南非觀獸美食之旅2013-10-21~22第一，二天Part 1(晴天)

絕對少可星期日出blog~~~但由於星期一約好要去探mina的初生小寶寶~實無時間寫blog...但我又好想出南非文的情況下....wakakakka~~~~星期六：本身想去食祖兒...因為賽車...度度都無位泊...只好折返......去食泰富順->食飽諗住行番出中區睇gip...點知行過小公子婆婆家見到小公子陳下陳下係露台出現~~~即刻衝上去同佢玩~~~~~好開心呀~~~佢依家識行識走仲好穩架~~好可愛~~~我拍了短片遲下同大家分享~(還有柏柏的啦~)...->陪麥公子去食tree cafe作為下午茶~...->衝上朗公子家玩孖八~呢日可謂人貓狗都玩齊~滿足~~~~....->晚餐食左麥當勞的蝦堡...可惜這次換了醬...不是芥末醬...完全失色~....星期日：九記鹹餐->galaxy high tea->又玩孖八~..->cheap壽司(基本上整天都在吃~~~)



好喇好喇~出到南非之旅喇~~今次算出得慢喎~番左黎成兩個禮拜先出到~~~~今次既相其實得好少...我部相機908張+我的iPhone 51張+毛寶的lomo機94張+毛寶的iPhone 193張=1246張.....其實真係好少~毛寶影左直頭3筒菲林都無哥下慘~~今次呢個旅行一個字：懶~~~明明帶哂野話日日都要化妝先出黎玩...點知最後變成日日都懶想訓多陣一日都無化過~~~全個旅程素顏~~不過唔使驚~~因為全程南非都好好陽光~~~我日日都帶墨鏡~~大家唔會見到我驚嚇既樣~~唯一一張無帶眼鏡既相都遠到不得了的~~請放心收看~~(我終於明白點解大墨鏡係女孩子的恩物了~~~~~wakkakakaka~~~)...今次10月出發.....南非正值踏入春天~一個我唔太喜歡的季節~睇天氣報告....11~20度都有~即係~唔使帶咁多衫~但遮就一定要帶~



2013-10-21~22
Day 1~2---Part 1(澳門 Macau->香港 Hong Kong->南非,約翰尼斯堡 South Africa,Johannesburg->南非,開普敦 South Africa,Cape Town)
由於飛夜晚機...又有時差~~太難介定邊個時間係第一日~邊個行程係第二日~所以第一...二日就放埋一齊講啦~~10月21日我地就坐夜晚8點15分船由澳門直入香港機場既船~上船前我地食左麥當當~~因為毛寶佢肚餓到lip左~~~今次出發真係特別~~~大家都未試過個gip咁輕既呢~~~~我都好似係得11.x kg~~我仲帶大gip添....(原因係無中gip..中gip媽媽用緊~)

華~~咩年代~~~件外套仲學人纏腰間~~~




介紹下今次團友先~有我啦~媽媽啦~毛寶啦~仲有不願上鏡既神秘團友一名~噢~天呀~睇下我d皮膚幾滑~~~再留意下我回程既樣~~~~~~

好喇~9點鬆d到左~我地今次係跟團的~因為南非自由行真係唔知點搞~都係跟團穩陣d~上左船就check-in~今次係搭南非航空 South African Airways...第一次呢~~~

搞笑既係...今次我地個團既領隊係女領隊...我地係度check緊in時佢打去check in櫃台的電話...叫d職員叫我地聽...跟住問我地....係咪已經....黎到香港.................................咁我想問下你打緊咩電話呢??????????????????;目

不幸的是....我見香港d團友係Terminal 2集合check in的...咁我就以為係T2度飛啦....我仲上網狂搵T2有咩食...點知...原來係T2 check in...但都係T1飛架喎~~~我真係學到好多野呀~~~~~但係....我地又係趕唔到食勝博殿...(收10點~).....加上得一小時都無就上機...咁就....算啦...野都無食...(好彩係澳門食左麥當當咋~~~)....我地就搭南非航空23:50既SA287班機...由香港...直飛去南非既約翰尼斯堡(Johannesburg)~~~直航13小時...不過我地仲要轉內陸機去開普敦(Cape Town)~~



與旅遊人最愛的牌牌影個合影~話實在都有d眼訓~始終都11點幾啦嘛~今次出發仲有新角色~~大家都識寶寶同囉jer啦~~仲有一位帥哥個名叫炳門~~~係毛寶親手整俾我架~~~好靚仔~~我地又多左個成員喇~~~~

今次都係特區護照出發~免簽證~(其實我個葡國護照過左期9世咁耐~不過得哥5年有效期我費事換~又要受氣喎~)

