杯杯生日會2011

hello~hello~hello~我番左黎喇~~~~噚晚10點幾機到左香港機場~凌晨點九度番到屋企~好彩今日請左假~5日就咁就過左喇~有d唔捨得呀……嗚嗚~玩得好開心~不過都發生d小插曲….因為有一日…試過有地震……嚇到我鼻哥窿都無肉……其實係好少好少既地震…不過對於未經歷過既我….已經有十級驚嚇….不過咩事都無~放心~~~好開心有影到好多相~毛寶今日心急地問我：你幾時出日本blog呀??(下….你咁心急既哈哈~其實你同我一齊去架喎~哈哈哈~)襯呢兩日執下d相~下個禮拜應該可以推出日本遊記~請大家多多捧場呀~我d皮膚去到日本太乾燥唔習慣….依家番到黎都超癢呀~~~~



又黎生日會篇~不過唔係我~係到杯公子喇~無計啦~好多公子都集中係年尾生日的~今次我地既地點係…..很地盤佬的維康美食~打個熱辣辣邊爐呀~

佢d乳豬海鮮煲真係超好吃的~~~~~~~~左邊d大蜆更係鮮甜無比~呢個生日會…..係舊年十月~




好欣慰呀~~呢個杯公子單身的最後一個生日呀~~好感動~~佢係我地公子中第一個成家立室的~*3*

我同阿杯既生日只係相差六日咋~~仲係同年添~~係咪好有緣呢~~~



想當年一齊第一次自由行既狂歡三寶呀…我啦~寶啦~杯啦~好令我懷念~

生日快樂呀杯杯~~~~~*3*

佢地話我呢張相好瘦……..



又黎七公子帥氣大合照~~~

我地送俾杯公子既生日禮物~送我俾佢呀—->tiffany一大條~佢應該真係好鐘意~~次次見佢聚會時都有戴既~~~~

好彩番得到黎睇On call 36小時個大結局咋~~~~~~
好鐘意一件頭呀~~
唔知今晚大結局點呢~



報時：距離台北吃吃吃之旅仲有—-20日~
報時：距離法國瑞士塵世美之旅仲有—-63日~
噢….得番兩個報時~
唯有安慰自己….
今次旅程既結束…係為了下次旅程的開始~~
講講下…20日之後要去台灣了~
緊張…因為係我同媽媽自由行…
咁即係…得我一個plan行程..
同睇地圖….
希望順利~
我去執相先~bye~