北歐四國午夜太陽之旅2011-06-21第九天Part1(大晴天)

又到左星期一…………..今朝起身…..覺得成個人又開始實實地…..神情戇居居咁…………個胃反下反下……..頭暈暈…………………..所以下晝訓醒晏覺食左粒止痛藥再番工……..搞到今日成個人都係咁…….呆下呆下咁過…………………..快d好番啦…..毛寶今日見到我個樣咁衰…..佢問左我一句：你認唔認得我係邊個呀??(笑左…我諗我個樣哥時真係好衰)



2011-06-21

Day 9—-Part 1[芬蘭(赫爾辛基)->(羅凡尼米)]

又在船上吃過豐富的早點..我今次試下攞佢地d牛奶飲下咩味…點知..好難飲呀

搭左成晚船終於到左—-芬蘭赫爾辛基(Finland,Helsinki)…應該話又到先岩…因為我地初初第一日就係係芬蘭轉機去丹麥既….呢個係唔知幾時既奧運會會場….不過…..好舊呀….同埋無咩特色囉……….影左都唔知自己影咩…

不過估唔到芬蘭咁好天呀~因為我地第一日黎到轉機時佢d天氣超差…好開心呀~



跟住就參觀—-西貝流斯紀念碑…個碑係做咩…唔…唔知呀…無聽導遊講…

附近見到芬蘭灣….好靚呀~

附近草地又有勁多勁kawaii既鴨仔~~~好得意呀~

呢個係國會大樓….其實都唔知參觀黎做咩……

石室教堂就幾特別既….因為睇佢外表又唔似教堂….上面睇會似UFO架~

毛寶用360度iPhone app影既~接得幾好~

好野~又放飯~今日又係食特色餐喇…經我地上次話瑞典肉丸咁鹹都話好食之後….導遊今次好小心咁同我地講：特色餐既野見人見智架咋….試下啦……..明顯驚我地話佢!!!…….第一個前菜…唔知咩黎…好似係魚…但我覺得佢外表好核突囉………麻麻地好食…..毛寶覺得好好味喎

芬蘭特色餐—-馴鹿肉~ok喎~~今次佢唔推介哥d我地覺得好食囉~~

麻麻地好食既蛋糕…….

行出餐廳見到呢d花…..好似人樣呀….我地仲話好似我地tim~

食飽參觀—-烏斯別斯基東正堂..顧名思義…係東正教教堂…不過未及俄羅斯哥d

跟住到左萬分期待既—-芬蘭市集….因為聽講有好野食……不過去食野之前….就發生一件慘事…..話說….呢度近海…..有食物賣…所以有好多海鷗….比挪威哥度更多……本身毛寶都好開心見佢地….點知……突然間……有隻海鷗…..痾左一篤好黃既尿落佢個頭度…..真係….見到都想嘔….佢仲鬧我叫我幫佢快d整走佢…..我都鼓起左好大勇氣整走佢…………..之後再有一個團友成件白色衫賴哂野呀……….我伯娘有見及此用佢條披肩吸住佢自己個頭……..好彩有吸…佢條披肩都賴左野……..我成程戶外都擔遮….遠離海邊都係….超恐怖……………唔知點解芬蘭d海鷗咁多屎尿既?????想知我地係呢度食左乜野….下集再講~

呢個禮拜唯一期待既事……..

就係星期六又過香港食海鮮喇~~

yeah~~~~~~~~~

食!海!鮮!