Tom Riddle

哈哈哈…..星期一wai wai整左新甜品俾我地食—士多啤梨嚤屎……我直到噚日先記得將佢帶番屋企…..哈哈哈….雖然質感已經被我擺到變布丁…..哈哈哈….但個味仲好好味架….唔好怪我啦我下次唔敢喇…你唔好唔整俾我食呀



華…你睇下佢…..身材同色澤都一流呀

波特觀察

噢…..呢個禮拜聽過最好的消息：媽媽話好e明天走了~~~~我無聽錯下話?!番黎一日就走???咁益我???開心到不能形容….因為佢地今日下晏仲打麻雀嘈住我無得訓下午覺….我已經做好心理準備要出現多幾日…..依家簡直就係意外驚喜呀~~~



之前買左個新既哈波眼鏡…..有影到d沙龍…俾大家見識下

下次著埋妹子幫我買既哈波斗篷再影過…我真係佢既忠實粉絲!

虧英 現 墜 趴地

今日中午時知道左一個消息….就係好e佢聽日會番黎….噢….賣吉……..即係話我將會唔夠訓喇又….好彩星期五阿婆生日…..出去食飯唔使見到佢咋!!!!………唉……今日公司唔太多野做原來只係想補償俾我咋……..最慘就係…近呢一個禮拜我已經不停聽到有人話我：做乜個樣好似咁殘?…….好傷心…我番晏….番10點….明明已經訓多一個鐘….訓成8個幾鐘一日…又無因為遲左起身而晏訓到…..唔通我訓得太多都係罪???點先至變番唔殘呀(個樣已經唔係特別好…只係正常…仲要俾人話我殘….)咁我唯有訓番少d啦



萬眾期待噚日終於去食左屋企對面既東北人喇…..咁好彩唔使等位就有位喇…..不過….連茶錢都要成五蚊位呀………..但佢d茶仲要特別難飲tim呀(可能係東北口味卦)……..但係佢d野就唔難食既…..不過又唔係話特別好食囉…..即係話如果有人叫我陪佢去試下既話…….我係唔會拒絕….但我唔會主動提出去食囉………..三個人每人四十五蚊度…..不過佢d餃子真係細粒到我要食兩粒先夠一啖…..佢仲要十六蚊一碟得八粒…唉…..



睇下d餃幾細粒…佢個拌三絲幾好食…不過食完下晏個口好臭(重蒜粒)

狂歡兩寶香港之旅---2

續番噚日既香港之旅先……睇完polaroid之後….我地就係又一城度周圍行………其實又一城都幾多野行….可以一次過滿足我多個需要….有agnes b….H & M(貪佢夠平)…..i.t…..toysrus….izzue…..log on之類之類啦…..哥日都行左成三個鐘度呀……



隨左有polaroid展覽外….佢商場仲有其他好似mini cooper展咁

狂歡兩寶香港之旅---1

突然的機會令到噚日有契機去香港…..本來諗住去日本之前都唔會再去香港住…..不過有機會就唯有去下啦(好似好委屈…其實爭住去)….隻杯由於生病…..所以今次變成得番狂歡兩寶…..我地張飛係11點既…我地兩個想早d過去….所以去排九點半候補…..點知….我從來都未試過…..竟然多人到排唔到….跟住跑去排九點九….好彩毛毛球醒目提出去排定十點…所以我地就分開排….因為候補派到我之前哥個(其實我之前得兩個人咋)…真係之前哥個咋…..就0岩0岩好派哂(即係得兩個候補位)….跟住毛毛球排十點哥條隊就排第二先有飛上到………….唉…我從來都未試過排成三次候補先上到船架!



一過到去我地就去最愛去食的板前啦…有我地最鐘意食既三文魚子同超大的帆立貝壽司…..但無海膽囉

炎炎夏日

好熱好熱好熱呀~~~~~~熱到人傻喇….平時夏天係屋企唔開風扇都得架嘛(夜晚)……………但今晚開行風扇都覺得超熱…救命呀~~~



唯一可以係炎熱既天氣裏面救我全家既只有佢…最愛的口味

萊斯酒店和牛之夜

今日放工既時候…..又把我及sasa給累壞了…….幸好有佢…否則我做到窒息………..但好好彩今日都可以準時收工….今日放工…..我和我的最愛(爸爸媽媽)book了檯一起出街食飯….好開心呀…..今次係爸爸請….話因為華哥哥俾錢喎…..咁就一齊出去慶祝呀~~~~~去左萊斯酒店食….有個和牛套餐(星期一至四先有)…280蚊…..係半自助餐黎架…..頭盤沙律及甜品都係任食….主菜係和牛或焗爐魚(由於我地唔想同大家分享和牛…所以叫左三個都係和牛無人揀魚hehe)….仲有個湯咁囉



