聖誕節香港一日遊+郭富城舞林盛宴演唱會2011-12-25 Part 3

好想可以講句：真係好喇~今日番工無咩野做………….好可惜….我地實在可以用客似雲來黎形容……死啦..我係咪有星期五症候群呀???我個頭又好似開始有少少痛…..點解週末先咁對我?????



yoho~夜晚八點就出發去睇城城喇~聖誕節去睇演唱會~真係第一次~加上上次城城個演唱會舞台真係驚喜到癲~所以今次都有d期待~

入場又覺得個台平平無奇咁既??

開始喇~

我個G11係普通過普通既相機…而且我地坐幾遠下!!!!!所以我係影唔到城城既肌肉架~首先黎一輪快歌~首歌係咪叫以歌會舞?

跟住黎一輪體操表演~

華…佢既一輪慢歌…真心講….我…..有少少訓着……………..

都係鐵幕誘惑呢d老餅歌先岩我~:p

終於有舞台機關睇下喇~~入後台換衫後一出場….就坐住呢舊機動遊戲既物體出場…360度轉……不過……除左表演佢可以倒吊都唱到歌好犀利之外…其實有咩用意??

成晚影得最大粒既城城~

睇城城….最好睇都係快歌~~~仲有同人鬥舞哥part都好睇~

跟住突然唱聖誕歌…同埋天花好似有落雪既燈光…好靚呢~~終於有聖誕節既氣氛喇~多謝城城~

個台變型喇~~~~見到佢地跳黎跳去跳舞…覺得好危險…不過……幾精彩~

最後哥part….個台仲有彈床添囉~~呢個都幾好睇(完全忘記佢唱咩歌:p)….好似話城城之前整親條腰都係因為彈床咋陰公!!

總結：齋講舞台…我覺得上次哥個好d….因為個台成個升起跟住成塊放直企係度….佢同d dancer一人企一格跳舞….超震撼…視覺效果一流~….d歌就…..我唔識既慢歌真係….令我覺得好悶……快歌有跳舞完全無問題~唔聽歌都可以睇跳舞~城城我淨係識哥d唱這歌鐵幕誘惑強國王的新衣對你愛不完之類架咋~如果下次佢再開…..如果有人想我陪佢睇~咪去囉~暫時黎講睇過咁多個演唱會最好睇當然係Mr.啦~我係忠粉嘛~如果可以入佢地個後台親近佢地就好喇~第二個想睇會係陳奕迅啦~聽佢唱人來人往無人之境陀飛輪十面埋伏單車都夠開心~第三想睇鄭秀文啦~又一經典~





我隻左眼又開始痛緊喇…
點呀…去旅行哥時唔好咁對我呀!!!



係啦..
你問我..你無自己既興趣既咩?
係啦…我既興趣係咩呀?
可能係”懶洋洋在自己家中碌黎碌去”



報時：距離法國瑞士塵世美之旅仲有—-8日~
報時：距離六公子出使韓國之旅仲有—-141日~