關西哈利波特之旅2015-06-24第四天Part 2(晴天)

今日呀~都係咁啦~做就做得唔多~但係個個case都唔係快快趣做完~要諗好一陣既~~不過都尚算順利~~感謝~~



2015-06-24
Day 4---Part 2(日本,大阪 Japan,Osaka<->奈良 Nara)
其實係奈良都唔係好怕會迷路~因為都有好多路牌為你指路~(再唔係就跟人流行啦~:P...我地最興既~)

之前上網睇google map呢....就係點解行極都行唔到去某景點既!!!全部都係馬路都無行人路行極都行唔到之下...先放棄唔再搵諗住去到先算.......呀~咁屈機原來係行人隧道呀~唔怪得我行黎行去都搵唔到啦~~~~~~~野~~~~

沿路行去搵景點時都有呢d問答題玩下~拉開塊牌就有答案~幾得意~當我同毛寶好認真咁將英文翻譯做中文然後諗個答案時......我：呀頂.....原來有中文架喎~~(睇...我地就係咁.....)

沿途都無高樓大廈~都係呢類型既建築物~~唔知點解~又覺得舒服~無咩壓迫感~

然後呢~行經某雜貨店~見到有籤抽喎~~~而且d籤好可愛呢~<3仲要係抽戀愛運既籤<3

呢d好方便架~~自助形式~靠自律自己入完錢就可以抽架喇~~~~~~~

我抽到你~~~~~你好可愛呀~~~同我一樣呢~~~<3

哎呀哎呀唷~~~野~~~~大吉既~~~~~~好衰架~~~~~~

大家分別抽到的~毛寶靚相出場~邊d係佢影好易認得出啦~~~認唔出都寫住話你知啦~~~

然後呀...天口熱呀......求其大路有細路入咪睇下有無咩地方可以坐下~以~又真係有喎~

以~連你都幫襯呀~咁我唔入唔得啦~奈良d鹿真係好free style~

好靚呀~有張櫈係特別靚的~好日式~

你拍的跟我拍的就是不同~

叫左綠茶泡冰咬咬~(價錢忘了記下~但唔貴)...係哥種假假的糖水味~但....我又覺得幾有風味喎~食呢個刨冰我想起了小丸子~

仲叫左個綠茶飲飲~(價錢忘了記下~但唔貴)

華~呢個少女好有氣質呀~飲綠茶架~

貞：其實你地怕唔怕話咁樣坐係度hea係好浪費時間架?....我和毛寶：梗唔怕啦~~我地試過無啦啦係巴黎某花園跟住d法國人一齊圍住個噴水池坐跟住放空個人...一坐就半小時....超舒服~(諗起都舒服)........然後我地3個就一齊閒坐同傾計喇~(我地真係好懶~)

咦~你又想加入我地個hea坐團呀~歡迎~~~~~(睇下鹿仔右邊地下...佢痾左屎屎呀~第一次有鹿係我隔離痾屎咋~)

2015/08/18的開心事：
出年個大旅行有少少眉目~~
開心心~



報時：距離冰島格陵蘭自由行之旅2015仲有---40日~
報時：距離台北跨年倒數之旅2015仲有---134日~~~~