今日食晚餐既地方———>萊斯酒店

終於完左考試喇

hohoho…….今日十二點九企出課室時……正式宣佈我既暑假到來喇…..yeah~~~~雖然暑假都係要番工……….但諗起一放工唔使番學可以即刻跑番屋企行黎行去….想做乜都得既時候…..真係超級開心呀!考完試去食飯時真係開心到傻左….一路食一路話因間行街要買好多野…..其實我寧願番工都唔番學….今個禮拜就開始番晏喇…..因為考完試要同d同事調下更…..都好既可以訓多一粒鐘



但今日行街係乜都買唔到….行番阿婆度食飯時經過塔石廣場有個藝墟….都幾得意呀…最正係有把扇俾我…因為今日又係熱到傻

速成溫習班

今日有個溫習班…..去momo度溫….我同朗仔買野上去食….但今日好曬好熱……曬完之後搞到我今日成日都無心機….好似中暑咁…..但係由於我地受於神既影響….成個溫習班我地都係度大唱於神既歌……我地係一個快溫既團隊….但今日連快溫既耐性都無….救命…爭呢科咋!!!但轉個頭佢又大落雨喇..吹佢唔漲…..



今日諗住去買屋企對面新開既東北人…..但….使唔使咁多人呀

未能忘記.....Eason's Moving On Stage 10

噢…..噚日去睇於神既Eason’s Moving On Stage 10….我地全部分得好開咁坐…因為係不同既人買飛….我同小貞坐…朗仔佢地就坐後一格….mo仔同杯就坐到超遠….不過係0係正我對面…..咁0岩線因為某d原因….令到gilbert同佢女友坐左係我隔離…本來佢坐隔兩個位…..點知我隔離哥兩個主動同佢地調位…所以我就有一個非常鐘意於神演唱會既人做我既響導喇……..好x正呀!!!!!!!!!!!!!!!!!!!!!!!!!!!!!!!唔知要用幾多個感嘆號先可以表達我既想法…….如果佢再開演唱會我一定會再睇呀….雖然一開始既時候好悶…..因為哥d歌我唔係咁識(新歌)……我個人黎講都唔算太過鐘意於神…..但係一到後尾….由於於神始終係歌王….所以平時就算唔太留意佢d歌….都梗會識既…就係今日…與我常在….富士山下….淘汰….最佳損友….葡萄成熟時…..天下無雙…..單車之類你都梗會識……..好正呀真係….佢唱歌好聽就係人都知…….仲有d同香港既演唱會唔同….但我就比較喜歡澳門的…..到左最後encore部份係醉正醉正架!!!!佢帶動到d氣氛好好!!有好多好多既人都企哂起身拍手(包括我)…..到左今日….我仲要不停聽於神既歌黎回想當時咁正既情形…….我之前認為Aaron係我睇過既演唱會之中係最正….但於神….已經可以同佢分庭抗禮…….但我覺得佢最勁係……aaron係靠dancing……於神係靠把口已經可以咁好睇……..非常享受



去睇於神既途中…..黑夜已經悄悄來臨…因為坐緊車…所以好震

抗通漲....唔知使到幾耐

呢幾日都係咁啦…咪又係一樣咁多野做囉…..d人係川流不息既…唔會有休止既……所以將個禮拜既期望放係聽日既e神身上…..先至可以止到悶咋….星期日仲要番學校考試…想死..不過我仲未開始溫習…因為我正投入在哈利阿波既世界…睇緊第二集…..我要做出由頭睇落尾既創舉….集與集之間唔可以有其他書介入我同阿波之間既感情……所以星期六先溫啦



終於都出左糧喇….加埋華哥哥俾的錢…今個月都可以勉強抗通漲既…所以獎勵下自己囉….行玩具鋪時見到佢好得意…價錢又相宜…超平…55蚊咋….可能係月下貨….將佢臭左番屋企



幾型!!迷彩褲+米老屎衫+型老屎帽

聽日靠你喇e神

黑色傻花生

今日放工既時候幫人做左d野…..做做下諗到可以憑呢樣野叫人幫番我地….於是我周圍認叻……諗住星期五呢個人會幫番我同小貞….好奸呀我…..奸到出哂汁呀…hehe



好開心呀..星期五可以去睇eason係venetian既演唱會….仲係用280蚊就買到1200蚊既飛呀….第一次可以坐到咁近呀..熱切期待呀……希望好睇啦…我要聽淘汰

