2014年1月23日 星期四

毛寶生日會2013@灆泰國餐廳

由於今日要上山頂覆診....所以僥倖有得留係自己哥邊....賺左一日啦算係~不過下一次覆診係12月....天那~...咁咪仲有成年~~~蝕了~~~今日又因為中午分4更食飯哥樣野又講得熱哄哄........希望快d定左佢就算啦.....費事煩~聽日又要番過去~我有少少sad~我成日諗...點解得我一個?



嘻嘻~毛寶生日的整日~佢都唔知自己要食咩的~我哥日一早起身出左門口去準備一下~(其實都唔係準備d咩~).....中午我就訂左呢間舊文華東方酒店....即係依家既金麗華酒店裏面一間叫灆泰國餐廳食飯~呢間野唔係主樓入面...係做spa哥棟建築物哥邊~逢星期一休息...開12:00-14:30...18:30-22:30....電話:8793 4818....記得有衣著限制~背心短褲不可入內呀~




用日光做主要照明~令人感覺好舒服呢~而且呢間野唔太多人黎~太好了~






外面既景就係酒店泳池喇~感覺很悠悠閒呢~~正~




本身諗住坐室外...但當時9月還是太熱了~都係坐室內有冷氣算啦~~~~睇餐牌研究一陣~發現酒店內食泰餐好似係第一次~而價錢又唔算好貴喎~






泰式凍茶 $45....一般~我覺得d細鋪沖得好飲d~




我的選擇~香茅茶 $45....清新之選~




一款沙律既價錢係$90-$110左右....自選沙律配搭兩款就$135....叫可以試多個口味~咁就叫左兩款試試~左邊的是香草柚子蝦沙律(單點價$100)...呢個麻麻~無咩特色~...右邊的是香辣墨魚片沙律(單點價$100)...呢個正~汁正墨魚也正~下次試下其他沙律先~~




香辣黃咖哩炒蟹 $350....咁以酒店食隻蟹黎講...又唔算貴喎~而且隻蟹黎到仲幾大隻下~不過我唔知佢係咩蟹呀~又唔似肉蟹喎....似之前係新加坡食哥d黑胡椒蟹哥d蟹feel(那是斯里蘭卡蟹嗎?).....汁整得超級得!!!送飯一流(而且佢都有跟飯的~)...不過毛寶話隻蟹無咩蟹味~美中不足~




烤和牛配辣汁和薑汁 $230...一出...見佢黑munk munk...反一反眼...大家都知我最憎食鞋既肉啦...點知一咬...頂~~~~~超好味呀~~~唔鞋唔硬不特止....仲要超重牛味!!!!好正呀!!!呢個真心推介!!超好味~~~唔點佢d汁都好好味~




叫埋甜品試試先~睇餐牌見到有個班蘭布甸(pandanus creme brulee) $90.....creme brulee....但係班蘭味??叫黎試試先....咦~又幾唔錯好食喎~雖然$90一個係有d貴~但真係幾好味喎~又唔怕太甜~一個兩份食岩岩好~




希望壽星滿意我帶你去食既生日飯啦~~~~錫錫~~*3*






聽晚有得去公子聚會~
賀麥公子新居入伙~~~
一齊去活著viva~~~~~~
夜d先出blog呀~~~~



2014/01/23的開心事:
今日去覆診...行左一條平日唔會行既路..
經過一個公園....
係上班時間....可以置身公園..
感受今日溫暖既陽光....我覺得好舒服呢~
為左慶祝呢種舒服既感覺...
我係山頂買左一round炸物自己慶祝~
春卷呀~咖哩角呀~馬介休球呀~水餃呀~
正!!!!!!!!!!!!!