有看清楚炳門嗎~靚仔嗎~



南非航空d位算幾闊~原來南非航空係起飛同降落時都唔俾吸毛毯係腳度喎...真係第一次聽~原因係"因安全理由所有阻住你對腳逃生既野都唔可以吸住"...咁大佬呀...d冷氣就咪開咁凍啦......上左機之後無耐派Welcome Drink...我諗住係食飯哥時先叫酒飲...所以Welcome Drink我淨係要左果汁.....點知....原來食飯佢地無野飲派架喇~~~得最後既咖啡或茶咋~~~~失預算蝕哂喇~~~~~~~唔怪得我要完果汁之後佢問我仲要唔要野啦~~~~第一餐係酸甜魚...正常口味~不太濃味~幾好~不得不讚係沙律夠清新~而甜品係類似楊枝金露布甸既物體~麻麻~如果麵包有烘過會更好~加牛油同芝士食一定超正(唔係我要求高呀~我食過幾間航空公司都有整熱d包架~)

我都叫做訓左4個鐘左右既~~~期間梗係電影欣賞會啦~~大家都知我搭飛機最鐘意睇戲架啦~~今次佢隻機都有幾套岩我睇的~~有熱爆Madam(The Heat)...一貫的珊迪娜布洛喜劇~我應該有笑到嘈住人~~第二套係非常盜(Now You See Me)...呢套我有係戲院睇~大愛呢套戲~~要重睇一次都係覺得精彩~~第三套就開始睇自己iPad Mini down左既逆天奇緣(Upside Down)...個故事意念幾得意~但睇完覺得一般般~~第四套係春嬌與志明...好好笑~~~我為左呢個機程~~為自己係iPad Mini down左14套戲...兩套劇集...仲埋一套紀錄片~~~~~勁未~~~準備充足~~~



好喇~夠鐘食早餐喇~一般般~d薯角好難食~~~南非航空d空姐無咩禮貌~面色又衰~個空姐差d倒茶俾我哥時仲倒左落我身度先免為其難同我say sorry咋~所以搭一程機就令我對南非呢個國家...有少少幻滅~

yeah~13個鐘頭機到左約翰尼斯堡(Johannesburg)喇~~~去到係第二日既早上六點幾~~~咦~~好似幾好天喎~~~~

落左機等行李...有個團友話唔見左個行李點知係佢唔認得自己個gip既顏色@@''........得番大半個鐘...再跑去check in counter寄行李...咦?!?!?!?咁點解你唔直接將件行李幫我地由香港直接寄去Cape Town呢???雖然轉左做內陸機....但....同一航空公司喎?!?!?!?

趕頭趕命過多次安檢....乘搭SA317係09:10再上機~要暫時拜拜約翰尼斯堡了~

內陸機上派發的三文治超級的好吃~~比起上兩餐飛機餐都要好吃~全清~呢個幾鐘頭機再睇多套"聽說"

差不多到了~hi~開普敦(Cape Town)~

去到機場攞左行李.....導遊同我地講係呢度換埋錢.....相信港澳都應該無得換.....同埋出面無咩地方有得換...要去到第5..6日去番約翰尼斯堡既迷城皇宮內的賭場先有得換....於是我地就好驚~~唔知換幾錢好~(請帶美金去換~)...我地問導遊應該換幾錢好...佢話：我唔知你地買多定少野.....要自己衝量.......係咁意帶過呢件事....本身諗住每人換$300=2340hkd......咁南非出鮑魚架嘛...我出發前以為有鮑魚罐頭買番黎做手信....點知人地開茶會已經講明無罐頭鮑無鮮鮑賣....只有乾鮑賣(我邊有咁多錢買乾鮑!!)既情況下.....即時縮沙換$200=1650hkd就算~仲有呀....佢呢度換錢.....收稅又收手續費......根本換埋換埋都俾佢扣哂!!!!

南非既貨幣單位係Rand.....$1=R9.4320.....咁$1=7.8hkd....我無計錯就1hkd=R1.2......我地呢幾日都當係1hkd=R1咁計就算~費事諗咁多~而且物價同港澳都係差唔多~睇睇南非貨幣~

好咯~換埋錢就正式出禁區~開始我地第二天既行程喇~(黎到開普敦已經係第二天既早上11點度喇~)

今篇長氣了些少~





雖然大賽車真係令人好唔方便~~~
但毛寶說：我其實覺得澳門咁細地方都賽到車真係好有型~
仲要係難既賽道喎~
一年塞一次車都可以忍耐啦~
我：好~忍多一個禮拜~~~



星期五晚決心去換電話...
之前剛取新機我已經去換過一次...
我問話佢係咪一年內有壞都有得換...
哥個職員同我講iPhone兩年內有問題都可以換
我仲話兩年咁長??所以我超記得..
點知去到問原來都係得一年保養....
好彩check番我仲有一個禮拜先過一年保養期~~
yeah~~~~聽日有得攞番部機喇~~~