前幾日媽媽買左隻怪花生…好怪…黑色…不過味道唔怪

蠢勃勃的人

今日十一點起身…..唔係即刻衝去刷牙…..係睇下個電話有無同學仔腥咩四住俾我….因為我有份功課今日要交….好彩見到有咩四住咋….跟住就牙都唔刷….走左去上網先….跟住開左份功課…..點知原來都寫得幾簡短下….真係好簡短….睇完都仲要慢慢參透個玄機….跟住本身腥e貓俾我既同學仔話佢係香港….問我可唔可以佢係哥邊做完幫佢交番去學校….咁我覆番俾佢問佢幾時腥俾我…..點知佢同我講因為佢係香港好多野做(番工d野)…同埋隻眼唔舒服….問我可唔可以幫佢做埋….唔知點解唔好意思拒絕佢…因為d答案都係佢問人腥俾佢再腥俾我…..所以就答應左…..但其實我之前一日都應承左人如果有答案就幫佢做埋….因為佢今日要上大陸有d野做….但係………………..份功課其實好難做(以我既程度)…..仲要做三份……………要用三個唔同既腦袋黎做……諗起都驚….飯都無食….我由十一點半開始做…做到下晏差唔多三點半到四點到…..終於做完…..期間好彩有朗仔黎我屋同我一齊做….如果唔係我諗我五點都出唔到門口….做完之後個頭痛有少少番發….加上未食野….有d暈暈地…..本來諗住番完學校交左功課再食野….但我同朗仔都已經頂唔順……唯有求其係雀仔園的茶餐廳食左個豬排包……之後交完行左陣達成英語中心….就各自散….但頭先講電話時我奚落左我幫佢做功課既人一陣…..最後點知俾佢發番我脾氣…….佢話明我慘….又點會明???只可以話我自己個人犯賤…….所以我應承自己……我以後都唔會幫人做功課………簡直吃力不討好



夜晚同左媽媽去食飯啦……去左音樂會豆食飯…..叫左好多野食…媽媽話補番今既不足呀…..



每次都叫既飲品”香橙蜜”…..隻味好似以前係法國飲既一種橙汁汽水..懷念

with a boy like me?!

今日又去左搵阿co哥….諗住轉下新形象….所以就叫佢剪剪剪短d頭髮佢…..剪完都覺得真係幾短…..本來諗住剪個更短既…好彩無咁做咋…..原來仲未有吉屎去咁做…一番到屋企涼都唔沖諗住俾爸爸媽媽睇下個新髮型….爸爸話：你諗住去考保安呀?….媽媽既反應一如以往剪短髮既回應：好好呀……怪媽媽…總喜歡女兒恤短髮……..不過有機會長番…..唔驚



新的髮型…..係咪好短呢?????下次試下再短少少

Kung Fu Panda:]

Hey Hey You You….Kung Fu Panda is very “骨”…..噚晚去左睇功夫熊貓…..超好睇呀….好好笑呀…我由頭笑到落尾…我笑到連隔離個六至七歲既小朋友都話”有無咁好笑呀?”唔係喎…坐我後邊既鴨妹們都笑得超大聲喎…..乜依家d小朋友咁無童真架….……佢d樣衰做得超好笑….都抵我噚日排左好一陣子時間買飛…..



真係好好笑….佢出vcd哥陣我會再買多次黎回味下

日本之旅遇上小阻滯

噚日去左旅行社…..諗住book去日本d野….以為提前咁早book會好順利….點知番黎班機去左waiting list哥度等..希望可以入到好d既時間啦…..咁玩既時間會充足d!!!!去完旅行社之後就去左欣欣杯屋企….又見到衰仔柏…查實佢乖既時候都幾可愛既…..



就係同佢呢個深情對望…下一秒揸相機哥個人已經衝左過黎救我喇…..可能我同佢對望…佢以為我表達佢知佢可以趷我

有邊隻斑點狗可以好似佢咁….塊面無乜斑點…但兩隻眼既黑眼線生到同隻眼超貼…..我畫都無佢生得咁自然

請問何時....小貞會歸來我身邊?

噚日7月1號…..個經歷真係好……..正(梢講)……成十一點半先收工….真係多得班乞兒唔少呀…不過算啦…都總算過左去喇……

不過呢….好唔開心呀….小貞離開左一樓呀……離開左我地…雖然係暫時….但大家都覺得唔好受…….好掛掛佢呀

呢張相好似唔知係三年之前影架喇…..好薯呀