2014年1月7日 星期二

樹咖啡Tree Cafe

今日....又無咩特別喎~勝在穩穩陣陣咁過左囉~最特別就係~今日做左舊年既評核喇~~~~~~~~我今年無5分公子宴架喇~~~靠另外6位公子喇~~~~~~~不過......我反而覺得好正常~巧舒服~(痴線架我~)



hehe~我要說我最愛食的澳門cafe了~喜歡的原因係因為我好鐘意佢地既waffle~~呢間cafe我一共去過5次~所以都試左幾款唔同既野可以同大家交流下~~呢間應該係2013年接近暑假時開的~咁我第一次去食哥時係2013年8月去的~~叫樹咖啡Tree Cafe~~地址:澳門塔石街朗晴軒地下J鋪(塔石中央圖書館後面)...電話:6618 6651....逢星期一休息...無訂位




店子超小的!!所以成日都有好多人係出面等!!!講真就唔可以話坐得舒服架喇....因為同隔離檯超近的!!!不過係小本經營的~兩公婆踢哂腳哥隻~






飲品類:

杏桃茶 $32(壺)......超愛佢既茶壺!!超少女的!!!!!!!....呢隻就有d淡味~





雜莓茶 $36.....唔錯~淡淡的士多啤梨和藍莓香~




香檸雜果 $32....呢個最好飲呀!!!檸檬味超清新呢!!真係好香既果茶~但唔係假味~同埋我終於撞到呢隻我最想影既茶壺喇~~~好靚呀~~~tiffany色~~好少女呀~~~~




鮮藍莓茶 $26....甜度不夠呢~




芒果檸檬特飲 $28....凍飲中我認為最好飲呢個~~~




焦糖瑪其朵咖啡 $30(熱) $33(凍)...我無飲過咖啡類~聽我媽同朗公子講都話唔錯的~



飲品類都唔錯~價錢亦可~不過我唔知佢依家有無加價~



意粉類:

香辣海鮮天使粉 $58....呢個係成個cafe最難食既野!!!!得個辣字....辣味又唔香的!!



海鮮意大利粉 $58......變番白汁就咩事都無~味道唔錯~不過d海鮮就唔係新鮮野~可有可無~




三文魚白汁天使粉 $48.........最對路的意粉~cafe黎講~價格對~味道也對~




肉醬意大利粉 $48.....其實呢個味道都做得幾好的~不過我嫌佢做得個醬水流流左d~




小食類:

芝士煙肉焗薯蓉 $28.....這個超好吃的~~~超香~個面焗得脆脆的~



泡菜焗薯蓉 $30......都正~不過芝士煙肉哥個正d~




蛋糕類:

佢每日都有好多唔同味既蛋糕...不過就唔係佢地自己整既應該係熊廚房攞番黎賣的~我就試過其中5隻~豆腐芝士蛋糕 $28....呢個係我心中no.1!!因為完全唔漏!!超香豆腐味!!!不過佢每次都會有少少唔同既裝飾~





綠茶紅豆蛋糕 $28.....個樣無得講!!嬴哂~~少女味到呀~~~裏面的紅豆也好好味~~~我好鐘意呢個~~~








覆盆子朱古力軟心蛋糕 $29....貪佢側面係波點先叫(波點控嘛~)...不過我嫌佢甜得黎太甜酸得黎又太酸~




紐約芝士蛋糕 $25.....我一向對紐約芝士都麻麻的~嫌太漏~




紅桑子朱古力 $25...都係太漏!




呢個係當時試業叫意粉送的超小型焦糖燉蛋~超好吃的!!!但我估唔到當佢要賣錢變成一個大的焦糖燉蛋就變得唔好味...失望~




waffle類:

士多啤梨窩夫 $68....唔算平架~不過夠兩人食!太愛佢擺得咁靚~~~唔影相浪費哂~~~同埋佢係有外表亦有內涵!!waffle外表脆脆的~d粉開得舊waffle個味好正喎~加上有點微酸的士多啤梨~唔怕漏~岩哂我呀~~~






焦糖棉花糖窩夫 $59....唔係唔好食...係焦糖真係會漏的~




紅豆綠茶窩夫 $62.....日本少女味重~~~不過紅豆都係有d漏~我本身麻麻紅豆~超愛綠茶的~




雜莓窩夫 $68....呢個同士多啤梨一樣好~有點微酸~解漏~所以我之後去都係叫其中一個的~waffle真係好好味呢~~

總括黎講呢度既飲品係佳!!窩夫係上佳!!意粉平!小食亦可~不過種類真係唔多~不過小本經營~可以原諒啦~我最愛的澳門窩夫cafe~





2013/01/07的開心事:
今天工作不算太繁重~
已經係開心事~~~~~~~~~~~



報時:距離澳洲探險自由行之旅2014仲有---73日~
哈哈~~我噚晚又係度睇緊機票喇~~~
今日仲問人借埋書黎睇添~~~~~~
唔知去唔去得成呢~~~
(如果去得成同澳洲應該差兩個禮拜左右~)

34 則留言:

  1. 綠茶紅豆蛋糕好有驚喜呀! 會唔會好甜?
    哈哈我好中意見到你地試咁多款意粉呢 ;D

    回覆刪除
    回覆
    1. 就係唔會哥下先抵鍚~~~食左都唔內疚~~
      小咪好愛意粉的?

