澳洲探險自由行之旅2014-03-26第五天Part 2(時陰時晴)

今日不停的落大雨~臨出門口番工前睇到...下...今日中小幼幼稚園都停課.......其實落大雨咁危險...大人都唔應該番工啦~~~~~係咪先~~~~哈哈~~~好野星期五了~~不過...今晚....無節目~太大雨了~都係唔好出街留係屋企自己開P好d~噚晚我咪話隻手好痺既.....最後我貼左3塊膏布先訓得著!!(我其實想貼多張..不過媽媽話唔可以一次過貼咁多~)...好老呀我~



2014/03/26
Day 5---Part 2(塔斯曼尼亞,東海岸 Tasmania,East Coast->朗塞斯頓 Launceston)
之前哥篇我所講既私心話想下次再去沙灘~~~就係因為呢度~~~去沙灘時經過見到~離開A3公路接近沙灘既小路有幾間既~我地就揀左呢間~係咩黎既呢~~~~~~~~

就係一大個蠔場喇~~~~~我聞到生蠔既氣息呀~~~~~

d生蠔好似唔錯喎~~~~~

我地很豪氣地說：2 dozen pls~....佢就係個雪櫃度攞出黎喇!!!!!個女人見到我地咁興奮個樣好好奇~梗係啦~~~1 dozen才AUD14=98hkd!!!!!!!!!!!一隻先8.2hkd.....8.2hkd一隻澳洲既Pacific Oyster!!!!!!我暈了!!!!!!由於佢淨係有個賣場係度....完全無用餐區的~所以....我地架車泊埋公路一邊(有凹位及安全的).....就開餐了~檸檬要另外買的~AUD1=7hkd一個~

餐檯咪就係我地架車囉~~~~



打開佢個膠袋...完全驚艷!!!!!!!好大好肥的生蠔肚肚呀!!!!!!

可能我食得好野少~我覺得係呢個蠔場食到既生蠔......是我一生中最好食的!!!!!!!很爽!!!很脆!!!味道很清很鮮!!!但呢度既Pacific Oyster同Hobart食到既完全唔同!!!!係無過咸的通病!!!!!

完全係十級正!!!!!!!!!呢次係無跟旅遊書而自己去試其他的生蠔反而更正!!!!!所以感覺更驚喜!!!!!有時真係唔使跟足旅遊書玩~(因為有時真係老點人的~)...看看肥肚~~~真係好好味!!cheers~~~連唔太食既朗公子都食左3隻!!佢都話好好味!!!!!!

咁樣食都幾有風味架~~~~有機會去St. Helen而經過一定要黎呢度試試!!!站在路邊吃更有風味~~~

如果自己開既話更平呢~~才AUD9=63hkd一打~5.3hkd一隻咋~~~~~~~想點呀~~~邊個話貴既先一定好食!!



之後行過好多山路~又左又右...又上又落咁.....不停的S形路....黎到今日既午飯地點~Pyengana Dairy Factory...地址：St Columba Falls Road, Pyengana, Tasmania 7216, AUS.....電話：+61-3-6373-6157....網址

其實呢度製造傳統既英式車打芝士架~~仲有cafe添~

見佢個counter咁多人就行出室外行行~整芝士最重要係咩呀?有母牛嘛~~~~~~有牛先有奶嘛~~~~(好臭臭的~)

跟住d牛識得自己過閘口行出黎一隻跟一隻去大草地食草!!!醒到呀!!!

咁醒係咪人扮架~~~~牛牛醒~



好喇~番入黎見無人~cheese tasting一下下先~~~

hi~為大家介紹~我的其一神秘團友~正式曝光~識佢既人就自然識~唔使講咁多喇~~~~睇佢幾乖咁問緊問題~其實cheese tasting得好快~佢下子就俾好多芝士你試食~搞到你都分不清誰是誰~頭都暈~唯一好處係~佢地一d都唔姑寒~試食都大大舊的~

我都買左兩隻~左邊哥舊係姐姐推介的~(叫人姐姐可能我老過佢~)佢話佢自己最鐘意食呢隻..試過又真係幾正!!比較硬身~好香~望一望攞過2013年2014年Australian Grand Dairy Awards既Champion喎~有番咁上下啦~呢舊0.280kg...AUD11.62=81.3hkd......右邊哥舊chilli的純粹自己口味岩而買~~~0.220kg...AUD8.80=61.6hkd...辣辣地咁~前個禮拜自己切左兩隻芝士....再加一杯日本加冰杏酒~好一個宵夜~~~正~~~(唔好問我點解咁無推屎係杏酒加芝士~因為我鐘意~)

cheese tasting既另一邊就係Holy Cow Cafe~

我都幾鐘意d裝修~好家庭式~令人覺得幾舒服~唯一缺點係...好多烏蠅~

同埋我好鐘意佢個頂既牛牛裝飾~前睇同後睇~~好搞笑~

Hot Chocolate with Marshmallow...AUD5=35hkd....生理期嘛~~幾乖呀...真係唔飲凍野~(但小姐你頭先食左唔知幾多隻生蠔喎...).....出面有咁大個牛棚杯朱古力奶係唔同d既!!好味!!香濃!!!加棉花糖落去飲簡直神來之筆~而且以澳洲來說...35hkd完全超值添啦~

陳豪朗的Latte....AUD4=28hkd....好平呀~澳門既小cafe都唔得啦!!!朗說好飲~

叫左兩個today's soap...Lettuce + Pea(homemade bread and butter).....AUD10.50=73.5hkd....咁多日睇d湯價多數都係AUD8-10....其實都幾貴...但佢地一個湯真係面盤咁大的!!!提醒提醒....切勿叫人頭湯.....如果唔係飲完咩都唔使食~呢個唔係唔好飲既~不過西湯你知啦...飲完通常都好漏的~(呢度哥個我覺得一個4人分都得..超大).....不過真係要讚!!佢d牛油真係不得了的好吃!!!果然出面有個牛棚係唔同d既!!

Pyengana Three Cheese Pizza....AUD12=84hkd....唔係呀!!超平!!!!pizza hut價都唔得啦~~~仲幾大個下~~6大塊.....3種芝士做既pizza.....好正呀!!!超香口....佢仲要係我超愛既薄脆批底!!!!勁like勁推!!!睇下d芝士幾誘人~

Pyengana "Mooo Burger".....AUD16=112hkd.....呢度既牛肉漢堡堅正!!!!咬入口....塊扒超多的肉汁!!!我最怕食burger係鞋同無肉汁的!!!!呢個確係繼冰島後我食過最好食的漢堡!!!勁勁勁like勁勁勁推~~~

通常一餐...叫一個湯~兩個主菜~我懷疑就夠我地分黎食架喇~份量咁大~呢餐食左AUD58=406hkd....每人101.5hkd~平又正!!!你知啦~世上好難搵到又平又好食嘛~

今日3點鐘出左新鮮新聞稿...
澳門特區護照去澳洲...
都可以自己上網搞簽證....
以~~~~~~~好衰架~~~~~~
做咩唔早d出喎~~~~~~~~



2014/05/09的開心事：
今日星期五但竟然準時放工喎~
仲有番到屋企媽媽煮左佢係日本買番黎既讚歧烏冬~
正點~



報時：距離日本東京自由行之旅2014仲有---44日~
好~今個周末我要寫個大概行程出黎~
加油~