法國瑞士塵世美之旅2012-05-23第五天Part 3(多雲後轉大晴天)

天呀~~~~噚晚八點幾開始又頭痛…….於是已經好醒咁九點幾十點食左止痛藥……如果最痛係10分…..當時有4分…..訓覺….訓訓下到五點….個頭爆痛痛醒….坐係床度標哂眼水頭暈作嘔眼痛…..呢個時候有8分痛….於是起身食左60mg劑量哥隻藥….痛楚減回4分…..點知坐多半個鐘又痛番7分…….頂唔順都係天一光面又無洗頭又無洗面(有刷牙的)跑上山頂(你見我頭都無洗就知有幾痛….今朝個頭醜到癲…件衫又襯到鬼五馬六…)…..今日一天病假….希望唔會覺得我係玩野(話實在我自己都覺得我自己好煩…)…..呢4個禮拜……第一個禮拜痛左星期三四又係痛到請病假…..第二個禮拜無頭痛但有幾天頭暈暈….第三個禮拜星期四放工爆頭痛……第四個禮拜即係今日….又黎…….今日醫生頂我唔順開左兩隻頭痛藥俾我….仲開左最高哥隻劑量200mg…..但一日不宜多吃兩次…如果唔係會中毒……………綜合以上四個禮拜….我無乜食過咩相同既野…唯一相同既應該係麥皮….但我日日都食架喎….咁應該唔係關食物事啦…..喊喊…..睇黎我真係要去買d杭菊試試…(有兩位blog友推介我的)



2012-05-23
Day 5—-Part 3(法國巴黎)呢一日既朝早係天陰陰的….但行完三個幾鐘既羅浮宮(Musee de Louvre)之後~有太陽了~~~太開心喇~~

行左咁耐~要同羅浮宮說再見了~~~~(其實有好多野都無行~好攰~)

我都話…我睇既野…同毛寶睇既野好唔同…佢就係比較藝術….

好靚呀~~出太陽的羅浮宮~(我俾媽媽睇我d相…佢話：你咁都話多人…我去哥時多人過你十倍呀!!)….好啦..我有少少好運啦~

就是漂亮~

哈哈~~咁d咁醜既post我地無叫人幫我地影架…係將相機放係小石柱上影的~

呢d就用手ja相機影….塊面一人大一次啦~

媽媽話佢哥日黎係坐滿哂人的~

小金字塔~

年過27唔好做呢類鋪屎…..做完條腰呀……………………..唔講~



好囉…我認真係少人囉~好好天呢~

本身我地預左黎呢度嘆杯啡架….就係羅浮宮最大個金未塔隔離…..不過…好曬……

跟住發現佢後面係有半室內位的~跟住見到佢餐牌有鵝肝吃~就衝入去食了~

Le Cafe Marly~



不過你見個景就知佢咩價錢啦~正對住羅浮宮….環境又咁典雅既cafe…..

初頭見餐牌寫：foie gars de canard”suffisant pour deux”….一見到foie gars就以為係鵝肝……點知番黎先知係鴨肝…死傻仔…………我地叫左一個試下….

餐包~好硬~牛油好吃~

我叫左杯cappuccino…€7=70hkd….諗住點都要試下咖啡嘛….不過…我都係唔岩飲咖啡既人………………………..打冷震呢~毛寶又係飲鮮榨橙汁(Orange Pressee)….€7=70hkd

鴨肝出場~foie gars de canard”suffisant pour deux”….€26=260hkd….貴又唔係好貴…不過….我地係諗住叫一個…..佢誤會我地係一人一個囉………………………食到呆左…………..好漏呀…………..都幾好味…好滑…..不過食咁多真係超哂標囉!!!!!

主食叫左Club Sandwich Tradition….€18=180hkd…..無咩特別…可能頭先食鴨肝已經漏到想嘔~淨係知d薯片唔好食!!!

成餐飯食左成€84=840hkd……就係因為佢落多左個鴨肝搞到咁貴…..好可憐呀!!我寧願食多次海鮮盤啦!!!!!呢餐野都係食環境多!!

今日無咩生活記事可以寫…
因為今日無咩生活記事可言….
中午食左兩塊方包和一個蓮霧囉…
講完….
明明噚日提醒自己保持開朗心境無咩壓力….
都搞成咁….
唔通真係關坐右邊既counter事??



噚晚同媽媽商量好星期三晚飯要食煎雞蛋煎午餐肉和牛油飯…
媽媽：你想星期三定星期五先食呀??
我：(認真思量)….星期三啦!
媽媽：肯~定~
我：肯定!!如果星期五係世界末日點算呀??咁我咪無得食午餐肉
媽媽：我睬過你把衰口呀
我：就算真係世界末日我都唔驚…起碼我星期三已經食左我想食既午餐肉..無憾!!
(既樂觀又無聊既一個想法~)



報時：距離六公子出使韓國之旅仲有—-82日~