為左Mr. everyone concert而過既香港

咦…..今日….黑黑地……朝早俾個阿叔玩左幾下…..玩完一大輪……又話唔辦…..吹佢唔脹~跟住今日…..又少左錢…..不過算啦…..都唔算太唔開心…….可能學手語好好玩……玩到個人創哂~係喎….後尾發現平時帶開係日本買既平安符…..原來今日唔記得帶…..唔怪得有d黑啦~噚晚第一堂同臭杯學手語…..教得好快好快….差d抄唔到筆記……不過都好難做筆記…..因為都唔知點寫….好似背秘技咁…..有d我要畫埋公仔先得~不過學識左d字之後….放左學就係巴屎不停同臭杯練習…..好好玩~~好想快d上第二堂….即係聽日~yeah~個半鐘話咁快就過左~



星期日去睇Mr.十一點度過左香港….第一件事…一過完海關….就去買我認為爆好食既茶葉蛋….之後衝去食飯…..超肚餓….第一次試銅鑼灣既活壽司

Mr. Everyone Concert

今日實在係太眼訓喇…..因為噚日係香港番黎沖埋涼成三點先訓……………想暈呀今朝~今日又好鬼多野做喎……朝早不停打喊露…….但係咁都係值得架…..因為噚日超爆開心……去左睇alice in wonderland 3D……雖然3D個效果唔係咁出眾….但係個故事ok喎~之後夜晚………..去左睇”“”“”“”“”Mr.”“”“”“”“”“呀……..救命呀!!!!!!!!!!!!!!!!!!!!!!!!!!如果一百分係滿分……我會俾一千分…………打從第一首歌……我地就已經企哂起身超high~~~~~~~~~~~~我仲嗌到喉嚨沙哂聲………..



紅館紅館~~今次係第三次去睇..第一次係衛蘭…第二次係郭富城….一次比一次個印象深刻~~~~~~~~~~

華麗上班族之生活與生存

今日都過得幾好~下晏有人過黎學野….好開心……以前唔鐘意教人野….因為…我懶囉…..但依家又覺得ok喎…..我要轉行做教師先得~我覺得依家….已經無言論自由………….好驚~聽日就要做大陸妹…..你地唔好咁掛住我喎~



星期日先同杯走左一轉大陸…淨係識食

烤肉…拉麵…薯條…仲有次魚蛋已經無影到….離哂譜呢兩個女仔~

鄭家大屋一日遊

日日都係咁攰我係咪有病架???條頸又有少少痛…..膊頭又痛…..想點…..聽日先星期三…..我想休息呀….上個禮物六日又訓得唔好…..唔制呀~~~~~最衰裝修佬…..星期日都搞裝修野嘈醒我….嬲到我起身諗住查下邊條法例可以鬧爆佢….到我查到哥時………..佢又停工…..我就係咁….成個人醒哂……但我唔會忘記呢條法例…54/94/M號法令…….下次再有我就撻呢條法例出黎大死佢…….今日下晏有人過黎學野…….好開心d時間會過得好快……但係個口講到乾哂~



星期六食左我好耐無食既九記咸餐一個~

做個氣質少女~

上個星期四…又係咁…個膊頭痛到扯到上個頭痛….四點幾痛到訓唔著起身….上左山頂睇醫生…..我前面得哥四個人….又係要等三個半鐘……因為又要做xx測試….頂….等報告等成兩個鐘….話我拉傷個膊頭….我諗係我成日係公司攞收據bit機哥時成個身唔郁就咁攞貪快先搞成咁….今日開始好乖咁成個人轉去後面攞….話之佢快定慢…保命最緊要~跟住今日放工去左同欣欣杯去筷子基報手語課程…..好開心….就快開學~想學好耐….終於有機會~如果好玩我都會報埋中班既~都仲有其他野想學….又睇左科大d碩士課程…….不過….唔係興趣班既野….我又驚我讀得唔開心….雖然讀埋碩士有型d…..但係原來讀兩年要成八萬蚊….係咪傻架…..我讀四年大學都唔使咁貴….唔抵玩~我連張大學畢業證書都未到手~如果叫我去讀碩士…我諗我會用黎去哂…..旅行~係咪開心好多~



哥日病左留左係屋企休息…無聊下拆利是