水~~爽~~~呢度公眾可以游唔使錢架~




一路沿海邊行去覓食~~(因為頭先city tour時Maria話哥間餐廳好食)...呢條路熱到呀!!!!!好後悔無著短褲出黎囉!!!!!!!!!!!!!!!!(有人無帶短褲添呀...其實真心諗唔到復活島呢個時候可以熱到咁....應該有30度...仲要狂出汗的!!)





行行下見到個路牌!!好威威呀!!!有你地香港個牌呀!!!香港距離復活島有9702mn(mn係咩意思?)




頂~~~~行左成30幾分鐘終於行到黎喇!!!!!!呢度無車真係唔掂~~~~~




呢間叫Tataku Vave Restaurant~海邊餐廳~





個景好靚喎~~~~~~~~




枱號都寫係小小摩艾的身上~好可愛~

叫左野食先上麵包~麵包ok~個醬超好食~~我地以光速食哂成藍包~




依家睇番餐牌寫blog先知佢餐牌個個月唔同架喎!我地落單時有問佢關於我地好關心龍蝦既事宜...佢話依家呢個季節係無龍蝦食的................噢~叫左杯果汁飲...百香果汁...勁夠凍好好飲!!!!!!!!爽!!!頭先咁熱舒服哂~~~餐牌無寫幾錢~我唔知幾錢~




叫左個前菜...Octopus with Olives Sauce...$5,000CLP=56.5hkd.......作為一個前菜都算大份~~~八爪魚新鮮~彈彈的~Olives Sauce好味呀~~~而且唔怕硬~~推~




as a Main Course既Fish Soup(華~我既發音好鬼仔呀~)...$11,000CLP=124.4hkd....勁大個勁多料~~~~如果唔食魚既人就唔係好岩飲~我ok~幾鮮味~而且佢入面仲有d黏黏既薯仔~唔錯~




Grilled Beef....$12,000CLP=135.7hkd.....好好味呀!!!生熟度剛好~有牛味~




Shrimps in Olive Oil, Garlic and Chili...$12,000CLP=135.7hkd....呢個係勁好食囉~~~d蝦超新鮮而且勁多~~~~~~個醬一級棒!!!!!推!!成日聽人講復活島出去食野好貴...所以要買定野入島煮黎食....仲記得好似睇到銀仔講話食左個好難食既意粉要100hkd......咁相比起...呢個價錢我接受到之餘仲要好味喎!!!!(可能匯率都變左...我見銀仔寫當時$6,000CLP=100hkd...我地哥個時候既$6,000CLP=67.9hkd)....唯一頂唔順既係...我一路食飯....一路有極多牛屎烏蠅嬲住我地.....有成10隻咁多!!!!!恐怖!!!!




食飽飽超開心~決定唔行番去民宿啦....郵局行過黎餐廳要半小時.....由郵局行番民宿都要半小時.....行番去咪要成個鐘?!味喇.......叫餐廳call的士好過喇~佢地d的士好似普通的家車咁咋...自己掛個TAXI牌咁...車費隨佢地口講..岩就上...好似大約$3,000CLP=33.9hkd....熱辣辣費事行~~~~~hello~~啤娜你好呀~~~~~你好可愛呀~~





有人訓得好甜喎~~~~~


個樣古古惑惑咁!~


呢個天色~係夜晚8點幾既天色~真係講都無人信~~~~~~~呢晚訓訓下半夜落左場大雨.......到凌晨時間無啦啦有"her"一聲我以為又再落雨......望真的出面隱約既黑影...原來係啤娜係我隔離個草地放左篤尿....然後再過一陣....雞啼聲此起彼落!!!!係勁大聲~~~~~乜呢度除左貓同馬之外..仲有雞架?!真的很精彩~~








前幾日....整理d相由舊外置hard disk過落新hard disk...
發現一個相簿......
竟然係10年前我同爸爸媽媽一家三口最後一次既旅行..
當年我地係去西班牙既......
睇見當年既一家三口合照...
又不自覺的落下淚...............
得閒時真不應翻舊照......
當晚訓覺時諗起又不停落淚.....
我諗我喊左成個鐘............
第朝起身成隻眼腫到好似岩岩割完雙眼皮咁..
呢個相簿係唯一的一家三口的數碼相片紀錄..
因為之前都未興數碼相機.....
都係曬相的..........不過咁樣睇相都唔錯
覺得好有質感..



2016/08/29的開心事：
諗起媽媽聽日就番黎澳門~好~開心~~~~~



報時：距離"七公子"帥帥出使東京之旅2016仲有---32日~
報時：距離冰島環島自駕遊之旅2016仲有---68日~~~~~~
報時：距離合家歡台北聖誕之旅2016仲有---122日~