2014年10月13日 星期一

2014年5月香港長洲兩日一夜遊---Part 2

星期一今日算係輕鬆又算係唔輕鬆......今朝一起身就頭痛.....下午有任務...做66隻團體.....唔好既就係真係好多..好攰...好既就係....我頭痛...做呢66隻...唔使諗野~唔使理其他煩野...都算係好事囉~~~~~雖然我依家貼緊退熱貼..但係我心裏仲諗緊d一包包既零食呢(流口水狀)........星期五:放左工番屋企坐左陣~就同媽媽去左星際既蘇浙匯食上海菜...竟然無做大閘蟹粉既菜式...人地諗住食下蟹粉小籠包架嘛~~不過我地都覺得佢d野退步了~(但服務還是一流和貼心~).....星期六:野~~~~~~人地好開心呀~~~Kapo Baby遠從香港過黎陪我同毛寶玩左一整天呀~~~~~~~~第一次相見~份外緊張~~~~~.......星期日:中午食左好耐無食聯記~~雞腳好味~辣都好味~.....->去左買野為黎緊個星期五既節目做好準備~~~好緊張~~....->夜晚同左大學同學去慶祝我的生日~~~食左好耐無食既笑面府~~~~好開心~~~



涼完冷氣又周圍行下~諗住搵一間賣得意雜貨既...點知等佢好耐都無開....噢...咁算啦~影張靚相就算喇~





又再轉出大街見到甘永泰魚蛋~睇好多個長洲blog都話要試的~~咁就試下啦~~~見到d人寫blog話好多人排隊的~但我地又見唔到人龍喎~真好彩~不過d野都唔算平喎~






就係買左佢最出名既長洲大魚蛋喇~又真係幾大~一串兩粒$10.....不過.........麻麻好味咋喎...又無汁又無剩.........(咦...我見佢個價錢牌無寫呢個係自家製架喎...唔通因為咁而無咁好食???)...咦~毛寶~我有無毀左你既形象呀??




去完cafe食雪糕有幾耐呀???班人又話要坐低食碗凍豆花喇~~~~~港澳食豆腐花既態度大不同~香港鐘意落黃糖食~澳門鐘意落花奶食...我個人黎講.....兩樣都鐘意~~~~~~不過呢碗豆花講真個滑滑程度就唔夠澳門既李康記或者新榮記黎喇~~~~~~

但係當時食覺得冰涼就好了~



然後太熱~我地坐左係碼頭附近抖涼~點知有個叔叔問我地:去唔去張保仔洞?坐船?....見無野做咪問下佢幾錢囉...點知佢話$100包來回....又唔係太貴喎~4個人先每人$25..好啦~咁玩下啦~




如果我阿媽黎到一定嘈住要坐...佢好鐘意食呢d交通工具架....佢好鐘意坐香港既叮叮同渡海小輪的~.....坐上船一開船....d風撲面吹黎~~~又幾舒服喎~~~~阿叔仲好多野講添~~








坐左好幾分鐘就差唔多到喇~




由於出發前無做過任何既資料搜集~所以我地都驚唔知點行~點知一上船就有指示牌話俾我地知張保仔洞點去~所以跟住行就可以了~~~(要注意....呢段山路係超級極爆多蚊!!恐怖!!)




咁一路行...都要一路幫阿爺影下靚相先得既~~~睇下佢幾優哉悠哉~~~~~~~佢仲同隻毒菇好襯呀~~(望落感覺上隻菇係有毒~~)






幾經辛苦行到黎呢個張保仔洞喇~~~個洞入面仲有個人坐左係度...嚇死~佢話佢講張保仔故事我地聽同帶我地入洞(當然要收錢啦~~)...不過我見個洞實在太斜~所以就梗係唔入啦~都唔知點上番黎~查實我睇番塊牌先知原來張保仔先生係出生於香港~仲係一名好出名既海盜~

好熱...好曬~救命~



哈哈~根本去到長洲就無玩過d咩~~~~~因為太熱~~都係算啦~~~早d搭番船番中環算喇~~~一出碼頭見到雪糕車呀~~望到都開心~~梗係買番個食啦~~~好好味~~~奶味雪糕~




本身諗住搭地鐵跟住行去酒店既~~不過我地又有少少咁多懶~~於是直接搭的士去~~~我地住既酒店叫香港銅鑼灣太平洋帆船酒店(The Vela Hong Kong Causeway Bay)....名字好長~訂呢間酒店既原因...係因為哥咁岩線搵4人房....佢又做緊特價...咁咪.....訂囉~~~其實間房唔大...張床亦都好細...我唔明佢點樣標明係4人房.................諗起都唔開胃~~~~~而且你明知我訂哥時有4個人...但佢d清潔用品同拖鞋都係俾二人份...咩意思???????????????????而且話就話叫銅鑼灣~其實夾係灣仔同銅鑼灣既中間位~~~~地點又唔算話勁方便喎~不推薦~




