雨過天青

今日好開心呀….

上堂時點完名…走左去

因為今日本來諗住捉阿Sa去傾

但佢無番學..我已經鼓起左勇氣

所以我就直接去佢屋企搵佢

去到佢屋企附近…我就打俾佢同佢講

係佢屋企樓下叫佢快d落黎(但係佢係度訓緊覺)

我地就係佢屋企對面茶餐廳傾….

終於將多月黎的心事一一解開

係個好好既3月份結尾~

p.s.我地去到茶餐廳..

     毛寶:我要一個腸仔煎雙蛋

     阿嬸:……腸仔?

     毛寶:無腸仔呀?

     阿嬸:有呀…..咁你呢

     小T:我呀….炸雞翼啦

     阿嬸:………………………..

當時時為晚上九時多

我諗阿嬸好驚…一個叫早餐野…一個叫下午茶

無個正常!

上個月柏仔嘔呀..加上有新勁敵..連番受挫~

BBQ之夜

噚日好鬼開心呀!!!!

首先中午同左毛寶去食瑤柱撈米..ok好食

不過我覺得太貴喇…只係茶餐廳

但兩個人要成56蚊!!!!!

跟住同小玩兒去車fingg去搵王子攞燒烤d野

由於王子佢可能等得我地太耐..所以佢個樣有d似”雷震子”(小玩兒形容)

之後接埋朗仔之後我地就一齊去左威尼斯人喇

陪小玩兒係shiseido試粧….

買左好多野….又送d tester

Happy Friday

呢個禮拜好似過得好耐咁…

好彩依家終於到左星期五咋….

有日Sasa又發我脾氣..真係好激氣

後尾諗諗下都係算囉

又好彩聽日有得燒烤..同G &王子一齊

好開心

但點解老d又去架…

今日毛寶俾老屎Fuck蝦..

搶佢假..好驚無得去日本呀..

做哂疏蕉最後無得去…好瘀同好失望

希望毛寶會爭win啦

唔知去燒烤哥日會唔會好天呢?

散仔雯

哈…終於放復活節假喇

我回憶下做過d咩先

星期四晚約左去飲野..臨放工時Sa仔又係度玩野

明明應承左我地會去

又話好攰唔知去唔去

小貞氹佢叫佢去

於是我扯火話唔好氹佢..佢要去就去

唔去就唔好去

點知佢真係無去

但我地哥晚去mgm好正

正在d蛋糕同張chair

yeah~可以坐得好close

慘的一天

今日本黎約好毛寶食齋

但係打俾毛寶佢把聲都變哂

原來佢發燒…..跟住我唔淮佢出黎

就買左湯米去佢屋企….食完再捉佢去山頂睇醫生

但好搞笑已經上左28號c先知佢唔記得帶金card要番屋企攞….

等左個幾鐘先睇完

睇見佢病覺得佢好慘

小病是福呀~(咀角屎的語氣)