孖八-二零一三年十一月

凍呀~噚晚又懶左~今日幾慘呀.....唔小心kick到地下條電線....跟住一野撞左埋個櫃度.......依家成個膊頭同背脊骨都好痛呀~~~~~無陰功呀~~~



呢隻貓仔又長大了~好神氣呀~~~~

睇下毛寶掃佢毛毛掃到佢個樣幾冧~

和朗公子的親子活動仍然係咬手指~~第二張佢仲肉緊到揮哂拳咁~~~~

呢次上去有新野同佢玩~唔知大家睇唔睇到~~~~佢前面有粒紅點~~呢~~哥d射燈筆呢~佢玩得超專注~

我仲影左短片俾你地睇~~~佢狂追住粒點跑~~~跟住我聲控毛寶叫佢：將粒點指去佢隻腳度(朗公子)...點知俾朗公子發現左~~~~笑到我失控~~

第二次朗公子係雪櫃好心攞野俾我地食...我地仲恩將仇報引孖八爪佢~~~~~wakakakakakaka~~~

第三次將孖八玩到出神入化~~~我仲幫粒紅點發聲配音~~~~呢支筆真係好好玩~~~~~~

玩左佢咁耐佢都話要坐低抖抖先~~~~~哈哈~~~好啦我唔整蠱你咁多喇~~~~坐到好似影寫真咁~係喇最靚仔係你喇~

前晚超正~
媽媽買蟹番屋企食....4肉蟹兩奄仔~
正到呀~~~~~~
食既時候我坐我媽媽左邊..
岩岩開始食...佢無啦啦同我講
媽：(講到誇誇張張咁)你做咩呀??隻左眼咁腫既??敏感定生眼瘡呀?
我：(超驚)唔係呀下!!!(放下手上蟹蓋跑入廁所)
(跑入廁所望左一輪.........終於真相大白)
我：er....你到底係咪我阿媽黎架?我唔係隻眼腫左變細呀....係你生到我天生係一邊內雙眼皮一邊外雙眼皮架....即係大細眼呀..........我到底係咪係你個肚度出黎架?????
媽：(一臉尷尬)呀哈哈~呀哈哈~可能我太耐無坐過呢邊望你呀~~唔記得左呀~~(好明顯求其諗個藉口)
我：媽..............................................你到底有無認真望過我.........
到今日.....我係梳化訓晏覺....
我媽走過黎我身邊望一望我...
媽：係喎...真係大細眼架喎....
我：你仲講...我覺得你對我唔夠愛....先會唔知...你以後要俾更多既愛我~~~
睇完呢對母女既對話...想死未~



2014/02/20的開心事：
今日既開心事呀....唔~
我今晚無飯食~食左個八珍叉燒燒肉咸蛋飯~
正~



報時：距離澳洲探險自由行之旅2014仲有---29日~
報時：距離吉隆坡慶生自由行之旅2014仲有---56日~
噢~~~少於一個月了~~~~~~~~~