士多巴梨果醬

噚晚..我整左士多巴梨果醬…我堅信…我整既士多巴梨果醬係全世界最好食既~



d士多巴梨浮下浮下個樣幾得意

整士多巴梨果醬既材料就當然有….士多巴梨啦…有糖..仲有d檸汁

將佢切好…加糖…撈勻佢等一晚

李咁亂師傅話：由於時間關係….過左一晚之後就會變成咁喇

仲要細火慢烤佢……..搞呀搞呀搞呀搞佢…搞到自己頭都暈就得架喇

最後就會變成靚果醬喇

今日…..唉……今日………..其實唔開心又點呢???都係要工作…都係要食飯….都係要番學….都係要社交…..咁多野做…唔係應該無時間唔開心喇咩???不過我依家可以…一路工作一路唔開心…..咁咪可以慳番d時間囉?!真係好叻呀我哈哈…最佳事例…..中午係屋企洗手….諗住整d梘液先洗….整完之後卒下卒下…..一路卒就一路諗其他野……但係為何卒咁耐都無泡呢???….原來…..我攞錯左隔離支肌麗潤手霜囉…….攞命….不過我仲忍唔住笑左一笑…..呀……仲識得苦中作樂…真係好叻囉~



聽日梗係會比今日叻啦我相信

希望食到我整果醬既人都會喜歡啦…..(講到自己好似整左十噸咁)

好啦….係度先祝小貞貞明天生日快樂樂…天天健康康…仲有明天既歌唱比賽現金大獎一定係我同臭男人組獨得!你地等住黎啦~

仲有仲有….星期六既周兒演唱會都係不容忽視~