放低行李之後~就行過去時代廣場哥頭喇~~~當時係做緊高迪(Gaudi)既展覽呢~~~~~超開心~~~好人山人海~~前幾年去西班牙時已經非常欣賞佢既設計~~~~~可惜第二次去都係跟團~好少時間睇佢d建築!!我應承我自己~去要再去多次西班牙!!是為了細看Gaudi和品嚐好味的Tapas~~(唔會係最近~因為我好想等佢個聖家族大教堂起好先一次過去睇~之前好似話要到我70歲先起好~依家好似前左少少喇~)




好得意呀~~~好似將奎爾公園(Park Guell)搬左過黎咁~~~~~係奎爾公園有我很美好的回憶~因為有爸爸媽媽在..也有毛寶在~






個聖家族大教堂(Templo de la Sagrada Familia)好得意呀~~~~我也好喜歡呢個教堂既實物~因為我覺得佢既設計風格真係同其他既教堂好唔同~會令我望住好耐...隻眼又不停有野睇的~~~




而且佢仲有精品賣呢!!!!太出色了~~~~我買左圖中中間啡色哥支鉛筆呢~~只售$12~我買佢既原因係佢有寫到係Hong Kong Gaudi Exhibition 2014!!我唔買彩色的原因...因為我去西班牙時已經買左~~~~~~




其實....我係好鐘意好鐘意呢支鉛筆架....真係好靚喎!!!但係...就係因為$135呢個價錢...我放棄了.........................依家諗番起....做咩唔買呢????有可能以後都買唔番呢支我好想要好鐘意既鉛筆喇................嗚嗚...




仲寄左張明信片~超靚的~我第一次係香港寄明信片俾自己~




跟住行過去希慎哥頭睇下Line d公仔啦~~我真係明你感受架~大叔~




影咁多呢d相~~~我真係有d無聊~










呢兩個係室內的熊大與兔兔超難怕得好~因為人太多了~合照不了~







和Kapo Baby由blog友....

發展為相見既朋友!!!!!!!!!!
感覺好奇妙呀~~~~~~~
偷偷話你知~~
其實我係碼頭接你船既時候....
當我等你出黎時...
我心仔不停的撲撲跳~~~~~
好似同等布志綸黎一樣咁緊張~~~~
我地哥日仲一齊去玩左成日~~~
做左一d我同毛寶從來無做過既野...
亦都做左一d我地平日成日做既野~~~~
好開心~~~仲影左好多靚相~
好多謝你專登坐船係香港過黎探我!!!!
而我亦知你屋企同碼頭都好遠..
所以真的真的真的謝謝你~
我會好好珍惜我地既友誼*3*
還要謝謝你送我可愛的禮物*3*
希望好快下次見~~~~~~~~~~~~~~~~~~~~~
(也很謝謝毛寶豬車我地周圍去玩~~)



2014/10/13的開心事:
我頭仔痛...然後朗仔請我飲左佢杯星巴克咖啡兩啖~

新哥隻口味..我想試好耐~
仲好依家有人請我飲兩啖我唔使俾錢~
仲有呀仲有呀~~
我今日見到你兩次呀~~我好開心~~~




er....距離某人既30歲生日..
仲有.........幾日咋.........................................

34 則留言:

  1. 雖然你就泥生日,但睇你個樣都唔似30歲既= =++
    我覺得你大我少少25歲咁咋喎...我就T^T唉!!~
    睇呢篇BLOG我突然醒起你西班牙既BLOG呀...我突然覺得好懷念呀T^T
    我都好鐘意LINE既公仔架>_<佢地真係好可愛!!!!!~
    同埋學姐有請我飲星巴克呢...我好開心T^T

    回覆刪除
    回覆
    1. 希望啦......女仔真係好唔襟老.....
      青春真係買少見少囉~~~~(哭)
      我都好想再去~~~食野睇野~~
      哈哈~~我好鐘意哥個阿叔囉~~可愛~
      你就好啦~~有人請係飲成杯~

      刪除
  2. 小T,take care呀!大魚蛋超人張相好好笑。我發覺你係澳門我住香港,但你到過香港景点多個我了。

    回覆刪除
    回覆
    1. 我知喇我會乖早d訓架喇~
      哈哈~~我有無醜化到佢呀~
      咁其實有好多香港朋友黎澳門去既地方都會有好多我未去過喎~~~~好正常je~~~

