南美洲4國新奇探險之旅2016-02-16第四天Part 2(晴天及後雨天)

野~~~~~我番左黎喇~~~~有無掛我先?仲使問我梗係知你地有啦~~~(自問自答mode).....我噚晚機番到澳門~~~~~~~~我發現.....今次呢次旅行係必需的!!!原因係玩完番黎番工我都好開心~~~~~~個心好有滿足感!!!雖然我2月才去了一個很大的旅行~~但經過2個月既番工生活.....真係要抖抖~~之後要成5個月之後先有旅行去喇.....嗚嗚......算啦~不過當休息下儲下錢同埋有時逢周末plan行程都幾攰的~~~~~呢個旅行真係超~開~心~......所以呢.....我同毛寶打算..............不如先放下南美行程先囉~~~~~~~出左日本先囉~~~~~~~好無呀~~~~~~~~



2016-02-16
Day 4---Part 2(秘魯,奧揚泰坦博 Peru,Ollantaytambo->秘魯,熱水鎮 Peru,Aquas Calientes)
好喇~之後我地就番酒店攞番d行李~出發去火車站喇~呢張係我地既火車飛~由Ollantaytambo至Machu Picchu金額係US$58=451.2hkd.....比起由Cuzco出發至Machu Picchu既3xxx hkd平超多!!!大比真係叻叻~Peru Rail網址




哈哈~要行10分鐘喎...咁曬..咁熱..抽住咁多行李...都係坐tuk tuk去算喇~S/.5=11.6hkd....我地叫左兩架車~咁樣去好好多~~段路都爛爛地~好難拉gip架嘛~




前面綠色就係火車站啦~~火車站前有好多鋪頭賣野食~




其中有一檔最吸引我地既.....就係佢!!!超大條超大粒肉既粟米~~~~S/.3=6.9hkd一條~我地買左條諗住上火車食~





下?!?!?!?!!?行李有張大小架!?!?!?我地超驚...因為我同大比個gip一定超~~~~~~諗住咋咋帝扮唔知就咁俾飛入閘時....驚到出左一身汗...點知原來佢無檢查.....嚇屎~~~~~我唔想再同我舊行李分開~~~




入到火車站未上得車就搵個地方遮下太陽等啦..咁曬....咁我就去影下呢架Peru Rail既火車~比我想像中新同埋靚~





成個火車站入面得呢間cafe~我地未食中午飯嘛~諗住買d野上火車食~




我地買左個Lunch Box上車食呀~個午餐盒幾貴呀...成S/.39.8=91.9hkd一個架~~~梗係要買番個黎睇下佢有咩咁巴閉啦~~~~另外仲買左包蠶豆零食~




介紹下頭先買哥條勁量級粟米先~~~~~咁呢~佢上面仲會放一塊野既...我地開頭唔知咩黎既~~我搣少少黎試下...原來係芝士黎架~~~~~~不過佢係好似水牛芝士咁既...唔會熔~~




有幾大粒~~用我塊面做對比~~~見唔見到有幾大粒肉?!?!毛寶在跟我合照~~睇唔睇到~~咁呢...你搣一粒粟米搣少少芝士一齊食....極~~度~~好~~味~~~佢個質地係黏黏地的!!好好味好特別~~~~買哥時佢仲叫我地加少少鹽~~~如果去開秘魯買黎試下啦~~真係唔錯喎~




好喇~將近開車時間喇~開始上車~~~~~~~超級多人....極有走難feel~




唉呀~睇完車飛....原來有人幫我地搬行李架喎~~~一上車~~唉呀~~~原來大比買左最貴哥隻飛架喎~~~唉呀~~~我之前上網睇就係想坐透明玻璃頂既車卡喎~~~~唉呀~~~又會咁岩線既~~





係幾有風味既...但佢無咩點開冷氣....好曬...好x熱.........




呀....我突然好想坐番唔透明既車廂(誤).....我哥時仲係好白好白....好羨慕....




打開頭先個午餐盒~~華~~~~好澎湃呀~~~唔怪得盒野咁重啦~




有兩件咁大份既三文治....有曲奇...有蛋糕...有蘋果...仲要有盒果汁......好彩我地4個人買左一個咋~~兩個三文治都唔同餡料~~都一樣好好好好好味!!





下~~~~竟然有餐車推過黎~~~驚喜~~~~




實在忍唔住~~太熱要飲飲可樂先得~~~~秘魯d可樂好好飲~~~佢有鹹點同埋甜點俾你自己揀~~~~鹹既就似蔥油餅..不過無咩味~~甜既好似酥皮質地既曲奇餅咁~~好正~~~~




沿路境色不錯呢~





無記錯應該大約兩個鐘左右就到左熱水鎮(Aquas Calientes)





呢個景象令我諗起某個日本好出名浸溫泉既地方呢!(但我唔知係邊度..因為我未去過...淨係睇人地d相見過~)...首先去搵酒店先~~~要行斜路上的~~~~好攞命呀推埋行李~~~~~




推住行李扯哂蝦咁樣黎到酒店~Terrazas Del Inca Bed and Breakfast......地址：Calle WiracochaM-18-4, Machu Picchu, Cusco, Peru




我地租左一間4人房~一晚£106=1,272hkd.....每人318hkd~都唔錯~





係間房望出去.....係哥條斜斜地既河有個人既?!.....見佢不停挖泥既??唔知佢做咩呢?










2016/05/18的開心事：
去完旅行真係充哂電!!!!
勁開心~~~~
連今日好多野做都覺得開心~~~~~~



報時：距離"七公子"帥帥出使東京之旅2016仲有---135日~
報時：距離冰島環島自駕遊之旅2016仲有---170日~~~~~~
報時：距離合家歡台北聖誕之旅2016仲有---224日~
呀~~~~~~~~~~~~~要等成差唔多5個月喇~~~
我要睇住你地去旅行我就係屋企默默寫blog喇~~~(淚奔)