冰島環島自駕遊之旅2016-11-06第二天Part 1(毛毛雨)

星期五...工作量還好~感激~放左工毛寶幫我剪頭髮~之後去左食齋~星期六一早又俾樓上個0靚仔嘈醒...................跟住去左做美白牙齒~你知啦..我呢d偶像派~之後呢~我去左starbucks換我之前中獎哥杯野飲呀~咪順便叫埋野食當中午飯囉~點知叫完野食....佢一出單就同我講：咦~你又中喎~~~~~~~野~~~~~~~~~乜突然有運既~~~~好開心呀~~~下午休息休息~~跟住出發去食度小月(哥時係5點幾~)....食飽飽去威尼斯人行左陣街...之後點呀?Supper Moment演唱會!!!!!Sunny!!!!!!!!!!!!!!!!!!!!!!!!!!!!!!!!!!!!!!!!!!!!!星期日.....去左食羅浮咖啡(又去)....跟住番左屋企重看Now You See Me2...維持原判...第一集好睇d~夜晚食左關東煮手作坊外賣~~~好味~~~上次除夕前老闆娘已經送野請我地食~~今次再請~~佢地個崩沙腩又真係好味~~下次要自己叫下先得~~今次試埋佢個新甜品咩抹茶團子~~(大慨係咁既名~~)....我好喜歡吃~~希望下次再叫時仲有呢個甜品~~(佢d甜品次次都覺得好味)~~~~星期一今日好多野做....唔知點解多小朋友既呢?



2016-11-06
Day 2---Part 1(冰島,雷克雅未克 Iceland,Reykjavik->金圈之旅 The Golden Circle->海德拉 Hella)
早晨唷~~一起身唔使自己煮早餐梗係好啦~~~~我最鐘意酒店早餐有夾餅食架喇~~加上濃濃的蜜糖~~正~~




出發~~~下!!!噚日黎到唔係好好天既咩!!!!有d雨仔喎!!!!我地今日既景點就係金圈之旅(The Golden Circle)....去冰島既入門行程一定會去的golden circle~其中包括3個景點既~就係平格維爾國家公園(Þingvellir National Park)...間歇泉(Geysir)....以及黃金瀑布(Gullfoss)




GPS仍是搞唔掂~好彩毛寶有出發之前已經係Maps.me度搵好哂所有景點~根本佢就可以當係一個GPS咁用~




落車先發現呢個時間黎租車已經換上雪軚防滑~




好喇~到達平格維爾國家公園(Þingvellir National Park)~我地今次先由上面開始(其實係兩次都由下面行上黎行到屎屎下...今次發現原來上面根本有個停車場)......泊好車發現...0我!!!你唔乖喇冰島美人!!!你學人收停車場錢!!!!!ISK500=35.1hkd.....可以泊一日.......你以前景點同停車場都唔收錢架..點解你會變成咁架???係自助機買好飛記得放係擋風玻璃入面





太好喇~~唔使行到扯蝦~直接到景點~黎呢個國家公園主要係睇板塊~





天陰陰下毛毛雨得令人心痛~






呢個國家公園位處北美板塊和歐亞板塊交界既大裂縫~係咪幾特別呢~






婦人model向大家展示她在兩大板之間的美麗合照~yeah~




呢度去廁所好搞笑架~要自助俾錢~搞笑在去廁所都可以碌卡~部機好易用~1.揀人數...2.插卡入密碼(或是你無密碼就咁按ok)...3.取票.......搞掂~然後攞飛入搞搞閘口~(依家呢個年代又話要係人將相度偷指模我都要小心d先得~)...廁所價ISK200=14hkd....貴價廁所....不過個景幾開揚幾靚(尤其秋天...可以一訪)





行左陣紀念品店去埋廁所就揸車落番下面個停車場~驚覺依家呢度都有廁所唔使一定要係上面紀念品店哥邊去.....不過呢邊哥d係流動廁所..好窄...我都係俾錢去喇~




如果由下面開始遊覽既話...轉左邊就係行上我地頭先哥度~依家我地就轉左右邊行上去~(其實我地鐘意呢邊多d)




行到黎呢個牌又有左右之分~先行左邊先啦~




來到了Öxarárfoss這個瀑布~唉~又下起雨中~




雖然佢唔算係一個好大型既瀑布~但係我同毛寶都幾鐘意佢~覺得佢d水好藍~~~












然後又轉去右邊睇Langistigur~上次秋天黎堅靚...左右兩旁都是紅紅黃黃的....現在已轉全黃色~




一路行d石都好得意~好似有好多草生係d石度~~










呢條路會有少少難行...已經多大大小小既石...加上落左雨有濕泥...不過慢慢行都ok既~我媽媽都得~d鬼佬直情係著波鞋都健步如飛過我~







行到上最上....呀~我覺得呢個位睇呢個北美板塊和歐亞板塊交界係最靚既!!推介位!





上次黎呢度玩左成3個幾鐘超哂時~今次就用左最快時間完成平格維爾國家公園(Þingvellir National Park)~再向下一個golden circle既景點出發~









Supper Moment!!!Supper Moment!!!Supper Moment!!!
真係好正呀個演唱會~~~好多謝你地開完香港之後再黎澳門上演溫柔革命~~~~~~~上次你地個演唱會我去左冰島嘛~~~~~~好彩有得睇番咋~~~咦...其實我又唔算話識得佢地好多歌喎.....但都覺得好好睇...癲到d人(包括我)...由佢地未出黎哥時已經企起身...企到完呀大佬~~~成個演唱會超過兩個半鐘~~~~~好喇~講番~除左The Moment全隻碟同埋無盡之外..我另外都有d歌鐘意聽....呢首係其中一首~(雖然sunny當時個樣勁青澀)...呢首歌大拿拿6年幾之前...點解我可以錯過一首咁好聽既歌超過6年????

無須再介意與他走過那段奇妙旅程
陽光繼續照 霋眼雨過天清

行出去 別再躲於家裡
傷口會隨年月減退
舊愛告吹 像落難般心碎
未來剩下自己一個面對

你要習慣沒有依慰的肩膀
不會太傷心過麼
留得低溫馨剪影已是不錯

你要習慣沒法相愛的苦楚
尤其是孤單一個
大世界裡會找到別個
像雪花 敢於飄向大地化做塵埃
若感動過 若燦爛過 並不枉過
(以上歌幾句歌詞真係想直接把姐姐殺死~Supper Moment..你地好野~仲有...今次演唱會Sunny的髮型好好看~~迷屎禾喇~)



2017/03/13的開心事：
呢個禮拜番晏訓多一粒鐘真係覺得好正~



報時：距離"七公子"帥帥出使釜山之旅2017仲有---30日~
報時：距離毛里裘斯渡假+馬達加斯加麵包樹之旅2017仲有---67日~
報時：距離與毛寶慶生快閃台北之旅2017仲有---198日~
天呀!!!!!!我正式宣佈!!!!!
公子之旅倒數仲有---1個月咋!!!!!
各公子準備!!!!!!!