      刪除
  3. 我都好開心呀 其實我話返你知呀 我暗暗好期待今日篇blog hehee
    我好開心同你地做你地平時做既野 好似一份子咁呀 好多謝毛寶車我地周圍玩 果日好休閒好滿足好開心呀 我都好珍惜同你既友誼 而家加埋毛寶添 你地對我好好呢 好感動
    我地雖然第一次見 但已經好似成日見咁 hehee 希望快d再見啦

    回覆刪除
    回覆
    1. HEHE~~~係咪知道我實會講你呢~~~~哈哈~~~
      係呀~我地平時都係咁無聊架~~希望無悶親你啦~我都覺得好休閒~~~~
      hehe~咁你係妹妹嘛~~~*3*
      唔知幾時再見呢~

      刪除
  4. ☁*♦╠ ╣ a Ρpy又星期一☁*¨☼晚上好喔¤★。☾・゚゚

    回覆刪除
  5. 佢同隻毒菇好襯呀...張相好好笑

    回覆刪除
  6. 好啦, 由網友變真工朋友, 係好咖..... YEAH

    回覆刪除
  7. 毛寶魚蛋超人幅相好3d,睇耐啲有點暈......喺船入面影嘅相幾靚,我都搭過嗰隻船,去張保仔條路應該要去埋五行石,相比之下後者更值得一去.
    kapo唔帶埋男朋友仔去嘅?好靚仔醒目你冇緣得見真係嘥,其實會唔會有啲老尷?

    回覆刪除
    回覆
    1. 邊個叫係望咁耐~...咁你搭過咁幾錢呀??我想知係咪收呢個價係正常???
      我無見五行石呀~如果有緣再去長洲咁就去下啦~
      無呀~佢唔得閒嘛~無呀~幾開心~

      刪除
    2. 唔太記得實價,但肯定好平,因為本來行番碼頭見太平先搭(張保仔隔離返碼頭)
      咁我下次過澳門都唔怕老尷,不過你唔駛嚟接我,搵貞公子嚟接就得.

      刪除
    3. 行番碼頭....唔係下~一定好遠~
      係咪要攞架黎丟呀..使唔使我向貞公子轉達??

      刪除
    4. 遠,一個人行就覺遠......
      千祈唔好,費事佢由而家開始喺碼頭等變望夫石......

      刪除
  8. hihi, 巧耐無嚟探你呀~~
    你去咗長洲玩?!有無食芒果糯米糍,有間巧巧味嫁:P
    巧鍾意毛寶魚蛋眼,正!

    回覆刪除
    回覆
    1. hihihihihihi~~好耐無見~去左邊呀~
      我真係無食~~~~~~好傻呀我地~~~
      我醜化左佢~~

      刪除
  9. 某人咁快30歲生日呀..................生日快樂啦
    頭又痛.....點解呀.........???..........係咪食得太多嘢呀.......

    回覆刪除
    回覆
    1. 就黎到喇..心情真係....好複雜~
      唔知呀..可能轉天氣啦

      刪除
  10. 成日都頭痛架你, 梗係旅行蟲又發作啦。

    回覆刪除
    回覆
    1. 唔係下話~~~~旅行蟲會令人頭痛架~~

      刪除

  11. 一D都唔似30囉^^
    你的頭痛真係好密下喎~~明白你心情,多D休息啦

    回覆刪除
    回覆
    1. 希望啦.....女仔真係好易老....唔同男仔..嗚嗚~~
      訓唔到先係最慘...

      刪除
  12. 張保仔洞我都未去過呀~~睇完你啲相~~~我諗我唔洗去喇~~

    下次去南丫島啦~~個邊好似多啲野睇啲~~

    點解你次次去到TIMES SQUARE都有好野睇既~~~好正喎~~

    就快生日既小T~~~預祝你生日快樂呀~~~

    回覆刪除
    回覆
    1. 哈哈~~可能入到去係另一個世界呢~~
      我都諗住下次去下其他地方玩下~~大家都推介南丫島呢~
      係咩!?!!?!?可能咁岩~~~
      多謝~不過心情真係好複雜~

      刪除
  13. 一日做66個case,好慘囉!
    澳門李康記和新榮記,一定要試啦!
    阿爺影得好好笑。
    您在希慎影D相都好搞笑,哈哈哈~~~~~

    回覆刪除
    回覆
    1. 都幾多~不過好彩放工前做哂~
      下次黎試下啦~真係好滑架~
      阿爺真係好正~
      yeah~~~

      刪除
  14. Hi小T就快三十歲生喇!恭喜妳,妳一d唔似三十歲囉

    回覆刪除
  15. 隻蜥蜴同煙通都做得幾似喎
    教堂模型好靚呀

    回覆刪除