公子新加坡喪吃自由行之旅2015-04-06第四天Part 3(驟雨後轉天晴)

今日極極極多野做.....好恐怖....點解?因為今日係6.1兒童節喎...d小朋友放假上哂黎同我地玩~~(點解....點解我係兒童哥時....無呢日假放既....點解...點解當我出黎做野要接觸小朋友哥時.....就有得放........).......周末睇左套完美巨聲幫(Pitch Perfect2)..我在想..幾時上過第一集?完全係為左fat amy睇(佢真係好好笑)~不過套戲中哂伏(又話要慳錢要謹慎選戲既~).....今個星期六終於都plan好個行程喇~~~~~好開心~~~~~~好辛苦~~plan左好多個禮拜~星期日就開始係度認路~~~~~周末食左軒記~~好正~~好耐未食過~~



2015-04-06
Day 4---Part 3(新加坡 Singapore)
食完下午茶行左陣~~~~又到食晚飯時間~~(呢一日整天都在吃~).....夜晚我地揀左去食正宗娘惹菜~叫做真宗....地址：47-49 Armenian Street, Singapore......咩叫娘惹菜呀~網上是這樣說：就係當年中國男人去左他鄉娶妻...由於太掛住家鄉美食...於是妻子就用中菜做基礎...再混合馬拉同印尼菜而做出的~~~~(其實...我覺得佢門面好靚~)

入到去~華~~~好傳統的古色古香呢~~~~~~

而且樓底特高~

一坐低就問我地要唔要叫SGD$4=23.5hkd一位既龍眼茶~我地要左~(其實我開頭諗...華...乜茶位咁貴一位架~~).....點知飲落先知好野.....超級濃厚桂圓味!!!!完全係我杯茶!!!!!!!蝦片好好吃~~~~餐牌也超級可愛~

都唔算多人...我地去到哥時計埋我地好似得3-4枱~有卡位~店員有禮~不過要留意...佢地關門時間超早...好似21:30定22:00就關~想去吃要留意呀~



我想講.....呢餐飯爆出左個公子新話題~~~很勁爆的新話題~~(公子's talk)......成餐飯不停噴笑....笑到成間餐廳都聽見........笑死我~~~~~~~~



Jantong Pisang(Banana Blossoms with Cucumber)....SGD$18=105.8hkd......幾得意~辣辣地~

Kueh Pie Tee(Petite cups with shredded turnip)....SGD$20=117.5hkd....小金杯呀~~~~上次係馬來西亞都有食過~~~~超級的好吃呀~~~~

自己將d料放入小杯中~再入醬料~~我諗可能家家整既小金杯料都唔同~不過放入口都係爽爽脆脆夾雜其中~加上醬料超開胃~~~~我真係好鐘意食小金杯~~~

小金杯有個人講左句野又係笑到全枱人氣絕人亡~~~~你好勁~



要留意呢~由於呀~佢每一個餸都係超細碟架咋.....齋食餸一定唔會夠飽呀~所以佢會問要唔要飯...飯係每位計的...每位SGD$3=17.6hkd.....但係可以任添~抵~



Ayam Buah Keluak(Chicken stewed with black nuts)....SGD$24=141hkd....呢個係黑豆雞呀~

好細兜...裏面得三舊大雞~雞有點鞋但汁好好食....超好送飯~

黑豆是長這樣的~~~~~~~成個羅漢果咁樣架~~有隻小匙俾你.....挖入面d野黎食~~~~挖出黎都係黑munk munk的~而且味道.......係好似豆豉架囉~~~~~好搞笑朕味~~~其實唔錯~~~~又係撈飯食一流~真係黑得好緊要~

Chap Chye(Cabbage stewed with glass vermicelli & mushrooms)....SGD$15=88.1hkd....類似羅漢齋咁樣既有汁炒雜菜~

Sotong Hitam(Squids fried in sweet sauce)...SGD$20=117.5hkd....魷魚嫩嫩的~醬汁也好味~

Itek Sio(Duck braised in sweet coriander sauce)...SGD$20=117.5hkd.....鴨胸很鞋~呢個一般~

Bakwan Kepiting(Crab and chicken meat balls)...SGD$10=58.8hkd.....有點像台灣的肉丸湯喇~很芹菜味~不過也有點像味精湯的味~

哈哈~~~仲未黎齊架~不過見佢擺得咁靚~~~影張相先~

Udang Goreng Sambair Petay(Prawns fried in spicy paste with parkia speciosa)....SGD$25=146.9hkd....佢地d醬料真係配得好好味!!

Ikan Kuah Nanair(Fish fillet in sweet & sour pineapple gravy)....SGD$18=105.8hkd......我覺得呢個一般~~因為我唔鐘意食呢種質地既魚~~~~~~~~(但其實我唔知呢d係咩魚~)

好攞命~~呢餐飯真係好難忘~~~我笑到流左幾次眼淚~~~~我諗任何一個人join過公子食飯就會知我地d話題係幾咁催淚~~~~~~~~~~~~~

Kueh Tair(Pineapple Tart)....SGD$5=29.4hkd......我諗係d傳統既甜點....所以我地叫左一個黎試下....好彩叫左一個咋....甜到就黎糖尿~好鳳梨酥feel~

Chendol...SGD$8=47hkd.....中文就係珍多冰~唔打英文喇超長~~~~~~~~~呢個我覺得唔錯好食~~~不過平時我食開既珍多冰係"飲"的~呢個當刨冰咁食都幾得意~

呢餐都食左成SGD$258=1516hkd架~...每人都要成300hkd....碟碟都唔算大~~不過食埋飯就真係夠飽(不過都建議食飯~因為d餸真係撈飯食好味好多~)...但係氣氛同埋味道我都幾鐘意~我認為300hkd還是合理的~~(個人認為)

個blog又帶壞消息俾我...
之前我咪話冰島blog已執好既...
我依家本身已經救緊法國blog喇~
點知跟住我星期五手多多諗住睇下冰島某餐廳資料時..
本身經yahoo轉過黎有係度既相....
依家又無埋......(新upload的無事)
咁即係........本身有係度既相....其實係會逐點逐咁無哂..
早講啦.....我上次一次過整埋啦...
我依家又要再去番冰島blog度喇...
返點起點..............................
如果不能改變環境....就請改變你的心情~
好開心呀~~~~又可以回顧多次冰島blog喇~(那叫瘋了)
我諗我要減少d寫新blog然後搞番冰島blog~(但你已經好懶喇喎.............)



2015/06/02的開心事：
準!時!收!工!



報時：距離關西哈利波特之旅2015仲有---19日~
報時：距離冰島格陵蘭自由行之旅2015仲有---118日~
下!!!!!仲有兩個禮拜多少少咋!!!!!
好驚呀!!!!!!!!!!