2010-04-18
Day 1—-Part 1(澳門->高雄->墾丁)
晨咁早就自己醒左….比起較鬧鐘既時間仲要早~執好哂野…行黎行去…都仲有好多時間….就自己出左去行下(唔知做咩~)…..今次旅程有八個人(以自遊行黎講係超多人)…有狂歡三寶啦…..carmen….crystal…kid仲有寶寶堂家姐同堂哥….我地超準時十一點半就去到機場…..仲俾人笑我個gip過大~…..佢地兩個就帶中gip同細gip……笑囉笑囉笑死我囉~
係等緊其他人時梗係自拍一番先啦…
出發前我個樣仲係好正常
帶住我心愛既gip gip出發喇~
入到閘之後~見到海寶喎~預早同佢影張相先~
今次我又變番葡國護照~因為特區護照要落地簽證…
我好慳架~
今次搭長榮….唔知點解硬係覺得好過澳航~
可能因為我搭過兩次佢都無delay卦~真係準時13:05起飛架~
今次帶埋燕早去….同飛機影相既任務就由佢代替我啦~
個天氣…..令人沮喪
哈哈~我最鐘意既飛機餐~點解無面包架…..
如果係都要問我…我會覺得上次飛去美國個餐好食d囉~哈哈…但係港龍仲係no.1架!!
到左台灣喇~燕早俾人笑媽媽唔帶佢出黎玩喎
係佢自己話好攰我先唔叫佢出黎咋!!!
到左高雄喇~~~~~~原來發現台灣換錢貴過澳門架…輸哂~
一到哥時都係天陰陰架….
跟住我地就用包左兩架的士由高雄高衝去墾丁~喂…直衝呀…..唔知點解個的士佬不停帶我地睇無聊景點….呢個火車頭…佢叫我地影架…..但係唔知做咩…
不過好彩佢請我地飲左杯野飲唔使錢~~~~~~
第一日食既飯團….實在太想食佢喇~我既係小龍蝦沙律
依家買仲有買兩個八折~抵到爛呀!!!!!!!!!!!!!!!!!!!!好好好好好好好味呀~我最愛既飯團…..當飯同紫菜一結合即食既效果…………好正呀
坐左個幾鐘頭車去到我地住既民宿喇~仲有隻好得意既狗狗~
佢叫domo~
我地間房~係咪有d頂我唔順d鋪屎…..哈哈~
間房一入去自我感覺非常良好~….可惜………….極多蚊………………………….
但係間民宿真係幾靚囉….因為佢間民宿叫米克諾斯…..米克諾斯係希臘其中一個島~一睇個名就知佢係以希臘白色小屋為主~全白色加藍~
佢地樓上間四人房仲靚呀…..有個戶外浴室….
羨慕死我喇!!!!!!!!仲有個室內既浴缸………..好浪費…佢地無用過~佢地間房咁正先一千蚊港幣一晚…..激死我喇…………..
今日知道左個大消息!!!
不過我知道左有d唔開心….
我擔心你…….你知你既性格啦….
有時我覺得我似傻仔…..仲好似一個細路仔
對朋友既事太上心…..好似番左去小學咁
就係因為我太在乎同太上心….
會成日令到我自己唔開心………
不過我會學識慢慢唔好再咁過份擔心
畢竟我d朋友都有番咁上下年紀…..根本就輪唔到我擔心
我想你地開心既同時……..
我都希望我自己能夠開心
我…………..應該唔算太貪心卦?
點解我頭先會話預先同海寶影相?
解畫!
已經約好左sasa..iris….
仲有我既長期御用旅遊伙伴—-寶寶
全新既組合…令人期待~
係5月20-23號去上海睇世博~
仲無請過假tim~因為無得請…………哈哈
21號佛誕節星期五公眾假期加埋星期六日…..
星期四晚一放工就即刻出發!!!
去完台灣有d失落….
但係唔緊要….
又由依家開始倒數!!
24日…去上海….食小籠包~
講song hea話~
仲有一個月妹子就結婚喇~
雖然我今年過唔到去參加佢地既婚禮
不過都希望佢地哥日開開心心順順利利啦
沒有留言:
張貼留言