沖繩陽光海灘海鮮自駕遊之旅2014-09-29第三天Part 2(陰天及後轉晴)

今天星期一~密密的做~不過無咩麻煩人~算係咁~~星期六：去左觀光塔南湖明月飲茶~好好味~...->去飲茶係因為呢日我地約左係觀光塔睇星際啟示錄(Interstellar)....真正的抗通漲~~下午場....仲要做160分鐘....才$40!!->同左朗仔行街~~...->食左金玉滿堂.........星期日：本身想食文哥點知無開...去左食榮暉雞湯米...不過好失望..雞又鞋湯又淡...行貨!!->去左買餸~...->剪頭毛->夜晚就自己整野食~~毛寶今次整既白酒煮沙白好正呀!!!!!!我煎既牛扒就要再加強~~



2014-09-29
Day 3---Part 2(日本,沖繩 Japan,Okinawa)
去完萬座毛之後我地就直剷去我地呢晚既海灘酒店喇~叫做Moon Beach Palace Hotel...地址：沖繩縣國頭郡恩納村前兼久1203.....電話：098-964-3512...佢好似有兩邊架~我地哥邊個reception超舊超細~check-in時有d不安~

連個房門口都令人好不安.....好彩~~~一入到去就改觀了~~~好靚呀!!!!!!!有兩張床...令外一張係榻榻米哥邊訓和式既~~媽媽搶左黎訓~~~一晚房價17,280円=1,226.9hkd(呢間酒店我地碌卡~匯率平d~)....每人才409hkd一晚~~係個廁所舊左少少je~房入面既其他設備都ok~

而且我地間房係對正海灘架~~~好正呀!!!!可惜...天...陰陰的...

但係唔理啦~生日大哂嘛~個女仔話想曬太陽嘛~我地梗係捨命陪君子啦~~哈哈~~(d沙仍然係好吉腳~)

於是我地行左去租太陽傘~(因為我同我媽都唔曬~~~)....都幾貴....成2xx hkd租一把......不過算啦~因為我真係唔想曬黑~~奇蹟係.....一租完把遮.....拉哂沙灘櫈坐既哥剎那....就開始藍天加出太陽喇~~~~生日大曬~~~~~

我都唔悶架~我攞左d八卦雜誌睇~同埋張櫈好舒服~吹住海風~聽住Jason Mraz~真係好享受~應該係我第一次去旅行咁寫意咁曬太陽休息~好正~



同埋帶住太陽眼鏡梗係肆無忌憚咁左望右望啦~~~~整個沙灘的日本妹妹都係咁著架!!!!!!!!!!真係....身為女孩子...我都真係忍唔住望多幾眼~

呢張相...我係想表達....中間哥粒人係我媽媽~佢叫我行落去幫佢影相~(佢游水游得不知幾high).....番黎先睇到....原來佢隔離個日本妹妹既鋪屎係咁給力!!!!(遞哂手S哂型哥個~)

d水又真係幾清既~(好想飲啖~)

其實個海灘唔大~海岸線亦不長~但係呢個時候我就係覺得好relax~~~~~

影番過我地間房~好藍天~好神奇~

曬到直到日落為止~~~有人話夠皮~先上番去房沖涼~

毛寶沖涼~我就食下梨~睇下日落~(等食晚飯~)

星期六睇既星際啟示錄...
點講呢....查實對我黎講有d深...
好多野要諗...一黎有好多天文宇宙既知識我又知唔多..
二黎我睇完字幕都唔夠時間俾我去諗哥d專業名詞了~~
個故事開始時有d慢...(我打左好多個喊露)
去到中段就開始緊張同好睇~
最好入場前了解下咩係相對論....蟲洞....黑洞同5次元空間~
不過睇佢段父女情都幾好睇~我有眼濕濕~
而且我好佩服d人點解可以諗到咁既情節~~~



唔知大家有無睇到網上面有段片
話請依家d小朋友玩下Game Boy..
講下有咩感覺.....
好多小朋友都話：又笨重...又沉悶...仲話快d俾番個iPad佢..
真係....家陣d小朋友真係無咩童真...
時代實在太進步....以前細個好少野已經令到小朋友好開心..
我咁講得證明我年紀開始大~~~
不過有個大少少既小朋友就講得好岩...
佢話：Game Boy係萬物之父...如果無佢可能都無你地依家玩緊哥d apps
真係~大d係識諗d~



2014/11/10的開心事：
訂左位星期五打邊爐~~
加上出糧~~超期待~~
(今晚媽媽話整煎蛋午餐肉飯~~正~~)