東歐六國文化之旅2012-10-16第一天(陰天)

wakakakak~我無偷懶的~我本身想星期五出blog架~~~點知我個電腦真係突然死左…….所以……咩都寫唔到~~~~多謝ryan靚哥幫我砌左部新電腦~~~唔該哂~~~煩左你兩日添~~~咁要由星期五開始講起喇~~星期五：去左氹仔食千笹~~因為我好想食日本野~~不過今次食覺得無上次咁好食咁~……..->去觀光塔睇新鐵金剛~~講到佢去左澳門個景全場一睇完….乜澳係咁既咩….大家都笑哂……不過我覺得今集幾好睇的…因為我覺得幾寫實….笑007老喎…仲唔夠寫實??不過佢老還老….我覺得佢老得幾有型!!!!!!點解男人老左可以咁有型架~~~~~~星期六：食泰華欣->重學ukulele~依家彈緊旅行的意義~~…..->買砌電腦既野同砌電腦~辛苦哂~……->唐吉訶德食西班牙野~~~好正呀~~~……星期日：中午去左日麗同小青蛙飲茶…….小青蛙又用兩個鐘重新適應我地->去左八佰伴買禮物->去探小公子…同柏仔玩….柏仔見到我太肉緊…係我大脾度送左一條長差唔多兩隻中指長既血痕俾我!!!人地點著比堅尼呀!!!!->試姊妹裙….下個月要做姊妹…..條裙竟然岩身到唔使改~~….->妹子係美國番左黎一齊去食飯~~~~~~週末就係咁樣過左~~~~~點解週末永遠都係咁快過左既………………………



2012-10-16
Day 1(澳門->香港->法國巴黎Paris)
華華華~~東歐之旅要出發了~~~~~我地係10月16日晚搭11點幾機~所以我地哥日就搭6點半船直駛香港機場~~~~~~看看我的長期團友~~~我倆都好精神飽滿呢~~~(我哥日仲番左一個鐘頭工~~唔知大家記唔記得~~)….呢次我地有六位團友：我~媽媽~毛寶~伯娘~仲有兩個神秘團友~出發~

今次既相同以往幾次一樣啦~有我影既~有毛寶iPhone影既~仲有毛寶用佢既Lomo仔仔影既三輯相合成呢個遊記~靚哥d唔使問喇~一定係佢影架喇~



我地今次仲有帶埋乖仔寶寶去呀~~~~

第二次搭法航~令我興奮的原因是………………………哈哈

搞掂好寄行李呀~check-in呀~退稅呀~過關呀~好似大約八點度~~於是我地就去搵野食~~今次我同自己講一定一定要食勝博殿呢!!!!!!!!!!!點知我地個登機閘口附近既美食廣場唔係我地平時食開哥個!!!!!!超失望!!!!!!!我唔忿氣….行左大約10分鐘度先搵番平時食開哥個!!!!好似係19號登機閘口附近要上樓上哥個先有的~~~(明明當時提自己記住個閘口係幾號….番到黎我只係隱隱約約咁記得19咋~~無用~~)我下次要記住了~

張船飛既機場保安稅係退番120hkd俾我地既~於是我衝去勝博殿…..望望餐牌~~~好多炸野呀~~~見到太多餐….個店員見我揀左好耐…..於是佢推介：不如試下呢個新既套餐啦~有豬扒~有蠔~有蝦~…….我：以~咁多咁食得哂喎……….店員：0我~好呀~咁你睇下其他~………………..我諗左一陣…內心掙扎左好耐……我：我都係要呢個有豬扒~有蠔~有蝦既套餐啦~~~……店員：…………………………………………..咁你需唔需要飲品?……..我望望個餐….華…………….價值116hkd大元~我手上只有退稅的那120hkd……..我：er….唔使喇~我…….唔夠錢呀……………………..買完之後走番去個位度……我：毛寶我好敗家呀….我得120蚊….我淨係買野食用左116蚊喇~~快d借錢我買野飲啦~~~~~~~講番個餐先~勝博殿的炸物真的沒話說~~~~~炸豬扒炸得好正呀~~~~粉唔怕太厚~豬扒有汁~~~超好吃~~毛寶平時眼尾都唔會望既日式炸豬扒….竟然係我手上一吃再吃….你自己諗下有幾好味~~~至於炸蠔都係超級的正呢~~~又大又肥呀~~~~~~~~~~好好味呀~~~~~~佢既汁配上自己即磨既黑白芝麻…..超級的香!!!!!!!!!無汁送飯我都食哂成個白飯~~~~~~~

食飽飽就慢慢行番去自己個閘口度等起飛啦~

呢晚我地就係搭法航AF185班機23:05直航至法國巴黎~

睇下寶寶同囉jer幾sharp醒~

第一餐飛機餐~前菜：蜜汁鴨肉拌新鮮沙律….主菜：勃艮第紅酒炖牛肉配雞蛋馬鈴薯及雪豆…..甜品：杏仁櫻桃餡餅…….我搭法航興奮的原因是：餐飲可以叫香檳呢~~~~~不過由於之前食左勝博殿~~~所以不能以肚餓時的心態好好享受~~~牛肉質地有d硬~但個汁幾好味~~~

可能因為之前食左勝博殿有食蠔同蝦…..d風Lan又行出黎嚇我….出到成隻腳都係….痕到我呀…..我要即刻食藥先搞得掂…..就係因為食左藥….所以我之後就理所當然地倒頭大睡~(因為食左哥d藥好鬼眼訓~)



簡單早餐~我連隔離毛寶的火腿都搶過來吃~~~竟然牛角包都無個~~~

呢程機訓得史上最多~~食左藥訓左成6個鐘~~~正~~~呢程機睇左美國處男之孔雀開屏(American Pie：Reunion2012)：幾好笑~~~我無睇過之前幾集架~~~突然睇呢集覺得幾好笑~~~~毛寶仲話d人老左好多~~~~~跟住睇左普羅米修斯(Prometheus)：呢套之前係戲院睇左~無咩選擇下再睇~…..仲睇左半集的新蜘蛛俠：唔知呢…我鐘意之前哥個多d喎~睇左半集就已經要落機囉~~~





華華華~~~~
Mr.出左新歌喇~~~~~
叫方向感呀~~~~~~有時間大家聽下喇~
好好聽呀~~~~~我好鐘意呀~~~咁即係就黎出新碟喇~~~~[youtube http://www.youtube.com/watch?v=UASizs7E07I&version=3&f=videos&app=youtube_gdata]


華華華~~~
好開心呀~~~
send左msg俾我話我個iPhone有得攞喇~~~~~~
heheheh~又破財了~~~~