碌chop泰泰之旅2009(Part 5)

呢兩日真係超多野做呀…..今日放左工又即刻跑去星晨攞機票…..再跑番轉頭臭埋毛寶….再跑去京澳買聽晚張船飛…..買完跟手仲去埋新馬路麥當勞同班同學傾功課………..傾完買左夜晚飯番屋企食….食完同小貞寶貝去買我的生日禮物……雖然今日去忙….但我仍然好開心….哈哈….



依家就黎十二點…我十四號夜晚出發喇…

但係我….哈哈….仲未執野呀



Day 2—-02.10.2009(Part 2)

第二日既夜晚我地就去左食法國菜Ces’t Bon….第一次自遊行黎食過……同毛寶的堂家姐和堂哥一齊食….幾ok架喎…於是我地今次又再黎食過囉……………….

不過我覺得今次就麻麻地好食囉…我仲叫左個貴d既set….有七道菜…諗住會好好食…點知…唉…連麵包都唔好食

我都唔記得個前菜係咩tim…..好似舊雲吞咁囉~

第二味就係…有好多唔同味既帶子…其實呢個ok

呢個係咩湯呢???我記黎記去都記唔到……….不過唔多好味

然後到清一清喉嚨既雪葩…..終於食到有上一次既味道喇~

帶有壽桃牌濃湯味有少少咸既羅絲粉…..嘔~

食左兩個鐘終於上到主菜喇…….不過…horizons好食d~

呢個甜品我真係…….食左一口之後….無再食過…..嘔

食完成餐要成兩個半鐘…..成班人都訓哂覺咁滯……不過好開心之後我地去番上次去泰國時都有去按摩既Lek(Novotel附近)…..仲係咁舒服……按腳+膊頭…..不得了…..我未試過按腳按得咁舒服…..按完第二日仲唔怕痛……最衰今次太少時間…..按得一次….下次我一定再去……..多幾次﹗﹗



亂買既下場…..就係連我個gip都擺唔哂…只係三日就咁喇

Day 3—-03.10.2009

哈哈….早左dd起身啦…食左酒店早餐…我地仲偷運多個人入去食…….好叻呀我地….yeah….都幾好食呀蝦餃燒賣

個商場都有d公仔幾搞笑…..等緊位時解下悶……都有其他人等緊位…我地都照影….很勇~…其實我地岩岩食完早餐一陣

終於等到位食喇…就係食…好新穎呀….迴轉壽司加迴轉邊爐….勁無?又任飲又任食都好似五十幾蚊…一樓有得諗諗~

食飽飯就拜拜走人喇….係機場留影….我覺得佢個機場都幾大幾多野買……都ok靚..不過都係香港靚d…..哈哈

超超超超巨大珍寶珠….多謝盛惠一百一十大元…都唔知點食

再見lu泰泰…..唔知下次又係幾時再黎過喇….希望唔耐啦……

哈哈….成點喇…我都仲未執野呀…..

聽晚搭八點船過香港機場……

又有九日唔見喇……..

拜拜朋友們…..

等我番黎喇…………..

好野…係去埃及之前寫完泰泰喇….hehe

係呀我要去執野喇~



我依家好興奮呀….興奮到唔執野就去訓教喇……..