玫瑰咖啡室

今日係年初五喇~~~同大家講聲新年快樂先~~羊年第一篇呀!!!!!!最後一日新年假喇~~~我好唔捨得呀~~~今日呀我同番工一樣咁早起身..為既...就係排頭籌睇巢佬(悲)....好彩我早去咋~~我排第一個walk in...第四個就到我睇~~都算好彩喇~~~咁樣睇一睇又唔見左$1300.....之後中午又去左氹仔興記黎個午飯...下午就悠悠閒咁訓個下午覺~~年三十晚：放點半即刻衝去星際會合七公子飲茶...但我個胃仲係好唔生性....我發現我個胃唔掂之下食淨好多野...原來我咁重要!!->去左睇衝上雲宵電影版..不過我覺得麻麻...因為要講三條主角線..好趕...而且劇情真係唔係太吸引...主要吸引我既係sam哥同埋歲月如歌呢首歌!->夜晚同媽媽去左三井食年夜飯..飯後去花市行左個圈........年初一：一起身去拜爸爸->同姑媽飲茶->同婆婆下午茶->下午吃太飽夜晚在家吃菜....年初二：一起身見到自己塊面好樣衰..唔想出街...屈左係屋企成日.....年初三：朝早起身疑似有好轉...係屋企食左個撈麵->去左婆婆屋企同屋企人小賭怡情~輸左$42...幾抵玩~~玩左成4個鐘先$42...我媽就贏左$10....期間塊面又越玩越紅...真係好想即刻搵個西醫睇->去左觀光塔摩卡晚飯..之後行左陣800伴買拜年禮物->入賭場博下...輸了$100...算啦~俾人查證喎~當開心下~....年初四：中午食左海南雞飯->去左拜年->去左觀光塔睇12金鴨...好抵睇~$40咋~不過劇情真係好一般~~但係我真係好鐘意陳奕迅~~..->夜晚同左屋企人食新葡京既日夜咖啡室~~新年的節目太概這樣~



呢間玫瑰咖啡室.....我實在唔知佢到底開左有幾耐.....我細個係經常經過呢度既...自我懂事開始...就已經有呢間野係度既記憶~~~地址：士多紐拜斯大馬路23號...電話：2852 2418....但神奇既係....我舊年9月先第一次入去食野喎~

其實我幾鐘意食咖啡室同茶餐廳哥類型的~最好俾我搵到又好食又平又唔使同人爭位哥d~~~

辣魚蛋米 $23......原來d米係用平時即食哥d媽媽米~不過兩餸米黎講又幾抵既~

咖哩雞奕魚旦米 $22......又係好平~不過咖哩味得個辣字~唔香~雞奕d肉好鞋~

其實我係特登黎食下佢呢個蕃茄蛋白包 $14.5~~~開頭我諗得太多...以為蕃茄同蛋白係蕃茄炒蛋咁樣可以撈飯哥隻....點知原來係好老實咁成塊蕃茄攤係度~wakakaka~我真係低b~我鐘意食呀~因為好清新~~加埋生菜夠哂爽同多汁~~清新之選~(係呢...咁...個蛋黃你地愛黎做咩呀???哈哈)

有無澳門朋友推介下有咩茶餐廳或咖啡室有特別既野係好吃呀??我想試~





放假前已知新年後一番工要OT..
不過放左咁多日預左要還~
聽日都唔知有無時間出blog~
依家出定先~
大家新的一年過得好嗎?
今年新年無咩新年氣氛..
可能無咩約朋友仔去玩有關.....
甚至有一日全日關在家中...唔知做咩...........
睇左一整個下午的戲~
不過咁又令我多左個新既男神喇~~~~~
遲d得閒同大家介紹~



2015/02/23的開心事：
哈哈~雖然俾左$1300就好肉痛既...
但係我終於睇到西醫喇~~我好開心~~~
因為睇皮膚還是西醫快好d~~~
希望我快d好啦~



報時：距離東京媽媽慶生之旅2015仲有---10日~~~
報時：距離公子新加坡喪吃自由行之旅2015仲有---39日~
報時：距離關西哈利波特之旅2015仲有---117日
報時：距離冰島格陵蘭自由行之旅2015仲有---216日~
好驚呀~~~原來我咁快就要去日本拿?!?!
好像還沒有準備好心情呢~~~~~
下個禮拜就係喇~~~~~~~~~
我要開始準備了~~~~