報時:距離澳洲探險自由行之旅2014仲有---57日~
報時:距離吉隆坡慶生自由行之旅2014仲有---84日~

26 則留言:

  1. 如果夜返既~~
    就唔好咁辛苦出blog, 早d休息呀baby <3

    回覆刪除
    回覆
    1. 哈哈~~唔知點解我成兩點幾先番到屋企...我仍然好堅持寫左blog先去沖涼~

      刪除
  2. 毛寶係你最佳拍檔,梗係要帶佢去撐下檯腳啦。

    回覆刪除
    回覆
    1. hehe~係呀~~~所以我都有出盡腦汁為佢慶生~

      刪除
  3. 回覆
    1. 你無瘡瘡我唔信你唔同我一齊食~

      刪除
  4. 泰菜好似好好味咁喎~~~
    食咁多炸嘢、出緊暗倉...........

    回覆刪除
    回覆
    1. 呢間係幾好味呀~
      哈哈~~其實我有出緊~~~

      刪除
  5. 我就係想懶...所以早些做好大掃除...早些游手好閒囉...哈哈哈
    我今天又忙左一天¤*¨❣要買好多餸又行超級市場買禮盒
    明天和男家吃飯呢...星期六和契仔一家吃飯呢
    ♦・゚2Ѽ14齊齊過得豐豐盛盛...歡樂天天...哈哈哈

    回覆刪除
  6. 香辣黃咖哩炒蟹 $350...香港是貴呢

    回覆刪除
    回覆
    1. 都ok啦~我覺得個價錢係酒店食ok既~

      刪除
  7. 有得花心思去一起慶祝一次生日,感恩+幸福.午餐已經咁,之後晚餐+禮物+蛋糕+驚喜,咪令你嘅忠粉失望呀.
    麥公子勁,自置物業或同家人合資都一樣係咁犀利.

    回覆刪除
    回覆
    1. 都係既~有得幫佢慶生我都覺得好榮幸~
      er......我自己手作仔咋喎~唔知有無令你失望喎?
      麥公子真係幾叻叻~

      刪除
    2. 都係既~有得幫佢慶生我都覺得好榮幸~
      er......我自己手作仔咋喎~唔知有無令你失望喎?
      麥公子真係幾叻叻~

      刪除
    3. 咁又係我都覺得好榮幸可以為佢慶生~
      er...我自己手作仔咋~唔知有無令大家失望呢?不過毛寶就好開心喇~
      麥公子叻叻呀真係~

      刪除
    4. 珍惜呀死肥仔!!(感懷身世中)
      份手作仔......絕對喜出望外,神級傑作,令我差點愛上你,要望番你個樣先冷卻下來.
      唔知有冇新居相睇呢?

      刪除
  8. Hi小t,灆泰國餐廳我上年暑假都去過,平日去,即日book晚上都有位!食物o.k.但香辣炒蟹我都有叫!但麻麻地好食!同好朋友兼旅遊拍檔去食好野特別開心!bye!!!

    回覆刪除
  9. 你真係好鍚毛寶小朋友喎,同佢補返食泰菜,仲要幾好味。
    我今日lunch都係泰菜,ok咋,你lee餐好味好多囉。
    嘩,又炸嘢,睇到都覺喉嚨乾,哈哈,不過其實我都好like炸嘢的~~

    回覆刪除
    回覆
    1. 哈哈~唔係補祝架~哥日係正日黎架~~
      泰國野又係食極都唔厭既菜系~
      炸野好難拒絕架!!

      刪除
  10. 環境幾幽靜同舒適喎,嘢食都ok丫。生日快樂呀,毛寶!其實毛寶係咪同你一齊做嘢㗎?

    回覆刪除
    回覆
    1. 環境真係100分~~唔怕嘈~野食都算唔錯~~
      係呀~七公子都係一齊做野架~不過唔同部門~

      刪除
  11. 舒服既感覺....都可以慶祝,真係好識逗自己開心之餘.....又乘機食一堆美食!! 真係好得呀^^

    回覆刪除
    回覆
    1. 我成日都搵野慶祝架~如果唔係番工日就會好悶~

      刪除
  12. 呢度環境真唔錯~~ 祝毛寶生日快樂~~

    回覆刪除