新加坡熱辣辣之旅2010/11/23第二天Part1(天晴及後雷暴)

攰攰…..bb好攰攰……………………..快d黎hall番bb啦…..好攰呀今日下晝…..同今朝簡直係天同地既比較…………..做野做得咁辛苦….又令我個肚咕咕響~哈哈~死啦….個喉嚨好似講野講得多得滯好似有d確確地tim…….食番d念慈菴先~最開心係今朝食左個爆靚既肥仔記薯仔雞奕米中辣….謝謝小i幫我買呀~~今晚終於可以見到阿家喇~期待中~



2010-11-23

Day 2—-Part 1(新加坡->聖陶沙島)

yo~第二日出發喇~~係獅城同小獅子影相~MRT內

第一站出發去超出名既亞坤咖0也多士(Ya Kun Kaya Toast)…..路線：NE5(紫線)->NE3(站內行去EW16站…即紫線轉綠線)->EW16(綠線)->EW14(Raffles Place站)….出左站之後行5-10分鐘….係遠東市場內

呢間野有成60件歷史架~…..所有路線用NE5做開始係因為我地酒店係NE5呀….如果唔係Clarke Quay住就自己再研究下…..不過後尾發現….原來如果識行既話…..行大約10分鐘就係China town…….但我地轉黎轉去咁轉車…行站裏面d路…都搞左成廿分鐘………………………..



套餐……S$3.2=19.2……好抵呀~~試齊佢三寶~~~

其中一寶係熱咖啡…媽媽飲左…我就要左凍檸茶~



佢個咖0也多士………用炭爐烤到脆哂…然後有好多咖0也醬

十分滿分既話我俾十二分呀!!!!!!!!!!!!!!!!!!!!!!!!!!!!!!!!!!!!!!



另外一個餐都係有個野飲…蛋…同埋呢個西多士配咖0也醬

呢個都好好味~不過都係脆脆多士好食d~



第一寶係咖啡…第二寶係咖0也多士…第三寶就係半熟蛋~

當地人係咁食既….落d老抽….落d胡椒粉…..可以就咁食又得….要黎蘸麵包又得~好味~~



真係好好好好好味囉~~~又唔貴….我下次黎到一定會再黎~

仲係佢哥度買左d咖0也醬做手信….我地拎左成大半日先有得番酒店擺低好重架….收到既朋友仔記得我地呢份心意喇~

哈哈….好傻….

有一晚食飯…..同媽媽兩個人一齊喊….

因為我講左一句：我好掛住爸爸呀(我都唔知我點解成個小朋友咁)

之後就一齊一路喊一路食飯

傻傻地~不過唔開心時一定要俾我發泄出黎

如果唔係我會好唔開心好唔開心好唔開心~

不過依家無事~~~好開心~~~

今同一個人傾開計….佢問我

G：跟….你覺得有咩唔同左???

我：下?!你講我定你呀??

G：你呀

我：你問樣貌定性格先??

G：性格

我：唔…..我覺得我自己呢幾年大個左….成熟左dd囉

G：我都覺

我：係咩????哈哈

G：我覺得你個人正面左….負面既野少左好多

我：咁係咪好??

G：梗係啦…..

其實我不嬲都好似俾人正面既感覺…..好似無乜唔開心咁…不過有時我唔開心唔會同人講出口…..會打下字…..喊下啦…….不過依家諗野大個左少少咁多多啦~但某程度上仲好似個小朋友咁~



報時：距離容祖兒no.6演唱會仲有—-0日~

yeah~