      刪除
  2. yummy yummy, 窩夫好正呀,食甜品真係女人至愛,望見都開心
    你d旅行行程都好密喎^^羨慕屎人:)

    回覆刪除
    回覆
    1. 無錯~~影下相都覺開心~~~
      wakakak~另一個未定呢~~

      刪除
  3. 去邊丫???貞要知:)

    回覆刪除
  4. 乜一個人食咁多嘢呀~~~都講妳大食啦~~~哈哈哈(不過我知唔只得妳一個人)
    d凍飲幾平喎~~~窩夫我鐘意食呀~~~~最好加沙糖加牛奶或者蜂蜜漿.........正呀

    回覆刪除
    回覆
    1. 知你仲笑我~~~~~
      係呀~野飲係幾唔錯~幾平~~
      窩夫真係好得~~

      刪除
  5. 套杯靚到痴線架~~~~~勁鍾意~~~粉紅色至愛呢~~
    雜莓茶o個套都好靚呀~~~好正呀茶具~~
    綠茶紅豆蛋糕好靚呀~~睇見都開心呢 ^^
    我都諗緊黎緊去邊呀~~~~又好想知baby去邊啦~~kekeke
    等我考完試要同你傾多d計~~等我呀 <3

    回覆刪除
    回覆
    1. 我都好鐘意哥套架~~太靚了~~~~
      你如果下次黎澳門我帶你去食啦好無呀~~~~
      我whatsapp你知~~~~不過未定~~~
      知~道~等baby~~~~~~

      刪除
    2. 你介紹過既好多間我都好想去~~~haha
      不過依間既茶具真係好吸引~~~

      刪除
  6. 嘩~~~~~套茶壺茶杯勁靚呀)))) 我都巧屎框呀)))))
    咁多款甜品.....睇到我樣樣都想食

    回覆刪除
    回覆
    1. 係呀係呀~~~我都好想自己屋企有套呀~~~巧少女呀~~~
      無錯~~~佢d甜品唔錯~

      刪除
  7. 嘩嘩嘩...D甜品睇見都開心呢... .•*¨`*•♡ .•*¨`*•♡
    MY █▄❤VҼ 好姊妹...晚安安...我剛吃飽也想睡一會兒
    我家剛裝修完...不用大掃除...都要做清潔喇...我最怕有小強的

    回覆刪除
    回覆
    1. 係呀~~甜品影相都好開心~~~
      你就好啦~~我屋企有排執~~

      刪除
  8. 唔好食咁多甜品,因住肚仔漲泵泵。

    回覆刪除
  9. 咁淨係去食窩夫下午茶算啦。

    回覆刪除
  10. 澳門 d cafe 好靚~個tiffany色同粉紅色茶壺好靚呀~~~!!!!!!!

    回覆刪除
  11. 介紹靚靚cafe好睇但對我呢亭麻甩仔唔實用,得閒介紹吓啲地痞啱地盤佬去食嘅舖啦......個綠茶蛋糕真係好似我隻達達痾嘅爛屎.

    回覆刪除
    回覆
    1. 咁又係~你個麻甩肥佬點會岩~今日出哥篇岩你呀~
      你食屎.....

      刪除
  12. 士多啤梨窩夫好正,真才實資的食材,就唔會差!不過好多地方以成本為唯一考慮,就好極有限。
    澳洲一定去得成,不過聽說澳洲紙可能會跌,到時玩得更開心。哈哈哈

    回覆刪除
    回覆
    1. 不過呢間都唔算平~但質素ok所以我都去食~
      唔知呢~呢幾日又升番喎~

      刪除
  13. 啲窩夫好靚呀~~雜苺個個見相就好想食呀~~可惜我唔係住係澳門啦~~唔係第一時間去食~

    回覆刪除
  14. 咖啡好吸引, 我已中晒咖啡毒~~
    Wraffle 我鍾意薄身嗰啲呀

    回覆刪除
    回覆
    1. 咖啡我真係唔得~~~~越南哥d滴滴我還可以~因為有好多煉奶~其他飲完我怕訓唔著~
      即係要脆脆哥d~

      刪除
  15. Hi小t,tree Cafe d嘢食咁正!去咗五次咁多!澳門正係好多呢颣cafe 店喎!粉紅色套杯同茶壺同妳一樣咁靚喎!士多啤梨窩夫$68 好低喎!咁多款窩夫最正是邊個窩夫喇?bye!!!

    回覆刪除
    回覆
    1. 近排開左好多呀
      雜莓同埋士多啤梨都ok

      刪除
  16. 芝士煙肉焗薯蓉,我至鍾意食。
    士多啤梨窩夫 ,靚到點捨得食架!

    回覆刪除
    回覆
    1. 係呀~~呢間做得好好味~~
      所以要影相先~~~

      刪除
  17. 個粉紅色茶壼同個tiffany茶壼都好靚呀﹗d窩夫好吸引,yummy!!

    回覆刪除