朗公子生日會2014@廚泰

今日...星期一嘛...一個字...攰~~~我個膊頭好痛呀~~~關於呢個周末...比較多野講~星期五：舉行左五分公子宴~地點係青洲新開既不倒翁任食火鍋(開爐湯底另加$10個)...佢d其他熟食唔錯幾好味~但唔適合傾計~只適合狂食...因為太嘈....今次五分公子只有一位...就係杯公子~今次得佢一個五分宴實在太吃力了~不過我都係唔會加油今年攞5分的~還是下年再等你請我地食飯啦~~謝謝~~.....星期六：蓮勝咖啡食豬扒蛋撈公加辣油~仲有凍薑茶~正~...->毛寶請媽媽飲下午茶...去左cafe de Moghouse..不過麻麻~..->哈哈~~我地去左旅行社睇睇旅行團資料.....不過未有任何一個特別有興趣~..->去左食海榮->去花茶姐姐度把脈執茶飲..佢話我去完旅行個身好毒好濕...超燥底...有好多熱氣係裏面....仲話我就快會發燒!!!佢真係把得好準...因為我之前哥晚訓訓下成個人發熱到完全訓唔到...起身照鏡成塊面超紅!!!仲要飲番d水同坐左兩個鐘冷靜冷靜先訓得番~睇黎我要乖乖的飲茶了~.....星期日：中午食左興記雞扒意~早d去食就唔使等位~真好~..->venetian間uniqlo度買左兩件衫~為吉隆坡之旅做好準備~..->晚上去左食cheap壽司~~今次食幾正喎~狀態回勇~~



好喇~終於寫到今年第一個生日既公子既blog喇~歡欣~今次係朗公子既壽宴~我地揀左去漁人碼頭哥間廚泰食~佢有兩邊既...舊哥邊我地成日去~新哥邊佢就租埋以前錢櫃哥個位....有得食泰菜加有得唱k!!!!!!!!!!!新唔新穎先~~~~(其實公子都幾鐘意食泰菜~)...我地訂左間細房...最低消費$1500

見到佢有海鮮煲就叫黎試試~我記得好似要成$7xx....但又唔算好多好正既海鮮je~有d貴~叫左清湯底~

公子~笑笑~我地真係好大食...成檯都係野~

不過有d可惜既係.....呢邊個廚房無舊哥邊咁正!!



食飽飽~又係蛋糕環節喇~~~今年既朗仔生日蛋糕標語既勝出者係我~~~我已經係連續3年攞到呢個殊榮~得獎作："朗仔廿八~易生易發~"....點先~好無意頭先~前兩年既得意之作係："朗仔廿六~嫁番大陸~" "朗仔廿七~兒孫滿膝~"...唔知我出年會唔會再贏呢~

成間房我地玩哂喎!!!仲唔做出招牌鋪屎???"就是你"~~~好帥哥呀~~~~~(貞...你又放錯手了~)

又弱智~~個樣係唔可以完全出街...見要打格仔就知咩事~~~

請問你地有無諗過影影下會有侍應生衝入黎收碟既呢??



正經的~

今年有人要求既禮物係一個dvd機....和.....一個量血壓計~~公子老了.....也要做一個老帥哥~

omg~送禮物呢班人都可以咁chok既~就是帥~(自我陶醉)

我地仲即場試玩~每人都要量一次血壓~位位合格~朗公子你.....唔~

說實在....張相d公仔...幾襯我地....成班好似幼稚園走出黎開生日會咁~希望七公子永遠都咁好玩~

毛寶話我收番少少水喇~~
個人無咁腫呀~~~咁咪即係無咁肥囉~
又可以去馬來西亞喪食喇~~



2014/04/14的開心事：
chlo子請我食好好味既蜜糖蛋糕呀~
開心~



報時：距離吉隆坡慶生自由行之旅2014仲有---3日~
報時：距離日本東京自由行之旅2014仲有---68日~
好野~~番多3日工就去旅行喇~~~
加油呀~~~